ക്ലബ്ബിനുള്ളിലേക്ക് കയറിയപ്പോൾ തന്നെ വലിയൊരു ഭൂകമ്പം പോലെ ഡി.ജെ മ്യൂസിക് എൻ്റെ നെഞ്ചിലേക്ക് ഇരച്ചുകയറി. കണ്ണഞ്ചിപ്പിക്കുന്ന ലേസർ ലൈറ്റുകൾ, പുക, വിലകൂടിയ വിദേശ മദ്യത്തിൻ്റെയും പെർഫ്യൂമുകളുടെയും ഗന്ധം. അവിടെ ആർക്കും യാതൊരു നിയന്ത്രണങ്ങളുമില്ലായിരുന്നു. വളരെ ഇറക്കം കുറഞ്ഞ വസ്ത്രങ്ങൾ ധരിച്ച പെൺകുട്ടികൾ സംഗീതത്തിനൊത്ത് ഭ്രാന്തമായി നൃത്തം ചെയ്യുന്നു.
സഞ്ജന എൻ്റെ കൈ പിടിച്ച് നേരെ മുകളിലത്തെ വി.ഐ.പി ലോഞ്ചിലേക്കാണ് പോയത്. താഴെയുള്ള ഡാൻസ് ഫ്ലോർ അവിടെ നിന്നാൽ വ്യക്തമായി കാണാം. അവൾ എനിക്കായി സ്കോച്ച് വിസ്കി പകർന്നു തന്നു. കുറച്ചുനേരം എൻ്റെ കൂടെയിരുന്ന ശേഷം അവൾക്ക് തൻ്റെ ചില ബിസിനസ്സ് സുഹൃത്തുക്കളെ കാണാനായി താഴേക്ക് പോകേണ്ടി വന്നു.
“നീ ഇവിടെ എൻ്ജോയ് ചെയ്യ് കിംഗ്. ഞാൻ അര മണിക്കൂറിനുള്ളിൽ വരാം,” അവൾ എൻ്റെ കവിളിൽ ചുംബിച്ചുക്കൊണ്ട് താഴേക്ക് പോയി.
ഞാൻ ആ വി.ഐ.പി ലോഞ്ചിലിരുന്ന് താഴെ നൃത്തം ചെയ്യുന്നവരെ നോക്കി. അപ്പോഴാണ് എൻ്റെ തൊട്ടടുത്തേക്ക് ഒരു പെൺകുട്ടി വന്നിരിക്കുന്നത് ഞാൻ ശ്രദ്ധിച്ചത്. പ്രായം ഏകദേശം ഇരുപത്തിയഞ്ച്. ഷോർട്ട് ഹെയർ, കഴുത്തിൽ വലിയൊരു ടാറ്റൂ. കറുത്ത നിറത്തിലുള്ള വളരെ ചെറിയൊരു സീക്വിൻ ഡ്രസ്സ് ആയിരുന്നു വേഷം. അവളുടെ കണ്ണുകളിൽ വല്ലാത്തൊരു വന്യതയുണ്ടായിരുന്നു. അവൾ തൻ്റെ കയ്യിലിരുന്ന വോഡ്ക ഗ്ലാസ്സ് എൻ്റെ ഗ്ലാസ്സുമായി മുട്ടിച്ച് ‘ചിയേഴ്സ്’ പറഞ്ഞു.
“സഞ്ജനയുടെ പുതിയ ബോയ് ടോയ് (Boy Toy) ആണല്ലേ?” അവൾ ഇംഗ്ലീഷിൽ വളരെ പുച്ഛത്തോടെ ചോദിച്ചു.
