Chapter Title : ആൽബർട്ട് റോഡറിംഗ്സിന്റെ പ്രശ്നം [Smitha]

ഈ സമയത്ത്!"

അവൾ പിറുപിറുത്തു.

കണാരൻ എഴുന്നേറ്റ് ചെന്ന് വാതിൽ തുറന്നു.

പുറത്ത് നിൽക്കുന്ന ആളെ അയാൾ അദ്‌ഭുതത്തോടെ നോക്കി.

ഒന്നുകിൽ ഇയാൾ ഏതെങ്കിലും ഒരുയർന്ന സർക്കാരുദ്യോഗസ്ഥൻ.

അല്ലെങ്കിൽ ഏതെങ്കിലും മഹാധനികൻ.

അയാളുടെ വേഷവും നോട്ടവും ഭാവവും അതാണ് വെളിപ്പെടുത്തുന്നത്. കോട്ടും ടൈയും ധരിച്ചിരിക്കുന്നു. കണ്ണുകൾക്ക് മേൽ വിലപിടിച്ച സൺഗ്ളാസ്‌.

ആഢ്യത്വം നിറഞ്ഞ മുഖം. ദീർഘകായൻ.

"ആരാ...എന്താ?"

കണാരൻ ശബ്ദം മൃദുവാക്കി ചോദിച്ചു.

"ഞാൻ ...എന്റെ പേര് ആൽബി..."

മുഴക്കമുള്ള സ്വരത്തിൽ അയാൾ പറഞ്ഞു.

"ആൽബി…ആൽബർട്ട് റോഡ്രിഗ്സ്...ഞാൻ ഒരു ബിസിനസ്സ്കാരനാണ്..."

"ഞാൻ ..എന്താ സാറിന് ചെയ്യണ്ടേ?"

"എനിക്ക് ...ഒരു കാര്യം പറയാനുണ്ട് ..നിങ്ങളുടെ ചെറിയ ഒരു ഹെൽപ്പ് വേണം ..ഞാൻ അകത്തേക്ക് വരട്ടെ...?"

കണാരൻ തിരിഞ്ഞ് പിമ്പിൽ നിൽക്കുന്ന ജാനകിയെ നോക്കി.

അവൾ വേണ്ട എന്ന അർത്ഥത്തിൽ അയാളെ കണ്ണടച്ച് ഭീഷണമായി നോക്കി. എങ്കിലും കണാരൻ അയാളെ കണ്ണുകൾ കൊണ്ട് അകത്തേക്ക് ക്ഷണിച്ചു.

അയാൾ അകത്തേക്ക് കയറി. ചുറ്റുപാടും ഒന്ന് കണ്ണോടിച്ചു. എന്നിട്ട് പുഞ്ചിരിച്ചു.

ഇയാള് എന്തായാലും കസ്റ്റമർ അല്ല, ജാനകി ഉറപ്പാക്കി. കസ്റ്റമർ ആയിരുന്നെങ്കിൽ ആദ്യം ശ്രദ്ധിക്കുന്നത് എപ്പോഴും ചരക്കിനെ ആയിരിക്കും. ഇയാൾ പക്ഷെ തന്നെ ഇതുവരെ നോക്കി കൂടിയില്ല.

അയാളുടെ ദേഹത്ത് നിന്ന് വിലപിടിച്ചകൊളോണിന്റെ നേർത്ത സൗമ്യമായ ഗന്ധം മുറിയിൽ നിറയാൻ തുടങ്ങി. ആദ്യമായി അവിടെ വന്ന ഒരാൾക്ക് സ്വാഭാവികമായുമുണ്ടാവേണ്ട സങ്കോചമൊന്നും അയാളിൽ കണ്ടില്ല.

"സാർ ഇരുന്നാട്ടെ,"

കണാരൻ പറഞ്ഞു.

"ജാനകി കുടിക്കാൻ എന്തെങ്കിലും..."

കണാരൻ ജാനകിയെ നോക്കി.

"അത് പിന്നെ..."

ആൽബി അകത്തേക്ക് തിരിയാൻ തുടങ്ങിയ ജാനകിയെ വിലക്കി.

അയാൾ പിന്നെ സോഫയിൽ