സിനേറിയോ 2 [Maathu] 191

 

:ആരേ കാണണന്ന്

 

:നിന്നെ അല്ലാണ്ടാരെ ..ആ കാറ് നിർത്തിയപ്പോ ഓടി കയറിയതാ ഞാൻ.. അവള് ഇപ്പോ കോണി കേറി വരും..നീ ഒരു കാര്യം ചെയ്യ് ആ സോഫയിൽ വയ്യാത്തത് പോലെ കിടന്നോ..ഷർട്ട്‌ മാറ്റാത്തത് ഏതായാലും നന്നായി. മുഖത്ത് കുറച്ച് ക്ഷീണമൊക്കെ വരുത്ത് ഞാനൊന്ന് മുള്ളിയിട്ട് വരാ.

 

അവനതും പറഞ് മുറിയിലെ ബാത്‌റൂമിലേക്ക് പോയി…

ഇനി അവൻ പറഞ്ഞ പോലെ കിടക്കണോ…ഏയ്.. അതിന്റെ ആവശ്യമൊന്നുമില്ല.. തലയിലൊരു മൂന്നു നാല് സ്റ്റിച്ചുണ്ടല്ലോ അത്‌ തന്നെ ദാരാളം.. അവൻ പോയ വഴിയിൽ നിന്ന് കണ്ണെടുത്ത്‌ തിരിഞ്ഞപ്പോഴേക്കും സ്വാതി ഉള്ളിലേക്ക് കടന്നു വന്നു.

 

:ചേട്ടന് കുഴപ്പമൊന്നുമില്ലല്ലോ

ഒരു കറുപ്പ് കളറിലുള്ള ചുരിദാറും അതിന് മേച്ചായാ പാന്റുമിട്ട് കയ്യിൽ ഒരു കവറുമായി കടന്നു വന്ന സ്വാതി സ്വന്തം സഹോദരനോടെന്ന പോലെ ആരാഞ്ഞു

 

:ഇല്ല…ചെറിയൊരു വേദനയുണ്ട്.

 

:ഒന്നും വിചാരിക്കല്ലേ ചേട്ടാ…അങ്ങേര് നാവെടുത്താ നുണയെ പറയൂ എന്നോട്.

കെട്ടിയവന്റെ സ്വഭാവത്തെ കുറിച്ചുള്ള യാഥാർഥ്യം പറഞ് കൊണ്ട് വന്ന പൊതി എന്റെ കയ്യിലേക്ക് വച്ചു തന്നു.

 

:കൊറച്ചു മുന്തിരിയും ഓറഞ്ചുമാണ്.

 

:ആ അത്‌ നന്നായി, രാവിലെ വല്ലാണ്ട് കഴിക്കാൻ പറ്റിയില്ല…

 

 

 

അരുണവന്റെ പുറന്തള്ളലും കഴിഞ്ഞ് ഹാളിലേക്ക് വന്നത്.

അവനെന്റെ ഓപ്പോസിറ്റിരുന്ന് എന്നെ ഒന്ന് ചുഴിഞ്ഞു നോക്കി.. എന്താണെന്നറിയാതെ ഞാനും അവനെ തന്നെ നോക്കി.

 

:സ്വാതി നീ കുറച്ചു വെള്ളം കൊണ്ട് വന്നേ

എന്നെ തന്നെ നോക്കി കൊണ്ട് അവൻ പറഞ്ഞു.

അവനത് പറഞ്ഞപ്പോ അവള് അടുക്കളയിലേക്ക് പോയി. ഇവര് രണ്ട് പേരുമെന്താ ടേബിളിൽ വച്ചിരിക്കുന്ന ജെഗ്ഗ് കണ്ടില്ലേ എന്നായി എന്റെ അപ്പോഴത്തെ ചിന്ത.

അവള് അടുക്കളയിലേക്ക് പോയ ആ നിമിഷം സോഫയിലിരിക്കുന്ന അരുണ് എന്റെ അടുക്കലേക്ക് വന്ന് കുത്തിന് പിടിച്ചു സോഫയിലോട്ട് അമർത്തി

 

:ഏത് പെണ്ണിനെയാടാ നാറി നീ വിളിച്ചു കേറ്റിയെ

ഒരപകടം പറ്റി തലയും പൊട്ടി ഇരിക്കുന്നവനെ കുത്തിന് പിടിച് ചോദ്യം ചെയ്യുന്ന ഈ മാങ്ങാണ്ടി മോറനയൊക്കെ