?ഗോപികാവസന്തം? 4 [അജിത് കൃഷ്ണ] [Climax] 432

അരുൺ :ചൈതന്യ എല്ലാം കൈവിട്ടു പോയി… അവർ എന്നെ വീണ്ടും വീട്ടിൽ നിന്ന് പുറത്താക്കി. ഞാൻ നിന്നോട് പറയാൻ വന്നത് അതല്ല നന്ദൻ എവിടെ എത്തി…

ചൈതന്യ :അരുൺ ആർ യൂ ഓക്കേ.. അരുൺ..

അരുൺ :ഞാൻ ഓക്കേ ആണ് ഞാൻ പറഞ്ഞതിന് ഉത്തരം പറ..

ചൈതന്യ :നന്ദൻ വന്നു കൊണ്ട് ഇരിക്കുക ആണ്..

അരുൺ :ചൈതന്യ ഞാൻ പറയാൻ വന്നത് അവർ ഇന്ന് രാത്രി എന്തോ പാർട്ടിക്ക് പോകുന്നുണ്ട്. എന്റെ മുൻപിൽ വെച്ച് ആ പാർട്ടിയിലെ ചില കാര്യങ്ങൾ പറഞ്ഞു. എന്റെ ഊഹം ശെരി ആണെങ്കിൽ ഹരിതയെ അവർ ഇന്ന് ആ പാർട്ടിക്ക് കൊണ്ട് വരും..

ചൈതന്യ :ഓഹ്ഹ് മൈ ഗോഡ് ഉറപ്പാണ് അവൾ ആ കാര്യം അറിഞ്ഞിട്ടില്ല. അവൾ ശ്യാമിന്റെ മധുര വാക്കുകളിൽ വിശ്വസിച്ചു കൂടെ പോകും.

അരുൺ :ഹരിതയുടെ നമ്പർ കൈയിൽ ഇല്ലേ നിനക്ക് വിളിച്ചു ഒന്ന് സംസാരിച്ചു കൂടെ. ഇത് അവളെ അറിയിക്കണം അല്ലെങ്കിൽ അവൾ അപകടത്തിൽ ആകും. നന്ദൻ എത്താൻ താമസിക്കും പക്ഷേ നമ്മുടെ മുൻപിൽ ഈ ഒരു രാത്രി മാത്രം ആണ് ഉള്ളത്…

ചൈതന്യ :ഞാൻ അന്ന് പറഞ്ഞില്ലേ ഒരിക്കലും ഒന്നും വിചാരിക്കാതെ ഇരിക്കുമ്പോൾ ആണ് സംഭവിക്കുന്നത്.

അരുൺ :അത് പറഞ്ഞിട്ട് കാര്യമില്ല… എങ്ങനെ എങ്കിലും ഹരിതയെ രക്ഷിക്കണം..

ചൈതന്യ :അപ്പോൾ ഗോപിക…!

അരുൺ :അടിച്ച വഴിയേ പോയില്ലെങ്കിൽ പോയ വഴിയേ അടിക്കുക.. ഞാൻ എന്റെ പരമാവധി ട്രൈ ചെയ്തു മനസ്സിൽ ആക്കണ്ടേ.

ചൈതന്യ :അത് തന്നെ ആയിരുന്ന് എന്റെ അവസ്ഥയും. ഒരിക്കൽ പോലും ഞാൻ എന്റെ തെറ്റുകൾ മനസ്സിൽ ആക്കാതെ വീട്ടുകാരെ പോലും എതിർത്തു ജോണിനെ സ്നേഹിച്ചു. എന്നിട്ടോ എല്ലാം എന്റെ അഹങ്കാരം ആയിരുന്നു. ഈ പ്രായത്തിന്റെ കുഴപ്പം ആണ് അരുൺ. തെറ്റിലേക്ക് ചെന്ന് കയറി കൊടുക്കുന്ന പ്രായം. ഞാൻ എങ്ങനെ ആണ് ഹരിതയോട് ഈ കാര്യം പറഞ്ഞു മനസ്സിൽ ആക്കും. ഞാൻ അവളോട്‌ പറയുമ്പോൾ അവളുടെ അതേ പ്രായത്തിൽ എന്റെ അവസ്ഥ ഓർമ്മ വരുന്നു. ആരൊക്കെ എന്തൊക്കെ പറഞ്ഞിട്ടും തലയിൽ കേറാത്ത എന്റെ അവസ്ഥ. അവന്റെ പ്രണയത്തിൽ കണ്ണ് മഞ്ഞളിച്ചു പോയ എന്റെ ജീവിതം..