5 സുന്ദരികൾ – ഭാഗം 15 (അജിത്ത്)

കണ്ണാ,… മോനേ എഴുന്നേൽക്ക്… ദേ കടയീന്നു വിളിക്കുന്നു…” ചേച്ചിയമ്മയുടെ വിളി കേട്ടാണു ഞാൻ ഉണർന്നത്…

ഞാൻ നോക്കുമ്പോൾ ചേച്ചിയമ്മ എന്റെ ഫോൺ എന്റെ നേരെ നീട്ടിപ്പിടിച്ചു നിൽക്കുകയാണ്… ചേട്ടന്റെ മകൻ എന്റെ തൊട്ടടുത്തു കിടന്ന് ഉറങ്ങുന്നുണ്ടായിരുന്നു…

“ഇവനിതെപ്പോ ഇവിടെ വന്നു കിടന്നു?…” ഞാൻ ചിന്തിച്ചു…

ഞാൻ ഫോൺ വാങ്ങി കോൾ എടുത്തു… സിന്ധു ചേച്ചിയാണ്…

“കണ്ണാ നീ എത്താറായോ?… ഞാനും വിദ്യേം ഇറങ്ങിയേക്കുവാ…” ചേച്ചി ചോദിച്ചു…

“ചേച്ചീ,… ഒരു പത്ത് മിനിട്ട്… ഞാൻ ദേ എത്തി…” ഞാൻ പറഞ്ഞു…

“ഉം… വാ…” ചേച്ചി പറഞ്ഞു…

ഞാൻ കോൾ കട്ട് ചെയ്തു ഫോണിൽ തന്നെ സമയം നോക്കി… 5 മണി കഴിഞ്ഞു… ഞാൻ ഉടനെ ചാടിയെഴുന്നേറ്റ് ബാത്ത് റൂമിൽ പോയി ഒന്നു ഫ്രഷ് ആയി വന്നു ഡ്രസ് മാറി… അപ്പോഴേക്കും ചേച്ചിയമ്മ ചായയുമായി വന്നു….

“വേണ്ട,.. ഇപ്പൊ തന്നെ വൈകി…” അതും പറഞ്ഞു മറുപടിക്കു കാക്കാതെ ഞാൻ വണ്ടിയെടുത്തു തിരിച്ചു വിട്ടു…

പോകുന്ന വഴിയിൽ ഇടയ്ക്ക് വച്ച് സന്ധ്യയും ഇന്ദുവും വണ്ടിയിൽ വരുന്നതു കണ്ടു…. എന്നെ കണ്ടതേ അവർ തിരക്കൊഴിഞ്ഞ ഒരിടത്ത് വണ്ടി ഒതുക്കി നിർത്തി… ഞാനും വണ്ടി അവർക്കരികിലേക്കു ചേർത്ത് നിർത്തി..

“എന്നതാടാ, കണ്ണൊന്നും തുറകുന്നില്ലല്ലോ?… വീട്ടിൽ പോയി എന്നതായിരുന്നു പരിപാടി?…” ചോദ്യം ഇന്ദു വക…

“രാത്രി കിടന്നുറങ്ങാൻ നീയൊന്നും സമ്മതിക്കത്തില്ലല്ലോ?… ചോറുണ്ടു സുഖമായി കിടന്നുറങ്ങി…” ഞാൻ പറഞ്ഞു….

“ഉം… നീയതു പറയണമെടാ…. ഒന്നുമറിയാത്ത ചെക്കനെ പണിയൊക്കെ പഠിപ്പിച്ച് ആളാക്കി കഴിഞ്ഞപ്പോൾ അവന്റെ അഹങ്കാരം കണ്ടില്ലേ?..” ഇന്ദു പിണക്കം നടിച്ചു കൊണ്ടു പറഞ്ഞു…

“ഛെ… പിണങ്ങിയോ?… ഞാൻ ചുമ്മാ പറഞ്ഞതല്ലേ?…. നീയെന്റെ മുത്തല്ലേ മോളേ?….” ഞാൻ കൈയ്യെത്തിച്ച് അവളുടെ താടി പിടിച്ചു കുലുക്കിക്കൊണ്ടു ചോദിച്ചു…

“ങ്ഹാ,.. പിന്നേ,. കണക്കു നോക്കിയായിരുന്നോ?….” ഞാൻ ഇന്ദുവിനോടു ചോദിച്ചു…

“ഇതു വരെ വളരെ ശരിയാ…” അതും പറഞ്ഞ് അവൾ മുഖം വീർപ്പിച്ച് ചുണ്ടു കൂർപ്പിച്ച് എന്നെ നോക്കി… ഞാൻ അവളെ നോക്കി ചിരിച്ചു… അവളും…

“ങ്ഹാ,.. കൊച്ചെന്നതാ ഒന്നും മിണ്ടാതിരിക്കുന്നേ?…” ഞാൻ സന്ധ്യയോടായി ചോദിച്ചു…..