പ്രണയ സാഫല്യം 6 [ഏകൻ] 80

ജൂലി കൃഷ്ണ പ്രസാദിനെ നോക്കികൊണ്ട് ആ വെള്ളം മുഴുവനും കുടിച്ചു.

“നല്ല കുട്ടി. ഇങ്ങനെ വേണം അനുസരണയുള്ള നല്ല കുട്ടികൾ.”

ജൂലിയുടെ കവിളിൽ പതിയെ തലോടികൊണ്ട് കൃഷ്ണ പ്രസാദ് പറഞ്ഞു. എന്നിട്ട് അവളുടെ കൈയിൽ നിന്ന് ആ ഗ്ലാസ്‌ വാങ്ങി അടുക്കളയിൽ കൊണ്ട് വെച്ചിട്ട് തിരിച്ചു വന്നു ജൂലിയുടെ അടുത്ത് ഇരുന്ന് അവളെ തന്റെ മാറിൽ ചേർത്ത് കെട്ടിപ്പിടിച്ചുകൊണ്ട് പറഞ്ഞു തുടങ്ങി.

” മോളെ.. നേരത്തെ അങ്കിൾ തോട്ടത്തിൽ നിന്ന് പെട്ടന്ന് വന്നത് മോൾക്ക് ഇങ്ങനെ കുടിക്കാൻ വെള്ളം എടുത്തു തരാനും. മോൾക്ക് കുളിക്കാൻ ചൂട് വെള്ളം വേണോ എന്ന് ചോദിക്കാനും ആണ്.

എന്നാൽ ആ സമയം അങ്കിൾ ഒരിക്കലും പ്രതീക്ഷിക്കാത്ത ഒന്ന് കണ്ടപ്പോൾ അങ്കിളിന് എന്ത് ചെയ്യണം എന്ന് അറിയാത്ത അവസ്ഥയിൽ ആയി. എന്റെ മോള് അങ്കിളിനെ തെറ്റായി കാണുമോ എന്ന് അങ്കിൾ പേടിച്ചു. അതിന്റെ കൂടെ മോളുടെ തേങ്ങലും കേട്ടതോടെ അങ്കിൾ എന്തോപോലെ ആയി. എന്ത് പറയണം എന്ന് അറിയാത്ത അവസ്ഥ.

മാത്രമല്ല. മോള് ഇനി ഇവിടെ നിൽക്കാതെ തിരിച്ചു പോകുമോ എന്ന് വരെ അങ്കിൾ ഭയന്നു. കാരണം മോളെ കണ്ട് കുറച്ചു സമയം കൊണ്ട് തന്നെ മോളെ അങ്കിളിന് ഒരുപാട് ഇഷ്ട്ടം ആയി.

മോളുടെ സംസാരവും അതിലെ കുറുമ്പും എല്ലാം ഞാൻ ശരിക്കും ആസ്വദിച്ചു. പുറമേ ഒരു പരുക്കൻ സ്വഭാവം കാണിച്ചു നടക്കുന്ന എനിക്ക് മോളുടെ മുന്നിൽ അത് കാണിക്കാൻ ആയില്ല. അത് ഒരു പക്ഷെ മോളെ പോലൊരു മോളെ കിട്ടാൻ ഞാൻ ഒരുപാട് ആഗ്രഹിച്ചിട്ടും നടക്കാത്തത് കൊണ്ടാകാം.