” സാരമില്ല അവളങ്ങിന , ഇരുന്ന് കഴിക്ക് ”
ആര്യ അവനെപ്പിടിച്ചിരുത്തി , അടുക്കളയിൽ പോയി തിരികെ ഒരു കള്ളച്ചിരിയോടെയാണ് വന്നത്,
” ഇന്നലെ നല്ല തിരക്കായിരുന്നു അതുകൊണ്ട് നല്ല ക്ഷീണമുണ്ട് ഒരു നാലഞ്ച് മണിക്കൂറെങ്കിലും ഞാനുറങ്ങുമായിരിക്കും ”
അവൾ മെല്ലെ ആര്യയുടെ ചുമരിൽ കൈ അമർത്തിക്കൊണ്ട് പറഞ്ഞു, ആര്യ ചിരിച്ചു ചുമച്ചു പോയി പിന്നെ തിരിഞ്ഞ് അവളുടെ ചെവിക്ക് പിടിച്ചു.
” പോയിക്കിടന്നുറങ്ങ് പെണ്ണേ ”
സ്നേഹ തൻ്റെ റൂമിലേക്ക് പോയി കതക് ചാരി .
” ഡോ തൻ്റെ പ്ലാനെന്ത ”
അവന് ആര്യയെ നോക്കാൻ പാടുപെടുന്നപോലെ ,അവൻ നാണത്തോടെ
” എന്ത് പ്ലാൻ ”
” ഈഹ് അതല്ലട മണ്ട , തൻ്റെ കൂട്ടുകാരനെ കാണാൻ പോകുന്നൂന്ന് പറഞ്ഞില്ലെ , അത് ”
അവളുടെ മുഖവും നാണത്താൽ ചുവന്നു.
” ആഹ് പോണം , ഇന്ന് രാവിലെ സിസേറിയൻ ഇണ്ടാവുമെന്ന അവൻ പറഞ്ഞെ ”
” ആ എന്നാൽ പോയിട്ടു വരാം , കഴിക്ക് ഇവിടുന്ന് ഒരു നൂറ് കിലോമീറ്ററിനു മുകളിൽ അങ്ങോട്ടും ഇങ്ങോട്ടും കാറിൽ പോകാനുണ്ട്, അവളേം കൂടി വിളിക്കേണ്ടതായിരുന്നു , കുഴപ്പമില്ല നമുക്ക് പോയിട്ട് വരാം , താൻ പെട്ടെന്ന് ഒരുങ്ങ് ”
” ഞാൻ ബാഗ് എടുക്കാം അല്ലെ, ?? ”
അവൻ അവളുടെ കണ്ണുകളിലേക്ക് നോക്കി ചോദിച്ചു. പതുക്കെ അവ നിറയുന്നത് അവനറിഞ്ഞു.
” എന്താ നിനക്ക് പോകാണോ ”
അവളുടെ മുഖഭാവം മാറി ദേഷ്യത്തിൽ അവനോട് ചോദിച്ചു. വേണ്ട എന്നവൻ തലയാട്ടി.
അവൾ പാത്രങ്ങളുമെടുത്ത് അടുക്കളയിലേക്ക് പോയി , അവൻ കൈ കഴുകി റൂമിൽ എത്തി ദുബായിലേക്ക് പോകാൻ ഡ്രസ്സ് മാറി ബാൽക്കണിയിലേക്ക് പോയി, വൈഫൈ കണക്ട് ചെയ്ത് തന്നെ കാത്തു കിടക്കുന്ന ഒരുപാട് സുഖാന്വഷണങ്ങൾക്ക് മറുപടി ഇട്ടു. , പിന്നെ അത്യാവശ്യം വീട്ടിലേക്ക് വിളിച്ച് കാര്യങ്ങൾ പറഞ്ഞു.
