മറുനാട്ടിൽ ഒരു ഓണാഘോഷം 13 [ഏകൻ] 170

“ശരി. ഞാൻ കെട്ടി കൊടുത്തോളാം. പോരെ.! സാർ എനിക്ക് വാങ്ങി തന്നാൽ മതി.”

“എന്നാ നോക്കാം. അല്ലാതെ അവിടെ വെച്ച് വേണ്ടാത്തത് വല്ലതും എന്റെ മോള് പറഞ്ഞാൽ ഉണ്ടല്ലോ . പിന്നെ അവിടെ നടക്കുന്നത് ആതുവിന്റെ പിറന്നാൾ ആഘോഷം ആയിരിക്കില്ല. എന്റെ ഗൽബിപെണ്ണിന്റെ വേറെ ചിലത് ആയിരിക്കും അവിടെ നടക്കുക.”

ഞാൻ തമാശ ആയി ചിരിച്ചുകൊണ്ട് പറഞ്ഞു. അതിന് ശേഷം ഗൽബിയോട് ചോദിച്ചു

” മാല അതല്ലാതെ വേറെ എന്താ വേണ്ടത്.? ”

“വേറെ…. ആഹ്! പിറന്നാൾ കേക്ക് വേണം. ലഡ്ഡു വേണം, ജിലേബി വേണം, മിട്ടായി വേണം, വേറെ ഇവിടെ കിട്ടുന്ന പലഹാരം ഒക്കെ വേണം. പിന്നെ ബലൂൺ വേണം, ”

“ഇതൊക്കെ എന്റെ ഗൽബികുട്ടിയുടെ പിറന്നാളിന് പോരെ..? ”

“പോര. ഇതൊക്കെ വേണം. ആതുവിന് സന്തോഷം ആകണം. ആതുവിനും ഇന്ദു ചേച്ചിക്കും സാറിനോട് ഒരുപാട് ബഹുമാനവും സ്നേഹവും തോന്നണം. എല്ലാവരും സാറിനെ കുറച്ചു നല്ലത് പറയണം. അതിന് വേണ്ടിയാ ഞാൻ ഇതൊക്കെ വേണം എന്ന് പറയുന്നത്.” ”

അവൾ പറഞ്ഞത് കേട്ട് എനിക്ക് സന്തോഷം തോന്നി.

ഞാൻ ആ ബേക്കറിയിൽ നിന്ന് ഗൽബി പറഞ്ഞത് ഒക്കെ വാങ്ങി. എന്നാൽ പിറന്നാൾ കേക്ക് മാത്രം കിട്ടിയില്ല. അതുകൊണ്ട് കടക്കാരൻ പറഞ്ഞു.

” സാർ ഇവിടെ നിന്ന് പോകുമ്പോൾ ജോർജേട്ടന്റെ സ്വർണ്ണകട കാണും. അതിന്റെ തൊട്ടടുത്ത് ഒരു ബേക്കറി ഉണ്ട് അവിടെ പറഞ്ഞാൽ മതി. അവർ അത് സാറിന്റെ വീട്ടിൽ കൊണ്ട് വന്നു തരും. ”

“ജോർജേട്ടന്റെ സ്വർണ്ണകടയോ..? അത് എവിടെയാ..? അത് ഇന്ന് തുറക്കുമോ..?”