ആരോ ഒരാൾ ശരീഫിനെ തട്ടി വിളിച്ചു
ഹായ് ശരീഫാല്ലേ
അതെ
ഞാൻ ഈ ഓഫീസിലെ സ്റ്റാഫാണ് പേര് നിർമൽ
ആ നിർമൽ ചേട്ടാ, ശരീഫ് അവരുടെ കൂടെ ഇരിക്കു സാർ വന്നിട്ടില്ല, വരുമ്പോ എല്ലാരേയും വിളിക്കും
ഓക്കേ ചേട്ടാ
8 മണി കഴിഞ്ഞിട്ടും സാർ വന്നില്ല, ശരീഫിനാണെങ്കിൽ വിശന്നിട്ടും വയ്യ, രാവിലെ വെറും വയറ്റിൽ വന്നതല്ലേ, ഒരു ചായപോലും കുടിക്കാണ്ട്
ഇരുന്നിട്ട് ഇരിപ്പുറക്കാത്തത് കൊണ്ട് അവൻ എണീറ്റു ഓഫീസിന് പുറത്തേക്ക് നടന്നു
ആദ്യം കണ്ട പെട്ടിക്കടയിൽ നിന്നും ചായ വാങ്ങി കുടിച്ചു, കൂടെ ഒരു സിഗരറ്റും വലിച്ചു
എന്നിട്ട് വീണ്ടും ഓഫീസിലേക്ക് നടന്നു, കുറേ നേരം ഇരുന്ന് മുഷിഞ്ഞപ്പോ ഒരാൾ അവരുടെ മുന്നിലൂടെ നടന്നു വന്ന് ഗുഡ് മോർണിംഗ് പറഞ്ഞു , കേട്ടപാടെ 4 പെരും ചാടി എണീറ്റു ഗുഡ് മോർണിംഗ് സാർ എന്ന് പറഞ്ഞ് അയാളെ നോക്കിനിന്നു
നിർമൽ ഓരോരുത്തരെയായി ഓഫീസിനുള്ളിലേക്ക് വിളിച്ചു, നാലുപേരും സർട്ടിഫിക്കറ്റും മറ്റും നിർമലിന്റെ കയ്യിൽ കൊടുത്തു
കസേരയിൽ ഇരിക്കുന്ന ആൾ അയാളെ സ്വയം പരിചയപ്പെടുത്തി ഞാൻ സണ്ണി ജേക്കബ്, ഞാനാണ് ഈ കമ്പനിയുടെ മാനേജർ, എന്നിക്ക് 2 പേരെ മാത്രമേ ജോലിക്ക് ആവിശ്യമുള്ളൂ, പക്ഷെ നിങ്ങൾ നാലുപേരുണ്ട് ഇതിൽ നിന്നും ഈ കമ്പനിക്ക് ഏറ്റവും ഉചിതമായ 2പേരെ മാത്രമേ നിലനിർത്തുകയുള്ളു,
ബാക്കിയുള്ള രണ്ടുപേരെ ഞാൻ ഒഴിവാക്കും ഇപ്പോഴല്ല നിങ്ങളിൽ ആരാണ് ഈ കമ്പനിക്ക് ഏറ്റവും ഉചിതരെന്ന് നിങ്ങളുടെ ജോലി നോക്കി ഞാൻ തെരഞ്ഞെടുത്തോളം അത് വരെ നിങ്ങൾക്ക് നാലുപേർക്കും കമ്പകി റൂമിൽ താമസിക്കാം
