Chapter Title : ആൻ മുതൽ അഞ്ജലി വരെ [CLIMAX]

അവൾ ചിരിച്ചുകൊണ്ട് പറഞ്ഞു.

അഞ്ജലിയും ചിരിച്ചു.

പക്ഷേ അവളുടെ കണ്ണുകൾ നിറഞ്ഞിരുന്നു.

രാജേഷും ജോണും കൈകൊടുത്തു.

"Take care, brother."

ജോൺ പറഞ്ഞു.

"You too."

രാജേഷ് മറുപടി നൽകി.

അവസാനം...

ജോണും അഞ്ജലിയും മാത്രം ബാക്കി നിന്നു.

"Goodbye, Ann."

ജോൺ ചിരിച്ചുകൊണ്ട് പറഞ്ഞു.

അഞ്ജലിയുടെ ചുണ്ടുകളിലും ഒരു പുഞ്ചിരി വിരിഞ്ഞു.

അവൾ മുന്നോട്ട് വന്ന് അവനെ കെട്ടിപ്പിടിച്ചു.

ഒരു നിമിഷം...

അത്ര മാത്രം.

പിന്നെ അവൾ അവന്റെ ചെവിയോട് ചേർന്ന് വളരെ പതുക്കെ പറഞ്ഞു.

"ഒരു കാര്യം പറയട്ടെ...?"

"മ്മ്...?"

"എന്റെ പേര് Ann അല്ല."

ജോൺ ഒന്നു ഞെട്ടി.

അഞ്ജലി ചിരിച്ചു.

"അഞ്ജലി."

"എന്റെ ശരിക്കുള്ള പേര് അഞ്ജലി എന്നാണ്."

ഒരു നിമിഷം ജോൺ അവളെ തന്നെ നോക്കി നിന്നു.

പിന്നെ അവനും ചിരിച്ചു.

ആ ചിരിയിൽ അത്ഭുതവും വിഷമവും ഒരുപോലെ ഉണ്ടായിരുന്നു.

"Really...?"

"Really."

അഞ്ജലി തലയാട്ടി.

ജോൺ ചെറുതായി ചിരിച്ചു.

"അപ്പോൾ ഇത്രയും ദിവസം നീ എന്നെ പറ്റിക്കുകയായിരുന്നല്ലേ..."

"അതെ."

അഞ്ജലി കണ്ണിറുക്കി.

ജോണിന്റെ ചിരി വീണ്ടും വലുതായി.

പിന്നെ അവൻ പതുക്കെ പറഞ്ഞു.

"Goodbye, Anjali."

ആദ്യമായി...

അവൻ അവളുടെ യഥാർത്ഥ പേര് വിളിച്ചു.

അഞ്ജലിയുടെ കണ്ണുകൾ നിറഞ്ഞു.

പക്ഷേ അവൾ ചിരിച്ചു.

"Goodbye, John."

ഒരു നിമിഷം...

അത്ര മാത്രം.

പിന്നെ അഞ്ജലി തിരിഞ്ഞു നടന്നു.

അവൾ ഒരിക്കൽ പോലും തിരിഞ്ഞു നോക്കിയില്ല.

കാരണം തിരിഞ്ഞു നോക്കിയാൽ നടക്കാൻ കഴിയില്ലെന്ന് അവൾക്കറിയാമായിരുന്നു.

രാജേഷിനൊപ്പം അവൾ ടെർമിനലിനുള്ളിലേക്ക് നടന്നു.

ഗ്ലാസ് ഭിത്തിക്കപ്പുറം ജോണും കാതറിനും ചെറുതായി ചെറുതായി അകന്നുപോയി.

കുറച്ചുസമയം കഴിഞ്ഞ്...

വിമാനം റൺവേയിലൂടെ പതുക്കെ മുന്നോട്ട് നീങ്ങി.

അഞ്ജലി ജനലിലൂടെ പുറത്തേക്ക് നോക്കി.

പട്ടായ പതുക്കെ താഴേക്ക് മറഞ്ഞു.

കടലും... വെളിച്ചങ്ങളും... ആ രാത്രികളും...

എല്ലാം പതുക്കെ അകന്നുപോയി.

അവൾ പതുക്കെ കണ്ണുകൾ അടച്ചു.

അപ്പോഴാണ് അരികിൽ ഇരുന്ന രാജേഷിന്റെ കൈ അവളുടെ കൈയെ പതുക്കെ തേടിയെത്തിയത്.

അഞ്ജലി താഴേക്ക് നോക്കി.

ഒരു നിമിഷം അവൾ ആ കൈയിലേക്ക് നോക്കി നിന്നു.

പിന്നെ തന്റെ വിരലുകൾ അവന്റെ വിരലുകൾക്കിടയിലേക്ക് ചേർത്തു.

രാജേഷ് ഒന്നും പറഞ്ഞില്ല.

അഞ്ജലിയും ഒന്നും പറഞ്ഞില്ല.

പക്ഷേ ആ ചെറിയ സ്പർശത്തിൽ ഒരു കാര്യം വ്യക്തമായിരുന്നു.

അവർ തമ്മിലുള്ള സ്നേഹം അവസാനിച്ചിരുന്നില്ല.

അത് മാറിയിരുന്നു.

അഞ്ജലിയും മാറിയിരുന്നു.

അവൾ പതുക്കെ ജനലിന് പുറത്തേക്ക് നോക്കി.

പട്ടായ ഇപ്പോൾ മേഘങ്ങൾക്കിടയിൽ മറഞ്ഞുപോയിരുന്നു.

അവളുടെ ചുണ്ടുകളിൽ ഒരു ചെറിയ പുഞ്ചിരി വിരിഞ്ഞു.

കാരണം അവൾ പഴയ ജീവിതത്തിലേക്ക് മടങ്ങുകയായിരുന്നില്ല.

പഴയ ജീവിതത്തിലേക്ക് ഒരു പുതിയ അഞ്ജലി മടങ്ങുകയായിരുന്നു.

The End. ❤️

*

*

*

*

*

*

*

*

ഈ