പട്ടുപാവാടക്കാരി 2 [SAMI] 713

 

വീട്ടിൽ എത്തിയതും അമ്മാവനും ആന്റിയും മാളുവും വന്നു യാത്ര പറഞ്ഞു… ഒരു ദിവസം അവിടേക്ക് വിരുന്നു വരണമെന്നും ഒക്കെ പറഞ്ഞു അവർ യാത്രയായി..

 

സൗമ്യേച്ചിയും കുറച്ച് ബന്ധക്കാരും ഇന്നും വീട്ടിൽ ഉണ്ടാകുമെന്നു മനസിലായി…

 

 

ഞാൻ ഒന്ന് കുളിച്ചു ഫ്രഷായി താഴേക്ക് വന്നു…

 

അപ്പോളും സംഗീത അവളുടെ അമ്മയോടും അനിയത്തിയോടും സംസാരിച്ചുകൊണ്ട് ഇരിക്കുന്നു റിസെപ്ഷന്റെ വേഷം പോലും മാറ്റിയിട്ടില്ല,, ഞാൻ വരാൻ നിന്നിരുന്നത് പോലെ അവർ അവിടെ നിന്നും എഴുന്നേറ്റു അപ്പോളേക്കും സംഗീതയുടെ അച്ഛനും അവിടേക്ക് വന്നു…

അവർ യാത്ര പറഞ്ഞു ഇറങ്ങി ഒരു ചടങ്ങു പോലെ സംഗീത കരഞ്ഞു, കൂട്ടിനു അനിയത്തിയും കൂടി അത് കണ്ടപ്പോൾ തന്നെ മനസിലായി അവർ തമ്മിലുള്ള സ്നേഹത്തിന്റെ ആഴം…

 

ഒറ്റ മകനായി വളർന്ന എനിക്ക് ഇതൊക്കെ ഒരു പുതുമയായിരുന്നു…

 

കലങ്ങിയ കണ്ണുമായി നിന്നിരുന്ന സംഗീതയെ അമ്മയും വല്യമ്മയും കൂടി ആശ്വസിപ്പിക്കുന്നുണ്ടായി..

സമയം 9 ആകുന്നതേ ഉള്ളു നല്ല ഷീണമുണ്ട് ഇന്നലെ ഉറങ്ങാത്തതിന്റെയും ഇന്നത്തെ കല്യാണത്തിന്റെയും എന്നാലും ആദ്യരാത്രിയല്ലേ അങ്ങിനെ അങ്ങ് ഉറങ്ങിപോകാൻ പാടില്ലാലോ…

 

ഞാൻ സിറ്റ് ഔട്ടിലെ കസേരയിൽ പോയി ഒന്നു ഇരുന്നു.. സംഗീതയുടെ അടുത്തേക്ക് പോകണമെന്നുണ്ട് സംസാരിക്കണമെന്നുണ്ട് പക്ഷെ ഇപ്പോൾ അവിടെ പോയി സംസാരിച്ചാൽ വീട്ടുകാരൊക്കെ എന്ത് വിചാരിക്കും   അവർ ആരെങ്കിലും വന്നു വിളിക്കും അത് വരെ എവിടെ ഇരിക്കുക തന്നെ…

 

മൊബൈൽ എടുത്തു ഫേസ്ബുക് എടുത്തു നോക്കി ആരൊക്കെയോ എടുത്ത കല്യാണ ഫോട്ടോ എന്റെ പ്രൊഫൈലിൽ ടാഗ് ചെയ്തിരിക്കുന്നു ഫോട്ടോസിനു നിറയെ ലൈക്ക് ഉം വിഷസും കമന്റ് ആയി കിട്ടിയിട്ടുണ്ട്… ആർക്കും റിപ്ലൈ കൊടുത്തില്ലെങ്കിലും ആരൊക്കെയാണ് കമന്റ് ചെയ്തിരിക്കുന്നത് എന്ന് ഒന്ന് നോക്കി ഗൾഫിലെ ഫ്രണ്ട്സ് ഉം പഴയ കോളേജ് ഫ്രണ്ട്സും അങ്ങിനെ ഒത്തിരിപേരുണ്ട്….

 

വാട്ട്സ്ആപിലും ഉണ്ട് കുറെ മെസ്സേജുകൾ, ഓരോന്നായി ഓപ്പൺ ചെയ്തു, ഫോട്ടോഗ്രാഫറിന്റെ മെസ്സേജും കണ്ടു അതിന്റെ ഇടയിൽ, നല്ല കുറച്ച്  ഫോട്ടോസ് പെട്ടെന്നു അയച്ചു തരണമെന്ന് അവനോടു ഞാൻ പറഞ്ഞിരുന്നു അത് പ്രകാരം ഒരു 10 ഫോടോസിന് അടുത്ത് അയച്ചിട്ടുണ്ട് ഓരോന്നും ഓപ്പണാക്കി നോക്കി സംഗീതയാണ് അതിൽ മിന്നി നിൽക്കുന്നത്, ചുവന്ന പട്ടുസാരിയും സ്വർണാഭരണങ്ങളും താമര മാലയും എല്ലാം അവൾക്ക് നന്നായി ചേരുന്നുണ്ട്,,