ഒളിച്ചോട്ടം 10 [KAVIN P.S] 525

“ഒന്നും പറയണ്ട ആദി രാവിലെ തന്നെ മര്യാദയ്ക്ക് റെഡിയായി നിന്നവളാ സൗമ്യയെയൊ മറ്റോ ഫോണിൽ വിളിച്ച് പിണങ്ങിയിട്ടാന്നാ തോന്നണെ ഇട്ടിരുന്ന ലെഹംഗ്ഗയും ചോളിയുമൊക്കെ മാറ്റി വേറൊരു ചുരുദാറും എടുത്തിട്ട് ഞങ്ങളോടൊക്കെ ദേഷ്യപ്പെട്ട് നിൽക്കണുണ്ട് ആ മുറീല്” ആന്റി ചിരിച്ച് കൊണ്ട് പറഞ്ഞു.

അനു എന്നോട് ഫോണിൽ സംസാരിച്ച് പിണങ്ങിയതിന്റെ കലിപ്പിലാണെന്ന് മനസ്സിലാക്കിയ ഞാൻ കക്ഷിയെ എന്തെങ്കിലും പറഞ്ഞ് തണുപ്പിച്ചാലേ ഇനി രക്ഷയുള്ളൂന്ന് തോന്നിയ ഞാൻ ആന്റിയോട് പറഞ്ഞു:
“ആന്റി, ഞാനെന്നാ അനു ചേച്ചീനെ ഒന്ന് പോയി വിളിച്ചിട്ട് വരാ”ന്ന് പറഞ്ഞ് അനൂന്റെ ബെഡ്റൂമിലേയ്ക്ക് നടന്നു.

ആന്റി “ശരി മോനെന്ന്” പറഞ്ഞ് അടുക്കളയിലേയ്ക്കും പോയി. അനൂന്റെ ബെഡ് റൂമിലേയ്ക്ക് കടന്ന് ചെല്ലുമ്പോൾ പെണ്ണവിടെ ബെഡിൽ ഒരു നീല ചുരിദാറും ഇട്ട് ദേഷ്യം വന്ന മുഖഭാവത്തോടെ ഫോണിൽ നോക്കിയിരുപ്പുണ്ടായിരുന്നു. എന്നെ കണ്ടതോടെ പെണ്ണെന്നെ ഒന്ന് തറപ്പിച്ച് നോക്കി കൊണ്ട് തല വീണ്ടും ഫോണിലേയ്ക്ക് കുനിച്ച് നോക്കിയിരുപ്പായി. ഞാൻ വേഗം ചെന്ന് പെണ്ണിന്റെ അരികിലിരുന്നിട്ട് അനൂന്റെ വലത്തെ കൈയ്യിൽ ചുറ്റി പിടിച്ചു. ഞാൻ കൈയ്യിൽ പിടിച്ചത് ഇഷ്ടപ്പെടാതിരുന്ന പെണ്ണ് എന്റെ കൈ തട്ടി മാറ്റിയിട്ട് എന്നിൽ നിന്നല്പ്പം നീങ്ങിയിരുന്നു.

“അനൂട്ടി … നീ ഇങ്ങനെ പിണങ്ങിയിരിക്കാൻ മാത്രം ഞാൻ ഒന്നും പറഞ്ഞില്ലാലോ ഡാ” പെണ്ണിനെ ഒന്ന് തണുപിക്കാൻ വേണ്ടി ഞാൻ അൽപ്പം ശബ്ദം താഴ്ത്തി കൊഞ്ചിയാണിത് പറഞ്ഞത്.

“നീ ഒന്നും പറഞ്ഞില്ലേ? സൗമ്യ കൂടെ വരാന്ന് പറഞ്ഞപ്പോ തൊട്ട് തുടങ്ങീതാ നീ എന്നോട് ഓരോന്ന് പറഞ്ഞ് വഴിക്കിടാൻ” അനു കണ്ണ് നിറച്ചു കൊണ്ട് ശബ്ദം ഇടറിയാണിത് പറഞ്ഞത്.

പെണ്ണിന്റെ കണ്ണ് നിറഞ്ഞ് കണ്ടതോടെ എന്റെ ഉള്ളൊന്നു പിടച്ചു. പിന്നെ ഞാനൊന്നും നോക്കീല്ല ബെഡിൽ മുട്ടി കുത്തി എഴുന്നേറ്റിട്ട് പെണ്ണിനെ വട്ടം കെട്ടി പിടിച്ചിട്ട് കവിളിലൊരുമ്മ കൊടുത്തിട്ട് ഞാൻ ‘സോറി’ പറഞ്ഞു.

പെട്ടെന്നെന്റ ഭാഗത്ത് നിന്നുണ്ടായ നീക്കത്തിൽ ഞെട്ടിയ അനു ഞാനുമ്മ വെച്ച കവിളിൽ കൈ ചേർത്ത് വച്ചിട്ട് എന്നെ ചെറുതായി പിറകോട്ട് തള്ളിയിട്ട് കൊണ്ട് ചിരിച്ച് കൊണ്ട് പതിയെ പറഞ്ഞു:
“പോടാ കള്ളാ ..നീ എന്തെങ്കിലും പറഞ്ഞെന്നോട് ചൂടായിട്ട് അവസാനം നിന്റെ ഒരു സോറി കേൾക്കുമ്പോ എല്ലാം മറക്കാൻ ഞാനൊരു ആന മണ്ടിയുണ്ടല്ലോ”

“എനിയ്ക്ക് തല്ലു പിടിക്കാനും സ്നേഹിക്കാനും നീ അല്ലേ ഡാ ഉള്ളൂന്ന്” പറഞ്ഞ് അനൂന്റെ ഇടത്തെ കൈ തണ്ടയിൽ ഞാനൊരു ഉമ്മ കൊടുത്തു.

“ആദി കുട്ടാ, അമ്മ പെട്ടെന്നെങ്ങാൻ ഇങ്ങോട്ട് കേറി വന്നാൽ ഇതെല്ലാംകാണും ട്ടോ” അനു നാണത്തോടെ പറഞ്ഞിട്ട് കർട്ടനിട്ട് മറച്ച വാതിൽ പടിയിലേയ്ക്ക് നോക്കി.

കട്ടിലിന്റെ അറ്റത്ത് നിവർത്തിയിട്ടിരുന്ന അനൂന്റെ ലെഹംഗ്ഗ-ചോളിയിലേയ്ക്ക് ചൂണ്ടി കൊണ്ട് ഞാൻ പറഞ്ഞു.

“അനൂട്ടി … ഇപ്പോ എന്നോടുള്ള പിണക്കം മാറിയില്ലേ ഇനീ ഈ ഡ്രസ്സെടുത്തിട ഡാ ചക്കരേ”

“എന്റെ ആദി കുട്ടൻ പറഞ്ഞാ ഞാനെന്തും അനുസരിക്കാന്ന്” പറഞ്ഞ് പെണ്ണെന്റെ കവിളിലൊരുമ്മ തന്നിട്ട് ബെഡിൽ നിന്ന് താഴെയിറങ്ങി കട്ടിലിലിട്ടിരുന്ന ഡ്രസ്സെടുത്ത് കയ്യിൽ പിടിച്ചു.

“എന്നാ വേഗം മാറ്റിക്കോ ഞാനിവിടെ നിന്നോളാന്ന്” ചിരിച്ച് കൊണ്ട് പറഞ്ഞ എന്നെ “അയ്യടാ മോൻ പോയി പുറത്ത് നിൽക്കെന്ന്” പറഞ്ഞ് ചിരിച്ചു കൊണ്ട് അനു എന്നെ തള്ളി റൂമിന് വെളിയിലാക്കി ഡോർ അടച്ചു. റൂമിന് പുറത്ത് ഞാൻ നിൽക്കുമ്പോ ആന്റി എനിക്ക് ചായയുമായി വന്നിട്ട് അനൂന്റെ മുറിയുടെ അടഞ്ഞ് കിടക്കുന്ന ഡോറിലേയ്ക്ക് നോക്കി ചോദിച്ചു: