മാഷിനെ പ്രണയിച്ച ടീച്ചറും കുട്ടികളും 5 [SAMI] 92

 

മെഹറിന് ആ രാത്രി മനുവിനെ വിട്ട് അവിടെ നിന്ന് പോകാൻ ഒട്ടും തോന്നിയില്ല.

 

പക്ഷേ സമയം പത്ത് കഴിഞ്ഞിരുന്നു.
ഇത്രയും വൈകി വീട്ടിൽ എത്തുന്നത് ആദ്യമായിരുന്നു. ഉമ്മ എന്ത് ചോദിക്കും, എന്ത് സംശയിക്കും എന്ന പേടി അവളുടെ ഉള്ളിൽ പതിയെ ഉയർന്നു.

 

വാതിൽ തുറക്കുന്നതിന് മുമ്പ് അവൾ ഒരു നിമിഷം നിന്നു.
പുറത്ത് ആരെങ്കിലും ഉണ്ടോ എന്ന് നോക്കി. റോഡും, വീടിന്റെ മുന്നും, ഗേറ്റിനരികും എല്ലാം ശാന്തമായിരുന്നു.

 

“ഞാൻ പോകട്ടെ…” അവൾ തിരിഞ്ഞു പതുക്കെ പറഞ്ഞു.

 

 

 

മനു അവളെ ഒന്ന് മുറുക്കെ കെട്ടിപിടിച്ചു…..

അവൾ അവന്റെ നെഞ്ചോട് അമർന്നു…….

 

അല്പം കഴിഞ്ഞു അവർ അകന്നു…..

 

“ഫോൺ എടുക്കണം…” അവൾ അല്പം ശാസിക്കുന്ന പോലെ പറഞ്ഞു.
“ഇനിയും ഇങ്ങനെ പേടിപ്പിക്കരുത്.”

 

“ഹ്മ്മ്…” മനു ചിരിച്ചുകൊണ്ട് മൂളി.

 

മെഹർ അവനെ അവസാനമായി ഒന്ന് നോക്കി.
പോകാൻ മനസ്സില്ലാത്ത ഒരാളുടെ നീണ്ട നോട്ടം.

 

പിന്നെ അവൾ വാതിൽ കടന്ന് പുറത്തേക്ക് നടന്നു.

 

മനു വാതിലിന്റെ അരികിൽ നിന്ന് അവൾ സ്കൂട്ടർ സ്റ്റാർട്ട് ചെയ്യുന്നതും, പതിയെ ഇരുട്ടിലേക്ക് നീങ്ങുന്നതും നോക്കി നിന്നു.

 

വാതിൽ അടച്ചതിനു ശേഷം പോലും അവൻ കുറച്ച് നേരം അവിടെ തന്നെയിരുന്നു.
ആ രാത്രി സംഭവിച്ചതെല്ലാം ഒരു സ്വപ്നം പോലെ തോന്നി.

 

മെഹർ ഇവിടെ വന്നത്…
അവർ തമ്മിൽ വീണ്ടും മനസ്സ് തുറന്ന് സംസാരിച്ചത്…
അവളുടെ സ്നേഹം…
പിന്നെ എയ്ഞ്ചലുമായി നടന്ന ആ അപ്രതീക്ഷിത ചാറ്റ്…