ഹർഷവർഷാരവം ഒരു ഇരട്ട കല്യാണം [Aardranurag] 236

“ഹാ.. അഭിനയിക്കാൻ നീ കഴിഞ്ഞല്ലേ ഉള്ളൂ.. അയ്യോ.. എടീ.. മതി.. നമ്മൾ വന്നിട്ട് കുറെ ആയി.. വാ.. പോകാം.. തിരക്കുന്നുണ്ടാകും നമ്മളെ.. ബാക്കി കഥ വീട്ടിലെത്തിയിട്ട് പറയാം…” ഹർഷ തിടുക്കത്തോടെ പറഞ്ഞു. അവർ ഫ്രഷ് ആയി.. ചിരിച്ചുകളിച്ചുകൊണ്ട് വാഷ്റൂമിന് പുറത്തിറങ്ങി ആദിയുടെയും അഭിയുടെയും അടുത്തേക്ക് നടന്നു.

“ഹാ.. രണ്ടുപേരും ഫ്രഷ് ആയോ.. എന്നാൽ പോയാലോ..” കാറിനടുത്തേക്ക് നീങ്ങിക്കൊണ്ട് അഭി ഹർഷയോട് ചോദിച്ചു.

“ഞങ്ങൾ റെഡി..” ഹർഷ ചിരിച്ചുകൊണ്ട് പറഞ്ഞു.

“എങ്കിൽ വർഷ ഇങ്ങോട്ട് വാ..” ആരാണ് വർഷ ആരാണ് ഹർഷ എന്നറിയാതെ നിന്നിരുന്ന ആദി ചെറിയ ചമ്മലോടെ പറഞ്ഞു. അത് കേട്ട് വർഷയും ഹർഷയും മുഖത്തോട് മുഖം നോക്കി ചിരിച്ചു.

“അളിയാ.. ഇത് പൊളിക്കും…” അവരുടെ വശ്യമായ ചിരി കണ്ട് കിരൺ വരുണിനോട് അടക്കം പറഞ്ഞു. വരുൺ അവരെ നോക്കി വെള്ളമിറക്കി.

“ഹോ.. ചിരിക്കേണ്ട… ഞാനാണോ ആദി അതോ.. അവനോ..” അഭി ചോദിച്ചത് കേട്ട് അവരുടെ ചിരി പെട്ടെന്ന് നിന്നു.

വിഷമിച്ചു നിൽക്കുന്ന അവരെ കണ്ട് അഭിയുടെ അമ്മ ഇടപെട്ടു. “മതിയെടാ… പിള്ളേരെ കളിപ്പിക്കാതെ.. വാ മോളെ.. ഇവനാ അഭി..” ഹർഷയുടെ കൈ പിടിച്ചുകൊണ്ട് അമ്മ അവരെ കാറിനടുത്തേക്ക് വിളിച്ചു.

കിരണും വരുണും ഡോർ തുറന്നു കൊടുത്തുകൊണ്ട് അവരെ നോക്കി വെള്ളമിറക്കിക്കൊണ്ട് നിന്നു. ഹർഷയും വർഷയും എല്ലാവരെയും നോക്കി ചിരിച്ചുകൊണ്ട് കാറുകളിലേക്ക് കയറാനായി വന്നു. ഹർഷയ്ക്ക് ഡോർ തുറന്ന് വരുണും വർഷയ്ക്കായി കിരണും കാത്തുനിന്നു. അവരുടെ ആ നീളൻ കണ്ണുകൊണ്ട് അവരെ നോക്കി ഒരു കള്ള ചിരിയും ഒപ്പം ചെറുതായി തലയും ആട്ടിക്കൊണ്ട് ആ സുന്ദരികൾ അവരുടെ കാറുകളിലേക്ക് കയറി. അത് കണ്ട് കിരണും വരുണും തരിച്ചു നിന്നു.