Chapter Title : ആദി ദി ടൈം ട്രാവലർ [ചാണക്യൻ]

നോക്കട്ടെ? "

"ഹ്മ്മ് "

ആദി നെടുവീർപ്പെട്ടു.

അസ്‌ലം സ്റ്റെതസ്കോപ് വച്ചു ആദിയുടെ പൾസ് റേറ്റ് ചെക്ക് ചെയ്തു.എന്നാൽ അത് അനുവദനീയമായ അളവിലും കൂടുതൽ ആയിരുന്നു.

"പ്രൊഫസർ ടാബ്ലറ്റ് മിസ് ചെയ്തോണ്ട് പൾസ് റേറ്റ് കൂടുതലാ.. ഇനിയും റിസ്ക് എടുക്കരുത് കേട്ടോ "

അസ്‌ലം ശാസനയുടെ സ്വരത്തിൽ പറഞ്ഞു.

"Ok അസ്‌ലം താങ്ക്സ് "

"യപ്പ് സാർ ബൈ "

അസ്‌ലം റൂം വിട്ടു വെളിയിലേക്കിറങ്ങി.

ആദിശങ്കരൻ വീൽ ചെയർ റസ്റ്റ്‌ റൂമിലേക്ക് ഓടിച്ചു കയറ്റി.മോഡേൺ സോഫകളും കസേരകളും ഉള്ള റസ്റ്റ്‌ റൂമിൽ  വെളുത്ത നിറം പൂശിയിരുന്നു.

അതിനനുസരിച്ചു അവിടെ നിരത്തിയിരിക്കുന്ന സാധന സാമഗ്രികളും വെള്ള നിറത്താൽ പൂരിതമായിരുന്നു.

ഫൈബർ മേശയ്ക്ക് മുകളിലെ ബോക്സിൽ ഉള്ള റെഡ് ടാബ്ലറ്റ് വായിലേക്ക് ഇട്ട ശേഷം ആദി ഗ്ലാസിൽ ഉണ്ടായിരുന്ന വെള്ളം വായിലേക്ക് ഒഴിച്ച് കുടിച്ചു.

ഗ്ലാസ്‌ മേശയ്ക്ക് പുറത്ത് വച്ചു ആദി വീൽ ചെയറിന്റെ സീറ്റ്‌ അഡ്ജസ്റ്റ് ചെയ്ത് ചാഞ്ഞു കിടന്നു.

അയാളുടെ കണ്ണുകൾ പതിയെ മേശപ്പുറത്തിരുന്ന ഫോട്ടോയിലേക്ക് പതിഞ്ഞു. കല്യാണ വേഷത്തിൽ അത്യധികം സന്തോഷത്തോടെ കെട്ടിപ്പിടിച്ചിരിക്കുന്ന വധൂവരന്മാർ.

ജീവിതത്തിലെ ഏറ്റവും സന്തോഷമായ നിമിഷങ്ങളിൽ ആരോ പകർത്തിയ അവരുടെ ചിത്രം. അതിലേക്ക് നോക്കുന്തോറും ആദിയുടെ കണ്ണുകൾ പതിയെ നിറഞ്ഞു തുളുമ്പി.

കിതപ്പോടെ അയാൾ മിഴികൾ ബലമായി പൂട്ടി വച്ചു ഉറക്കത്തെ വരവേറ്റു.

A സെക്ഷനിൽ അവനിജയ്ക്കും റിതികയ്ക്കും പിടിപ്പത് പണിയുണ്ടായിരുന്നു. തലേ ദിവസം കേരള പോലീസ് മുദ്ര ചെയ്ത കവറിൽ അയച്ച ഒരു കേസിന്റെ തൊണ്ടിമുതൽ ഡീറ്റൈൽഡ് ആയിട്ട് പരിശോധിക്കുന്ന തിരക്കിൽ ആയിരുന്നു അവർ.

റിതികയ്ക്ക് ഇതൊരു പുതിയ