രതിശലഭങ്ങൾ മഞ്ജുസും കവിനും 9 [Sagar Kottapuram] 1314

അവള് തന്നെ എന്റെ കൈപിടിച്ച് വലിച്ചു പുറത്തേക്കിറങ്ങി. സ്റ്റെപ്പിൽ കിടന്ന ചെരിപ്പും എടുത്തിട്ട് മഞ്ജുസ് തന്നെ ആദ്യം മുറ്റത്തേക്കിറങ്ങി . പിന്നാലെ ഞാനും .

ഡോർ അൺലോക് ചെയ്തതും മഞ്ജുസ് ആദ്യം കയറി ഇരുന്നു . പിന്നാലെ ഞാനും ഡ്രൈവിംഗ് സീറ്റിലേക്ക് കയറി ഇരുന്നു .

“ഡാ..പോണവഴിക്ക് നിന്റെ മായേച്ചിയെ കൂടി എടുക്കണം ..അവിടെ നിർത്തിക്കോ ..’
കാര് ഞാൻ സ്റ്റാർട്ട് ചെയ്യാൻ തുടങ്ങവേ മഞ്ജുസ് ബാഗ് പുറകിലെ സീറ്റിലേക്കിട്ടു ഗൗരവത്തിൽ പറഞ്ഞു സാരി തുമ്പ് പിടിച്ചു മടിയിൽ തിരുകി .

“മ്മ്….ആ ശവം കാണുന്ന പോലെ ഒന്നുമല്ല..വാട്സ് ആപ്പിൽ വന്നു ഫുൾ ചൊറിയാ ”
ഞാൻ അവളുടെ കളിയാക്കൽ ആലോചിച്ചു ചിരിച്ചു വണ്ടി സ്ടാര്റ് ചെയ്തു..

“മ്മ്…”
മഞ്ജുസ് ഒന്നമർത്തി മൂളി . അവളുടെ മൂളൽ കണ്ട തോന്നും ഞാനും മായേച്ചിയും തമ്മിൽ എന്തോ ഇടപാടാണെന്നു . ഒറ്റ ചവിട്ടങ്ങു കൊടുത്താൽ ഉണ്ടല്ലോ .

ഞാൻ പിന്നെ ഒന്നും മിണ്ടാതെ കാർ മുന്നോട്ടെടുത്തു . പോകും വഴിക്ക് മായേച്ചിയുടെ വീടിന്റെ ഗേറ്റിനു മുന്പിലെത്തിയതും മൂന്നു നാലുവട്ടം ഹോൺ മുഴക്കി..

“ദാ വരണൂ…”
അകത്തുന്നു നിന്നും ആ സാധനത്തിന്റെ ചീവീടിനെ പോലെയുള്ള ശബ്ദം കേട്ടതോടെ ഞാൻ കാർ ഓഫ് ചെയ്തു . ആ പറച്ചില് കേട്ട അറിയാം അഞ്ചു മിനുട്ട് കഴിയുമെന്ന് !

“നീ ഇറങ്ങിയേ മഞ്ജുസെ ..നമുക്ക് ഹേമ ആന്റിയെ ഒന്ന് കാണാം ”
ഞാൻ കാർ ഓഫ് ചെയ്തു പുറത്തേക്കിറങ്ങി മഞ്ജുസിനോടായി പറഞ്ഞു . അവൾ തലയാട്ടികൊണ്ട് എന്റെ പുറകെ ഇറങ്ങി . തുറന്നിട്ട ഗേറ്റിലൂടെ ഞാനും മഞ്ജുസും സ്വല്പം ഗ്യാപ് ഇട്ടുകൊണ്ട് നടന്നു . സാരി സ്വല്പം വലിച്ചു പിടിച്ചാണ് മഞ്ജുസിന്റെ നടപ്പു .

ഞങ്ങൾ വരുന്നത് കണ്ട ഹേമ ആന്റി ഉമ്മറത്തേക്ക് നിറചിരിയോടെ എത്തി . വീട്ടു വേഷത്തിലാണ് കക്ഷി . കറുപ്പിൽ ചുവന്ന പൂക്കൾ ഉള്ള ഒരു നൈറ്റി ആണ് വേഷം . മുഖത്തൊരു കണ്ണടയും ഉണ്ട്. റിട്ടയേർഡ് ടീച്ചർ ആണ് .

“ആഹ് ആഹ്…രണ്ടാളും ഉണ്ടോ ..കേറി വാ..”
ആന്റി ഞങ്ങളെ കണ്ടു സന്തോഷത്തോടെ സ്വീകരിച്ചു .

“നിങ്ങളുടെ മോളെ കാണാൻ വേണ്ടി വന്നതാ ഹേമ ആന്റി ..ആ സാധനം എവിടെ ?”
ഞാൻ ചിരിയോടെ ഉമ്മറത്തേക്ക് കയറി മായേച്ചി കേൾക്കും പോലെ സ്വല്പം ഉറക്കെ ചോദിച്ചു .

“ഞാൻ ടൂർ പോയെടാ ..”