ഒളിച്ചോട്ടം 10 [KAVIN P.S] 525

“അവള് മോനുമായിട്ടും പിണങ്ങിയോ? വാതിലടച്ചിട്ടേക്കാണല്ലോ.”

“ഏയ് … അനു ചേച്ചി ലെഹംഗ്ഗ ഇടാനായി പോയതാ ആന്റി” ഞാൻ ചിരിച്ച് കൊണ്ട് പറഞ്ഞു.

“അപ്പോ അവള് ആദി മോൻ പറഞ്ഞാ മാത്രേ അനുസരിക്കൂന്നായിട്ടുണ്ടിപ്പോ. ഞങ്ങളെന്താ കാര്യമെന്ന് ചോദിച്ചിട്ട് പെണ്ണ് ഞങ്ങളെ ചാടി കടക്കാൻ വരായിരുന്നു.”

“അത് സൗമ്യേച്ചിയായിട്ട് എന്തോ പറഞ്ഞ് പിണങ്ങീട്ടാ” ഞാൻ ചിരിച്ച് കൊണ്ട് പറഞ്ഞു. ചായ കുടിച്ച് ആന്റിയുമായി സംസാരിച്ച് നിൽക്കുമ്പോളതാ അനു റോസ് കളറിലുള്ള ലെഹംഗ്ഗയും ചോളിയുമണിഞ്ഞ് കഴുത്തിൽ V ഷേപ്പിൽ മാറ് മറക്കുന്ന വിധം ഷാളും ചുറ്റിയിട്ട് വാതിൽ തുറന്ന് ഞങ്ങൾക്കരിലേയ്ക്കെത്തി. ലെഹംഗ്ഗയിൽ അനു കൂടുതൽ സുന്ദരിയായിട്ടുണ്ട്. പെണ്ണ് കണ്ണെഴുതി ചെറിയ പൊട്ടൊക്കെ തൊട്ട് നല്ല ക്യൂട്ട് ആയി വന്നെന്റെ അടുത്ത് വന്ന് നിന്നിട്ട് പറഞ്ഞു “നമ്മുക്കെന്നാ ഇറങ്ങിയാലോ ആദി?”
അനൂന്റെ മുഖത്തേയ്ക്ക് നോക്കാൻ എനിക്കെന്തോ പതിവില്ലാത്ത ഒരു നാണം തോന്നി. ഞാൻ നിലത്ത് നോക്കി കൊണ്ട് “പോവ്വാം” ന്ന് പറഞ്ഞു.

“ആദി, മോൻ ഇവളുടെ കൂടെ ഒരുമിച്ച് നടക്കണ്ടാട്ടോ ആൾക്കാര് കരുതും നിങ്ങള് രണ്ടു പേരുമാ കല്യാണ പെണ്ണും ചെക്കനുമെന്ന്” ആന്റി ചിരിച്ചു കൊണ്ട് പറഞ്ഞു.

“ഒന്നു പോ അമ്മാ” അനു നാണിച്ച് കൊണ്ടാണിത് പറഞ്ഞത്.

“മോനെക്കാളും ഇവള് വയസ്സിന് മൂത്തതായി പോയി അല്ലേൽ ഇവളെ മോനെ കൊണ്ട് കെട്ടിക്കായിരുന്നു” ആന്റി എന്നോട് കുലുങ്ങി ചിരിച്ച് കൊണ്ടാണിത് പറഞ്ഞത്.

“അമ്മാ…..” അനു നാണത്തോടെ വിളിച്ചു.

“വയസ്സൊന്നും എനിക്ക് പ്രശ്നമില്ലാ ആന്റി. വേണേൽ അനു ചേച്ചീനെ ഞാൻ കെട്ടിക്കോളാന്നെ” അനൂനെ നോക്കി ഞാൻ ചിരിച്ച് കൊണ്ട് പറഞ്ഞു.

എന്റെ മറുപടി കേട്ട് ആന്റി കുലുങ്ങി ചിരിച്ചിട്ട് പറഞ്ഞു.

“എന്നാ മോൻ കെട്ടിക്കോ ഇവളെ”

പത്മിനി ആന്റി ഞാനുമായി ഓരോന്ന് പറഞ്ഞ് സംസാരിച്ച് ചിരിച്ച് നിൽക്കുന്നത് കണ്ട് നേരം വൈകുമെന്നായപ്പോൾ അനു എന്റെ ഇടത്തെ കൈയ്യിൽ പിടിച്ച് വലിച്ചിട്ട് പറഞ്ഞു:

“ആദി നീ വന്നേ സൗമ്യ ഇപ്പോ പമ്പ് ജംഗ്ഷനില് എത്തീട്ടുണ്ടാകും”

ആന്റിയോട് യാത്ര പറഞ്ഞ് ഞാനും അനുവും ഉമ്മറത്തെത്തി അവിടെ കസേരയിലിരുന്ന് പത്രം വായിക്കുകയായിരുന്ന ഗോപാലങ്കിളിനോടും യാത്ര പറഞ്ഞിറങ്ങിയ ഞങ്ങൾ വേഗം കാറിൽ കയറി ഡോറടച്ചു.
അനു എന്നോടൊപ്പം മുന്നിലെ സീറ്റിൽ തന്നെയാണ് ഇരുന്നത്. കാർ സ്റ്റാർട്ട് ചെയ്ത് റിവേഴ്സെടുത്ത് റോഡിലേക്കിറക്കിയ ഞാൻ വേഗത്തിൽ കാറ് പമ്പ് ജംഗ്ഷനിലേയ്ക്ക് വിട്ടു.

സ്റ്റിയറിംഗിൽ പിടിച്ചിരുന്ന എന്റെ ഇടത്തെ കൈയ്യിൽ തോണ്ടിയിട്ട് അനു ചിരിച്ച് കൊണ്ട് പറഞ്ഞു:

“നിന്റെ ഭാവി അമ്മായമ്മ പറഞ്ഞത് കേട്ടില്ലേ ആദി? നിന്നെ എന്നെക്കൊണ്ട് കെട്ടിക്കാംന്ന്”.

“ഞാൻ കാര്യമായിട്ട് പറഞ്ഞതാന്ന് ആ പാവത്തിന് അറിയില്ലാലോ മോളെ. ഇനി നമ്മുടെ കാര്യം അറിയുമ്പോ എന്ത് പറയുമോ ആവോ” ഞാൻ അനൂനെ നോക്കി പുഞ്ചിരിച്ച് കൊണ്ട് പറഞ്ഞു.

“ആദി നിന്റെ കോഴ്സ് തീരുന്നതിനു മുന്നേ നമ്മുടെ കാര്യം വീട്ടില് പറയണംട്ടോ. ഞാൻ അച്ഛനോട് എങ്ങനേലും ഈ കാര്യം പറഞ്ഞോളാം.” അനു ഗൗരവത്തിൽ പറഞ്ഞിട്ട് ഒരു നെടുവീർപ്പിട്ട് കൊണ്ട് സീറ്റിലേയ്ക്ക് ചാരിയിരുന്നു.

“ഈ കാര്യം ഞാനെങ്ങനേലും വീട്ടിൽ പറഞ്ഞോളാം അനൂട്ടി. അഞ്ജൂന് നമ്മള് തമ്മിൽ ഇഷ്ടത്തിലാണോന്ന് ചെറിയ സംശയമൊക്കെയുണ്ട്. ഇന്നാള് അവളെന്നോട് ഇതേ പറ്റി ചോദിച്ചു” ഞാൻ ഡ്രൈവിംഗിൽ ശ്രദ്ധ കൊടുത്ത് കൊണ്ട് പറഞ്ഞു.