രതിശലഭങ്ങൾ പറയാതിരുന്നത് 8

Rathishalabhangal Parayathirunnathu Part 8 | Author : Sagar Kottappuram | Previous Part

ഞാൻ സ്വല്പം ബിസി ആണ്..എന്നാലും അധികം വൈകാതിരിക്കാനായി പെട്ടെന്ന് തട്ടിക്കൂട്ടുന്ന പാർട്ടുകൾ ആണ് , എന്തെങ്കിലും പോരായ്മകളുണ്ടെങ്കിൽ പറയണം – സാഗർ

മഞ്ജുസിന്റെ വീട്ടിൽ നിന്നും ഉച്ച കഴിഞ്ഞു ഞാനും ശ്യാമും തിരിച്ചെത്തി. വൈകീട്ട് ഒരു റിസപ്‌ഷൻ ഉണ്ടായിരുന്നതിനു പോയി , പിന്നെ പാടത്തെ കളിയും ഒക്കെ കഴിഞ്ഞു സ്വല്പം വൈകിയാണ് വീട്ടിൽ കയറിയത് .

കുളിയും ചായ കുടിയും ഒക്കെ കഴിഞ്ഞു ഉമ്മറത്തിരിക്കുമ്പോഴാണ് പിന്നീട് മഞ്ജുസിന്റെ കാൾ വരുന്നത് . ഉമ്മറത്ത് എന്റെ അടുത്തായി അഞ്ജു ഇരിക്കുന്നതുകൊണ്ട് ഫോൺ എടുക്കാൻ എനിക്കൊരു മടി തോന്നി.

റിങ് ചെയ്തു കണ്ടപ്പോൾ കസേരയിലിരുന്നു മൊബൈൽ നോക്കി കൊണ്ടിരുന്ന അവളും എന്നെ മുഖം ഉയർത്തി നോക്കി .

“നിന്റെ ഫോൺ അല്ലെ അടിക്കുന്നെ ..എന്താ എടുക്കാത്തെ?”

അഞ്ജു എന്നെ സംശയത്തോടെ നോക്കി.

“അതൊക്കെ ഞാൻ നോക്കിക്കോളാം..നീ ബുദ്ധിമുട്ടണ്ട..”

ഞാൻ ഫോണും പിടിച്ചു എഴുനീറ്റുകൊണ്ട് പറഞ്ഞു .

അവൾ ഞാനെന്തിനാണ് ഇങ്ങനെ ഒകെ പറയുന്നതെന്നു ഭാവത്തിൽ നിന്നുകൊണ്ട് വാ പൊളിച്ചു നോക്കി . ഞാൻ അത് കാര്യമാക്കാതെ നേരെ മുറ്റത്തേക്കിറങ്ങി . അപ്പോഴേക്കും കാൾ കട്ടായിരുന്നു .

ഞാൻ വീടിന്റെ ഒരു സൈഡിലുള്ള മരച്ചോട്ടിലേക്ക് മാറിനിന്നുകൊണ്ട് മഞ്ജുസിനെ തിരിച്ചു വിളിച്ചു . ആ പൊസിഷനിൽ നിക്കുമ്പോൾ അഞ്ജുവിനു എന്നെ കാണാൻ പറ്റില്ല .

ഞാൻ അവളെങ്ങാനും ശ്രദ്ധിക്കുന്നുണ്ടോ എന്ന് നോക്കികൊണ്ട് മഞ്ജുസിനെ വിളിച്ച്‌ നോക്കി . ഒന്ന് രണ്ടു റിങ് കഴിഞ്ഞപ്പോൾ തന്നെ മഞ്ജു ഫോൺ എടുത്തു.

“ഹലോ…”

മഞ്ജു മുഖവുരയോടെ തുടങ്ങി.

“ആഹ്..എന്താ വിളിച്ചേ ..”

ഞാൻ പതിയെ തിരക്കി.