Chapter Title : ആൾ മാറാട്ടം [Eros - God Of Lust]

പറഞ്ഞിട്ട് ആദ്യം ഫ്രെഷാവാനായി വേഗം ചെന്ന് ബാത്റൂം തുറന്നു.

“ഫുഡൊക്കെ ഞാൻ എപ്പോഴേ ഉണ്ടാക്കി വച്ചു കഴിഞ്ഞു.” ഇച്ചായന്‍ വലിയ ഗമയിൽ പറഞ്ഞതും ഞാൻ നിന്നു.

എന്നിട്ട് തിരിഞ്ഞു നിന്ന് എളിയിൽ കൈയും കൊടുത്ത് ഇച്ചായനെ നോക്കി.

“ഇച്ചായന്‍ ഉണ്ടാക്കിയ ആഹാരം കഴിച്ചാൽ എന്തും കഴിക്കുന്ന ഹയിന പോലും ചത്തുപോകും.”

മുഖത്ത് ഭയം വരുത്തി ഞാൻ പറഞ്ഞത് കേട്ട് ഇച്ചായന്‍ പൊട്ടിച്ചിരിച്ചു.

“ഓക്കെ, ഓക്കെ.” ഇച്ചായന്‍ പിന്നെയും പൊട്ടിച്ചിരിച്ചു. “ബിബിനാണ് എല്ലാം ഒണ്ടാക്കിയത്, ഞാനും മോളും അവനെ സഹായിച്ചു.

ഞാൻ ഉടനെ ഇച്ചായനെ കൂർപ്പിച്ച് നോക്കി.

“ഒക്കേ, ശെരി.. ഞാൻ സമ്മതിച്ചു. അവനെ സഹായിക്കാൻ പോലും ബിബിൻ എന്നെ സമ്മതിച്ചില്ല. നി പറഞ്ഞ ഹയിന പ്രയോഗത്തെക്കാളും കടുത്ത പ്രയോഗമാണ് അവന്‍ പറഞ്ഞത്.” ഇച്ചായന്‍ ചമ്മലോടെ പറഞ്ഞു.

“എന്താണ് അവന്‍ പറഞ്ഞത്?” കൗതുകപൂർവ്വം ഞാൻ ചോദിച്ചു.

“പാചകം ഉണ്ടാക്കാനുള്ള എന്റെ സഹായം പോലും ദുരന്തം സംഭവിച്ച കെമിസ്ട്രി ലാബിന് തുല്യമാണ് പോലും.”

അതുകേട്ട് ഞാൻ പൊട്ടിച്ചിരിച്ചു പോയി. അപ്പോ ഇച്ചായനും ചമ്മലോടെ ചിരിച്ചു.

“അതുതന്നെയാണ് സത്യം ഇച്ചായ.” എനിക്ക് ചിരിയടക്കാൻ കഴിഞ്ഞില്ല.

“ശെരി, ശെരി. എന്നെ കളിയാക്കിയത് മതി. നി ചെല്ല്, വേഗം ഫ്രെഷായി വാ. നമുക്ക് ചെന്ന് കഴിക്കാം. എന്നിട്ട് മോള് ഉറങ്ങീട്ട് വേണം എന്റെ കുപ്പി പൊട്ടിക്കാൻ.” ഇച്ചായന്‍ കൈ രണ്ടും തിരുമ്മി കൊണ്ട്‌ ഉത്സാഹത്തോടെ പറഞ്ഞു.

അതുകേട്ട് എനിക്ക് എന്റെ നല്ല മൂഡങ്ങ് പോയി. ഞാൻ പിന്നെയും തിരിഞ്ഞ് ഇച്ചായനെ നോക്കി. ഉപദേശിച്ചിട്ട് കാര്യമില്ലെന്നറിയാം, പക്ഷേ എന്നിട്ടും ഞാൻ പറഞ്ഞു,

“ഇപ്പോഴേ ആവശ്യത്തിന് കുടിച്ചിട്ടുണ്ടല്ലോ?