മാഷിനെ പ്രണയിച്ച ടീച്ചറും കുട്ടികളും 2 [SAMI] 408

അതേ സമയം ലക്ഷ്മിയുടെ റൂം..
സമയം രാത്രി 2 മണിയോട് അടുക്കുന്നു…… നിദ്രാദേവി അവളെ വിട്ട് പോയിരിക്കുന്നു…………
റൂമിലെ ലൈറ്റ് ഓഫ് ചെയ്തിട്ടും… ഇരുട്ട് മാത്രം അവളെ ചുറ്റിയില്ല… മൊബൈൽ സ്ക്രീന്റെ നീല വെളിച്ചം ഇടയ്ക്ക് തെളിഞ്ഞു കെടുത്തി…
ഫാൻ പതുക്കെ ചുറ്റുന്നു… പക്ഷേ ആ ശബ്ദം പോലും അവളുടെ ചിന്തകളെ ശമിപ്പിച്ചില്ല…
ബെഡിൽ കിടന്ന് അവൾ ഫോൺ കൈയിൽ തിരിച്ചു മറിച്ചു നോക്കി…
എയ്ഞ്ചലിന്റെ ആ മെസ്സേജ് വീണ്ടും തുറന്ന് വായിച്ചു…

“weird thing…”
ആ രണ്ട് വാക്കുകൾ… അവളുടെ മനസിൽ കുടുങ്ങി നിന്നു…
ഒരു നിമിഷം കണ്ണുകൾ അടയ്ക്കാൻ ശ്രമിച്ചു പക്ഷേ അടച്ചാൽ പോലും അതേ ചിന്തകൾ അതേ ചിത്രങ്ങൾ…
അവൾ പെട്ടെന്ന് എഴുന്നേറ്റ് ഇരുന്നു, ശ്വാസം ഒന്ന് നീട്ടി വിട്ടു…
അവളുടെ മനസിലെ ചിന്തകൾ അതിന് ശേഷമാണ് യഥാർത്ഥത്തിൽ തുടങ്ങിയത്. എയ്ഞ്ചലിന്റെ ആ മെസ്സേജിന് ശേഷം
റൂമിനുള്ളിൽ അവൾ അങ്ങോളം ഇങ്ങോളം നടന്നു… ഒരു ഇടത്തും നിൽക്കാൻ മനസ്സില്ലാതെ…
ഒരു ചിന്തയിൽ നിന്നു മറ്റൊന്നിലേക്ക് അവൾ ഒഴുകിക്കൊണ്ടിരുന്നു.
“മെഹർ മിസ് അങ്ങിനെയൊക്കെ ചെയ്യുമോ…? ആ ചോദ്യം വീണ്ടും വീണ്ടും അവളുടെ ഉള്ളിൽ മടങ്ങി വന്നു.

സ്പെഷ്യൽ ക്ലാസ് ദിനങ്ങളിൽ സ്റ്റാഫ് റൂമിൽ അവർ ഒരുമിച്ച് ഇരുന്നത്…
പരസ്പരം തമാശകൾ പറഞ്ഞു ചിരിച്ചിരുന്നതും, കളിയാക്കിയിരുന്നതും, നീണ്ടു നിന്ന സംഭാഷണങ്ങളും
ഇതുവരെ അതെല്ലാം അവരുടെ സാധാരണമായൊരു സൗഹൃദം പോലെ തോന്നിയിരുന്നു.

“അത് എല്ലാം… ഈ ഒരു റിലേഷൻ കൊണ്ടാണോ…?” അവൾ സ്വയം ചോദിച്ചു.
ഒരു നിമിഷം മനു സാറിന്റെ മുഖം അവളുടെ മനസ്സിൽ തെളിഞ്ഞു.
“പിന്നെ… സർ എന്തിന് എന്നോട് കള്ളം പറഞ്ഞു…?”
“ഞാൻ ചോദിച്ചതല്ലേ കമ്മിറ്റഡ് ആണോ എന്ന്…”
അവളുടെ ശബ്ദം അല്പം താഴ്ന്നു.
അവൾ വീണ്ടും സംശയിക്കാൻ തുടങ്ങുകയായിരുന്നു.
അവൾ പതുക്കെ തിരിഞ്ഞ് ബെഡ്‌റൂം മിററിന്റെ മുന്നിൽ നിന്നു.
സ്വയം നോക്കി.
തന്റെ കണ്ണുകൾ…
തന്റെ മുഖം…
തന്റെ ശരീരം…
എനിക്കെന്താ ഒരു കുറവ്…?”
അവൾ വളരെ മൃദുവായി ചോദിച്ചു.
നൈറ്റ് ഡ്രസ്സിന്റെ മുകളിൽ കൂടി കൈകൾ പതുക്കെ നീങ്ങി അത് ഒരു പരിശോധനയായിരുന്നു ഒരു ഉറപ്പു കണ്ടെത്താനുള്ള ശ്രമം പോലെ.
തന്റെ രൂപം അവൾക്ക് അന്യമായതല്ല, പക്ഷേ ആ നിമിഷത്തിൽ, അവൾ സ്വയം ചോദ്യം ചോദിക്കുന്ന പോലെ തോന്നി.
താൻ സുന്ദരിയാണെന്ന് അവൾക്കറിയാം. അത് അവൾക്കു പറയേണ്ട കാര്യമില്ല… അവളുടെ ചുറ്റുമുള്ളവർ തന്നെ അത് പറഞ്ഞുതരാറുണ്ട്.
ക്ലാസ്സിൽ പോലും എയ്ഞ്ചലും, ആർദ്രയും അവൾക്കൊപ്പം നിന്നാലും, ആരുടേയും ശ്രദ്ധ ആദ്യം എത്തുന്നത് തന്റെ മേലാണെന്ന് അവൾക്കറിയാം.
——————————-
അവൾ — ലക്ഷ്മി.