“കിച്ചു ഏട്ടാ. അവർ ചേച്ചിയെ പറയുന്നത് കേട്ടില്ലേ..? വല്ലാത്ത കൂട്ടങ്ങൾ തന്നെ.”
ആതു പറയുന്നത് കേട്ട് ഞാൻ ചിരിച്ചു. ആതുവും ഗൽബിയും പൂ പറിക്കാൻ തുടങ്ങി. ഞാൻ അത് നോക്കി നിന്നു. കുറച്ചു കഴിഞ്ഞു ഞാൻ ഗൽബിയെ എന്റെ അടുത്ത് വിളിച്ചിട്ട് പറഞ്ഞു.
“ഇവരൊക്കെ ആതുവിന്റെ കൂട്ടുകാർ അല്ലേ…? എല്ലാവരേയും വൈകുന്നേരം വീട്ടിലേക്ക് ക്ഷണിക്ക്.”
“എന്തിനാ.. എല്ലാവരേയും വീട്ടിലേക്ക് ക്ഷണിക്കുന്നത്…?” ഗൽബി ചോദിച്ചു.
“അതോ എന്റെ ഈ സുന്ദരി കുട്ടി ആലിയ ഭട്ട് ആണെങ്കിൽ എന്റെ സുന്ദരിയായ ഫരിയെ കണ്ടാൽ ഇവർ എന്ത് പറയും എന്ന് അറിയാലോ…? ”
ഞാൻ പറഞ്ഞു. അത് കേട്ട് ഗൽബി എന്നെ തന്നെ നോക്കി. ഞാൻ വീണ്ടും പറഞ്ഞു.
“എന്റെ സുന്ദരി പെണ്ണേ. നീയല്ലേ പറഞ്ഞത് ആതുവിന്റെ പിറന്നാൾ ആഘോഷിക്കണം എന്ന്. നമുക്ക് അത് ആഘോഷിക്കാം. ആതു അറിയേണ്ട. അവൾ അറിയാതെ എന്റെ ഗൽബി കുട്ടി എല്ലാവരേയും ക്ഷണിക്ക്.”
ഗൽബി സന്തോഷത്തോടെ എല്ലാവരേയും വീട്ടിലേക്ക് ക്ഷണിച്ചു. അവർ പൂ പറിച്ചുകൊണ്ട് കുന്നിന്റെ മറ്റൊരു ചെരുവിൽ എത്തി. ഞാനും ഗൽബിയും ആതുവും മാത്രം അവിടെയായി. ആതു സന്തോഷത്തോടെ പൂ പറിച്ചുകൊണ്ടേയിരുന്നു.
കുറച്ചു കഴിഞ്ഞപ്പോൾ എന്റെ ഗൽബിക്ക് എന്തോപോലെ തോന്നി. ക്ഷീണം പോലെ. തല ചുറ്റുന്ന പോലെ . അവൾ എന്റെ അടുത്ത് വന്നിട്ട് എന്റെ കൈ പിടിച്ചു. എന്നിട്ട് പറഞ്ഞു.
“സാറേ. എനിക്ക് എന്തോ പോലെ തോന്നുന്നു. ഇന്നലെയും ഇങ്ങനെ ആയിരുന്നു. തല ചുറ്റും പോലെ. അങ്ങനെയാ ഞാൻ വീണത്.”
let’s do it