മിഴി 8 [രാമന്‍] [Climax] 1437

“ഡീ… ഡീ.. അനൂ…. കിട്ടുട്ടോ…. പെണ്ണെ കളിക്കല്ലേ…”  അമ്മയെങ്ങനെയൊക്കെയോ അവളുടെ കൈ പിടിച്ചു മാറ്റി. ചെറിയമ്മ പുറകിൽ നിന്ന് ചിരിക്കാണ്. കുതറിമാറിയ അമ്മ ചിരിച്ചു കൊണ്ടവളുടെ നേരെ കൈ ഓങ്ങി.

“കിട്ടും നിനക്ക്…..” അതിനിടക്ക് അമ്മയുടെ സാരി ആകെ അഴിഞ്ഞു നാശമായി.അഴിയാൻ പോയ സാരിയമ്മ പിടിച്ചു വെച്ചു ആ ബ്ലൗസും പാതി തെളിഞ്ഞ വയറും മറച്ചെന്നെ നോക്കി.അപ്പോഴേക്കും ഞാൻ ചെറിയമ്മയെ പിടിച്ചു മാറ്റിയിരുന്നു.

“ഡാ നിന്‍റെ കെട്ട്യോളെ വിളിച്ചു മര്യാദക്ക് പൊയ്ക്കോ ട്ടോ…” അമ്മ എന്‍റെ നേരെ തുള്ളി

“നോക്കി പേടിപ്പിക്കൊന്നും വേണ്ട. അനിയത്തിയല്ലേ…? സഹിച്ചോ. ഇന്നതിനെ താഴെ വെക്കാതെ നടന്നതല്ലേ?? ന്നട്ടോ അവിടെയും ഇവിടെയും കേറി പിടിച്ചിട്ട് എന്നോട് പറഞ്ഞിട്ട് കാര്യമുണ്ടോ??..” വിട്ടു നിന്ന് അമ്മയുടെ തല്ലു വാങ്ങാതെ നിൽക്കുന്ന ചെറിയമ്മയെ കാണിച്ചു ഞാൻ പുച്ഛിച്ചു.

“നമ്മൾ ചേച്ചിയും അനിയത്തിയും അങ്ങനെയിക്കെയാ ല്ലേ ലച്ചൂസേ.ഇവനൊന്നുറീല്ല. ” ചിരി വന്നു. അമ്മക്ക് പുതിയ പേരോ.

“ലച്ചൂസോ…” ഞാൻ അമ്മയെ നോക്കി ചിരിച്ചു. അമ്മക്ക് നാണം വന്നു പോയി. ഈ പെണ്ണിനെ കൊണ്ട് തോറ്റല്ലോന്നുള്ള ഭാവമതിന്

“ഓഹ് ന്താ നിനക്കിഷ്ടപ്പെട്ടില്ലേ…?”

” ന്‍റമ്മയെ അങ്ങനെയൊന്നും വിളിക്കണ്ട. ”

” അവന്‍റെ സ്നേഹം നോക്ക് ലക്ഷ്മി. അവനെന്തോ കിട്ടാൻവേണ്ടിയുള്ള സ്നേഹമാ..എന്നോടിതുപോലെ കൊഞ്ചി കൊഞ്ചി അവസാനം അവൻ വാല് പോക്കും.ഉമ്മ തരോ കുമ്മ തരോന്നൊക്കെ ചോദിച്ചു മയക്കിക്കളയും.” ദുഷ്ട… എന്നെ ചതിക്കുന്നത് കണ്ടില്ലേ. അമ്മയത് വിഷയമാക്കിയതേയില്ല. അമ്മയും ഇടക്കിങ്ങനെയാണല്ലോ??

“ല്ലെടാ നീ ചോദിക്കലില്ലേ..??” അമ്മക്ക് അത് ഏറ്റില്ലെന്ന് വന്നപ്പോ ചെറിയമ്മ എന്‍റെ നേര്‍ക്ക് വന്നു. അറിയാതെ തലയാട്ടി.

“കണ്ടോ ഇന്ന് തന്നെ രാവിലെ അവനെന്താ ചോദിച്ചെന്നറിയോ……?” കള്ള കണ്ണിട്ട് ചെറിയമ്മ ‘ഞാൻ പറയട്ടെ ഡാ’ ന്നുള്ള നോട്ടം!!. എന്ത് പറയാനാണ് ഞാനെന്താ എതിന് ചോദിച്ചത്??

“എന്താ അവനെന്താ വേറെ വേണ്ടത്..?” അമ്മയ്ക്കും അത് കേൾക്കാനുള്ള ആകാംഷയായി. വൃത്തികേട് വല്ലതുമാണോ ഞാൻ ചോദിച്ചത്??? ഓർമ്മയുമില്ലല്ലോ..

“പറയട്ടെ ഡാ…?” ചെറിയമ്മ ഭീഷണിപ്പെടുത്താണ്.കണ്ണും കയ്യും കാട്ടി ഞാൻ എന്താ കാര്യമെന്ന് ചോദിച്ചു..

“നീ പറയെടീ ഞാനുമൊന്നറിയട്ടെ… അവൻ ലേശം കളി കൂടീണിപ്പോ..” അതും കൂടെ കേട്ടപ്പോഴേക്ക് ചെറിയമ്മ പതിയെ എന്നോട് ചുണ്ടനക്കി എന്തോ കാട്ടി. മനസ്സിലായില്ല!!! രണ്ടാമതൊന്നു കൂടെ ചുണ്ടനക്കി.