Chapter Title : ആദിത്യഹൃദയം 6 [അഖിൽ]

എന്ത് ചെയ്യും എന്ന അവസ്ഥയിൽ നിൽക്കുമ്പോഴാണ് പിന്നിൽ നിന്നും പതിഞ്ഞ മുരൾച്ച കേട്ടത്….. എല്ലാവരും പതിയെ തിരിഞ്ഞു നോക്കി…

ആ കാഴ്ച്ച കണ്ടതും എല്ലാവരും ഒരേപോലെ ഞെട്ടി… കണ്ണിൽ നിന്നും ഒലിച്ചിറങ്ങുന്ന ചോരയുമായി ഒരു മുരൾച്ചയോടെ നിൽക്കുന്ന പുലി… അവർ പുലിയെ നോക്കിയതും പുലി അലറി ഗർജ്ജിച്ചു ഭയാനകമായ ഗർജനം… അത് കേട്ടതും അവർ എല്ലാവരും ഒട്ടും താമസിക്കാതെ ആമിയും ആദിയും ഇരിക്കുന്നു ദിശയുടെ എതിർ ദിശയിലേക്ക് ഓടി…. പിന്നാലെ നരഭോജിയായ വരയൻ പുലിയും… പുലി ഓടി അടുക്കുന്നത് അഭിയുടെ പിന്നാലെയാണ് അത് മനസ്സിലാക്കിയതും അഭി വേഗത്തിൽ തന്നെ മരങ്ങളുടെ ഇടയിലൂടെ ഓടി… പിന്നാലെ പുലിയും പെട്ടന്നാണ് അഭിയുടെ മുൻപിൽ ഒരു വലിയ മരം വീണു കിടക്കുന്നത് അഭി കണ്ടത് ആ വലിയ മരം ചാടി കടക്കാൻ പറ്റില്ല എന്ന് അഭിക്ക് മാമാസിലായി… പെട്ടന്ന് അഭി മരത്തിൻ്റെ താഴേക്ക് നോക്കി അവിടെ ഒരാൾക്ക് കടന്നു പോകുവാൻ പറ്റാവുന്ന വിടവുണ്ട് മരം മുഴുവനായും നിലം പതിച്ചിട്ടില്ല… അഭി ഓടുന്നതിനിടയിൽ തിരിഞ്ഞു നോക്കിയപ്പോൾ പുലി അടുത്ത് എത്താറായിരിക്കുന്നു…. അഭി വേഗം തന്നെ നിരങ്ങി കൊണ്ട് ആ മരത്തിനടിയിലൂടെ നീങ്ങി തൊട്ട് അടുത്തുള്ള മരത്തിൻ്റെ ചെറിയ തടിയും ആ മരത്തിൻ്റെ അടിയിലൂടെ നിരങ്ങുമ്പോൾ അഭി കരസ്ഥമാക്കി… പിന്നിലൂടെ പാഞ്ഞു വന്ന പുലി അഭിയെ ലക്ഷ്യമാക്കി ആ മരത്തിൻ്റെ മുകളിലൂടെ ചാടി അഭിയുടെ മുഖം നോക്കി കടിക്കുവാൻ ശ്രമിച്ചു… അതെ സമയം തന്നെ അഭി ആ ചെറിയ മര തടി കടിക്കുവാൻ വന്ന പുലിയുടെ നേരെ വെച്ചു… കടി കൊണ്ടത് മരത്തിന്…. പിന്നെയും കടിക്കുവാൻ നോക്കിയതും വീണ്ടും അഭി ആ മര തടികൊണ്ട് പുലിയെ തടഞ്ഞുകൊണ്ടിരുന്നു…ഇതെല്ലാം കണ്ട വിഷ്ണുവും കാർലോസും കൂട്ടാളിയും അഭിയുടെ അടുത്തേക്ക് വേഗത്തിൽ ഓടി… ഓടുന്നുതിനിടയിൽ കൂട്ടാളിയുടെ കൈയിൽ കണ്ട കത്തി വിഷ്ണു നിമിഷ നേരത്തിൽ ഓടിക്കൊണ്ടിരിക്കുമ്പോൾ തന്നെ കരസ്ഥമാക്കി… ഒട്ടും താമസിക്കാതെ തന്നെ ആ കത്തി പുലിയുടെ ഇടത്തെ കണ്ണ് ലക്ഷ്യമാക്കി വിഷ്ണു എറിഞ്ഞു… എന്നാൽ ഈ പ്രാവിശ്യം പുലി അഭിയുമായി മൽപിടിത്തം നടത്തുന്നതുകൊണ്ട് വിഷ്ണു എറിഞ്ഞ കത്തി ലക്ഷ്യം