പാമ്പും കോണിയും [ശ്രീരാജ്] 387

പലചരക്കു കട നടത്തിയിരുന്ന, എന്നാൽ തൊട്ടടുത്തായി രണ്ടു വലിയ മാർട്ടുകൾ വന്നതോടെ കട പൂട്ടി വീട്ടിൽ ഇരിക്കേണ്ടി വന്ന ഹൃദ്രോഗി ആയ അച്ഛനും, വീട്ടമ്മ ആയ അമ്മയും, ചേച്ചി ഹൃദ്യയുടെ കല്യാണ ചിലവുകൾക്ക് പുറമെ പ്രേമിച്ചു കെട്ടിയ ഭാര്യ രേവതിയുടെ അമ്മയും എഴുവയസ്സിന് ഇളയതായ അനിയത്തിയും ഉൾപ്പെട്ട കുടുംബത്തിന്റെ ഭാരവും , ഇതിനെല്ലാം പുറമെ, പെട്ടെന്ന് കാശുണ്ടാക്കാനുള്ള തത്രപ്പാടിൽ മണി ചെയിൻ പരുപാടിയിൽ പോയി കുടുങ്ങി, ഭാരം ഇരട്ടിയാക്കിയ കഥ ആയിരുന്നു ഹരിക്ക് പറയാൻ ഉണ്ടായിരുന്നത്.

കിട്ടിയ പണികൾ എല്ലാം ചെയ്ത് തട്ടി മുട്ടി മുന്നോട്ട് പോകുമ്പോൾ, ഗൾഫിലേക്ക് കുടിയേറാൻ അവസരം നോക്കി നിൽക്കുന്നതനിടയിൽ ആണ് കൂട്ടുകാരന്റെ ചേട്ടൻ വഴി, മെഡിക്കൽ റെപ് എന്ന ഫീൽഡിലേക്ക് ഹരി എത്തിപ്പെടുന്നത് . നന്നായി പണി എടുത്താൽ സാലറിക്ക് ഒപ്പം ഇൻസെന്റീവ് കൂടെ കൂട്ടി നല്ല ഒരു സംഖ്യ കിട്ടും എന്നുള്ളതും, 7 മാസം ഗർഭിണി ആയ ഭാര്യയെ, തനിക്ക് പിറക്കാൻ ഇരിക്കുന്ന കുഞ്ഞിനേയും വിട്ട് എവിടെയും പോവാതിരിക്കാൻ കൂടെ വേണ്ടി ആയിരുന്നു, തന്റെ പഠിപ്പിനനുസരിച്ചുള്ള ജോലി അല്ല എന്ന് അറിഞ്ഞു കൂടെ, ഹരി ആ ജോലിയിൽ കയറുന്നത്….

എന്തായാലും, ഒരു ചെറു പുഞ്ചിരിയോടെ ഉള്ളിലെ സങ്കടം കടിച്ചമർത്തി ജെറിനോട് എല്ലാം തുറന്ന് പറഞ്ഞപ്പോൾ ജെറിനെന്തോ അത് വരെ ആരോടും തോന്നാത്ത സഹതാപം ഹരിയോട് തോന്നി…..

ആ സഹതാപം പതിയെ ആത്മ ബന്ധമായി വളർന്നു . ജെറിന് ഹരിയോടും ഹരിക്ക് തിരിച്ചും. സ്വന്തം അല്ലെങ്കിൽ കൂടെ, ഏട്ടനും അനിയനും എന്ന പോലെ…..