അവൾ ഫോൺ എടുത്തിട്ട് ചോദിച്ചു,” തിരക്കിൽ ആണോ. നേരത്തെ വിളിച്ചപ്പോൾ എടുത്തില്ലാലോ.
അയാൾ : അത് ഞാൻ ഒന്ന് ഫ്രഷ് ആക്കുകയായിരുന്നു. എന്ത് പറ്റി വിളിച്ചത്.
അവൾ : വേറെ ഒന്നും അല്ല, റൂം കിട്ടിയോ, സെറ്റൽ ആയോ എന്ന് അറിയാൻ ആയിരുന്നു.
അയാൾ : അഹ് റൂം കിട്ടി. അടുത്ത് തന്നെ ഉള്ള ഹോട്ടലിൽ റൂം എടുത്തു.
അവൾ : ഇനി എന്താ പരുപാടി.
അയാൾ : പ്രത്യേകിച്ചു ഒന്നും ഇല്ല. മഴ ഒക്കെ അല്ലെ, താൻ തന്ന ബുക്ക് വായിച്ചു കിടക്കാം എന്ന് കരുതി.
അവൾ : ഇത്രയും ദൂരം വന്നത് ചുമ്മാ ബുക്ക് വായിച്ചു കിടക്കാൻ ആണോ. പുറത്തോട്ടൊക്കെ ഒന്ന് ഇറങ്ങി സ്ഥലം ഒക്കെ കണ്ടുടെ.
അയാൾ : അങ്ങനെ തോന്നിയില്ല. ആരും കൂടെ ഇല്ലാത്തതു കൊണ്ടാവും.
അവൾ : ഞാൻ വരണോ?
അയാൾ : ഏയ് അത് സാരമില്ല.
അവൾ : കുഴപ്പം ഇല്ല. ഒന്ന് കറങ്ങാം. ഭക്ഷണം കഴിക്കാം. പിന്നെ ഒരു ചേഞ്ച് ആകുമല്ലോ.
അയാൾ : എന്നാലും മഴ ഒക്കെ അല്ലെ. തനിക്കു അത് ഒരു ബുദ്ധിമുട്ടാകില്ലേ.
അവൾ : എനിക്ക് ബുദ്ധിമുട്ടില്ല, മഴയത്തു ഇറങ്ങാനും നനയാനും ഒക്കെ എനിക്ക് ഇഷ്ടം ആണ്.
അയാൾ : എങ്കിൽ നമ്മുക്ക് പോകാം അല്ലെ, താൻ ഓക്കേ അല്ലെ.
അവൾ : ഞാൻ ഓക്കേ ആണ്.
അയാൾ : എങ്കിൽ താൻ ലൊക്കേഷൻ ഷെയർ ചെയ്യൂ, ഞാൻ വണ്ടിയുമായി അങ്ങ് വരാം. രാത്രി തന്നെ അവിടെ ആകുവേം ചെയ്യാമല്ലോ സുരക്ഷിതമായി.
അവൾ : അയ്യോ ഞാൻ വണ്ടിയുമായി അങ്ങൊട് വരാം.
അയാൾ : സാരമില്ല, ഞാൻ വരാം. താൻ ലൊക്കേഷൻ അയക്കു.
അവൾ : ഓക്കേ, ഞാൻ ഇപ്പോൾ അയക്കാം.
അവൾ ലൊക്കേഷൻ അയച്ചു അയാൾ വരുന്നതും കാത്തു നിന്ന്. അവൾക്കു എന്തെന്നില്ലാത്ത ഒരു സന്തോഷം തോന്നി. അയാൾ ആവട്ടെ, എങ്ങനൊക്കെയോ റൂമിൽ നിന്നും ഇറങ്ങി ഓടുകയായിരുന്നു കാറിലേക്. അത്രയും ആവേശഭരിതനായിരുന്നു അയാൾ. നഷ്ടപെട്ട കളിപ്പാട്ടം തിരിച്ചു കിട്ടിയ ഒരു കൊച്ചു കുട്ടിയേക്കാൾ സന്തോഷം ആയിരുന്നു അയാളുടെ ഉള്ളം നിറയെ.
