❤️സഖി 10❤️ [സാത്താൻ?] 356

ഭിത്തിയിൽ ചാരി ഇരുന്ന് ഉറങ്ങുന്ന ഐശ്വര്യയെ ഉണർത്താതെ തന്നെ അവൻ അവളുടെ മടിയിൽ നിന്നും എഴുന്നേറ്റ ശേഷം തന്റെ പ്രാഥമിക കാര്യങ്ങളെല്ലാം നിർവഹിച്ചു താഴേക്ക് ഇറങ്ങി.താഴേക്ക് ഇറങ്ങി ചെന്ന അവൻ കാണുന്നത് എന്തോ കാര്യമായി തന്നെ ചർച്ച ചെയ്യുന്ന ചെറിയച്ഛനെയും ആന്റിയെയും ആയിരുന്നു. അവനെ കണ്ടിട്ടാവണം അവർ രണ്ടുപേരും ആ സംഭാഷണം അവിടെ അവസാനിപ്പിച്ചത്. അതെല്ലാം കണ്ടിരുന്നു എങ്കിലും ഒന്നും കാണാത്തതുപോലെ അവൻ താഴേക്ക് ഇറങ്ങി ചെന്നു. തന്നോട് പറയേണ്ട കാര്യമാണങ്കിൽ അവർ പറയും എന്ന വിശ്വാസം തന്നെയായിരുന്നു അതിന് കാരണം.

താഴേക്ക് ചെന്ന വിഷ്ണുവിനോടായി മഹാദേവൻ പറഞ്ഞു തുടങ്ങി.

മഹാദേവൻ: ആ മോൻ എണീറ്റോ 😊 ഞാൻ വന്നു നോക്കിയപ്പോൾ നിങ്ങൾ രണ്ടുപേരും നല്ല ഉറക്കത്തിൽ ആയിരുന്നു അതാ വിളിക്കാതിരുന്നത്.

വിഷ്ണു : ഇന്നലെ ഓരോ കാര്യങ്ങൾ സംസാരിച്ചിരുന്നു വൈകി ഉറങ്ങാൻ ആയിട്ട് അതാ 🙂.

മഹാദേവൻ : ആ…. മോൻ വാ ഭക്ഷണം കഴിക്ക് ഇന്ന് ഓഫീസിൽ ആദ്യ ദിവസമല്ലേ.

വിഷ്ണു : എനിക്ക് ഇപ്പോൾ വേണ്ട ചെറിയച്ചാ ഞാൻ ഒന്ന് പുറത്ത് പോയിട്ട് വരാം.

മഹാദേവൻ : രാവിലെ തന്നെ ഇതെവിടെ പോവാ മോനെ?

വിഷ്ണു : ചെറിയച്ഛൻ ഇന്നലെ ആന്റി പറയുന്നത് കേട്ടതല്ലേ ഈ ഭ്രാന്തൻ കോലത്തിൽ എങ്ങനെ ആണ് ഓഫീസിലേക്ക് കയറി വരുന്നത്? ഞാൻ ഒന്ന് പോയി മുടിയും താടിയുമൊക്കെ ഒന്ന് വെട്ടി ഒതുക്കിയെച്ചും വരാം. പിന്നെ അച്ഛനെയും അമ്മയെയും ഒന്ന് പോയി കാണണം ഒരുപാടായില്ലേ അസ്ഥി തറക്ക് വിളക്ക് പോലും ഇല്ലാതെ ആയിട്ട്. ഇനി അത് മുടങ്ങണ്ട 🥲