💘മായകണ്ണൻ 8 [ᶜ͢ᴿ͢ᴬ͢ᶻ͢ᵞ A J R] [Climax] 236

ഇപ്പഴും തകൃതിയായി പെയ്യുന്നുണ്ട്. മഴത്തുള്ളികൾ മുഖത്ത് വീണ് ചെറുതായി വേദന എടുക്കുന്നുണ്ട്. ഇടിയും മിന്നലും ഒന്നുമില്ല. പതിയെ അവളെ താഴെ നിർത്തി. ഒരു കാല് നിലത്തൂന്നി അവളെന്റെ തോളിൽ കൈയിട്ടു. ഒരു കാല് മാത്രം ബാലൻസ് ചെയ്ത് അവൾക്ക് നിക്കാൻ പറ്റുന്നില്ല. എന്നിരുന്നാലും അവൾ മഴ നന്നായി ആസ്വദിക്കുന്നുണ്ട്. പെട്ടന്ന് അവളൊന്ന് വച്ചുപ്പോയി അവളെ തന്നെ ശ്രദ്ധിച്ചത് കൊണ്ട് അപ്പൊ തന്നെ ഞാനവളെ ചേർത്ത് പിടിച്ചു. അവളെന്നെ തന്നെ കണ്ണ് മിഴിച്ച് നോക്കി. ഞാനും അവളുടെ കണ്ണുകളിലേക്ക് നോക്കി. അവൾടെ ചുടുശ്വാസം എന്റെ മുഖത്തേക്ക് തന്നെ അടിക്കുന്നുണ്ടായിരുന്നു. ആ തണുപ്പത് അധരങ്ങൾ വിറക്കുന്നുണ്ടായിരുന്നു. ഞാനെന്റെ മുഖം അവളുടെ മുഖത്തോടടുപ്പിച്ചു. അവളുടെ ആ തുടുത്ത അധരങ്ങളിൽ ഞാനെന്റെ ചുണ്ട് മുട്ടിച്ചു. ഒരാവേശം തന്നായിരുന്നു എനിക്ക്. അല്ലേലും ആദ്യ ചുംബനം പെണ്ണിന് ഭയവും ആണിന് ആവേശവും ആണ്.

“I LOVE YOU”

അവളുടെ അധരങ്ങളിൽ നിന്ന് എന്റെ ചുണ്ട് മോചിപ്പിച്ചുകൊണ്ട് അവളുടെ കണ്ണിൽ നോക്കി ഞാൻ പറഞ്ഞു.

“I LOVE YOU TWO”

നാണത്താൽ അവളുടെ കവിളുകൾ ചുവന്നു തുടുത്തു. മുഖത്തൂടെ കിടന്ന അവളുടെ മുടിയിഴകൾ പിന്നിലേക്ക് മാടിയൊതുക്കി ഞാൻ വീണ്ടും അവളുടെ അധരങ്ങൾ കവർന്നെടുത്തു. ഇപ്രാവശ്യം നേരത്തെ അവളിൽ ഉണ്ടായിരുന്ന ഭയം ആവേശമായി മാറി. അതിന്റെ അടയാളമായി എന്റെ ചുണ്ടിൽ നിന്നും ചോര പൊട്ടിയൊലിക്കാൻ തുടങ്ങി. അവളെന്റെ ദേഹത്തേക്ക് വലിഞ്ഞു കേറി. രണ്ട് കാലുകൾ കൊണ്ട് അവളെന്നെ ലോക്ക് ചെയ്തു. എന്റെ മുഖം കൈകളിൽ കോരി എടുത്ത് അവൾ വീണ്ടും ചുംബനം തുടർന്നു. ഈ പെയ്യുന്ന മഴ ഒരിക്കലും അവസാനിക്കരുതെ എന്ന പ്രാര്ഥനയുമായി ഞാനും എന്റെ പെണ്ണും അധരങ്ങളിലൂടെ കഥ പറഞ്ഞു……….!

അവസാനിച്ചു………!