Chapter Title : ആനി ടീച്ചർ 13 [Amal Srk]

നോക്കി.

" എനിക്ക് ഇച്ചായനോട് ഒന്ന് തനിച്ച് സംസാരിക്കണം. " വിധു പറഞ്ഞു.

" എന്താ ? " പാപ്പി ഗൗരവത്തോടെ ചോദിച്ചു.

" ഇവിടെവച്ച് പറ്റില്ല നമുക്ക് പുറത്തു പോകാം." വിധു പറഞ്ഞു.

അവനോട് സംസാരിക്കാൻ പാപ്പിക്ക് വല്യ താല്പര്യം ഇല്ല,എന്നാലും അവന്റെ കൂടെ ചെല്ലാൻ തീരുമാനിച്ചു.

ജീപ്പ് എടുത്ത് വിധുവിനെയും കൂട്ടി കുന്നിന്റെ മുകളിലേക്ക് ചെന്നു. നല്ല കാറ്റടിക്കുന്ന വിശകലമായ സ്ഥലം.

" നിനക്ക് എന്താ പറയാനുളളത് ? " പാപ്പി മുഖത്ത് നോക്കാതെ ചോദിച്ചു.

എങ്ങനെ പറഞ്ഞു തുടങ്ങണമെന്ന് വിധുവിന് ഒരു പിടിയുമില്ല. ഒരു നിമിഷം അവൻ ശങ്കിച്ചു പോയി.

" കാര്യം പറയെടാ… നിന്റെ അണ്ണാക്കിലെ പിരി വെട്ടിയോ? " പാപ്പി അല്പം ദേഷ്യത്തോടെ ചോദിച്ചു.

" ഇച്ചായൻ എന്നോട് ക്ഷമിക്കണം.. " അവൻ പതിഞ്ഞ ശബ്ദത്തിൽ പറഞ്ഞു.

" അങ്ങനെ എളുപ്പം ക്ഷമിക്കാൻ പറ്റുന്ന കാര്യമാണോ നീ ചെയ്തത് ? "

" എനിക്ക് അറിയാം അത് അങ്ങനെയല്ല, പക്ഷെ തെറ്റ് എന്റെ ഭാഗത്ത്‌ മാത്രമല്ല. "

" ആനിയാണോ എല്ലാം തുടങ്ങി വച്ചത് ? "

" അല്ല ഞാനാണ്, ഒരുപാട് കഷ്ടപ്പെട്ടാ ടീച്ചറെ ഞാൻ വളച്ചത്. ആർക്കും അങ്ങനെ എളുപ്പം പിടി തരുന്ന പെണ്ണല്ല ആനി. എന്റെ ഇഷ്ടം സത്യമാണെന്ന തിരിച്ചറിവാണ് എല്ലാത്തിന്റെയും തുടക്കം. ടീച്ചർക്ക് ഇച്ചായനോടുള്ള വെറുപ്പും അതിലൊരു ഘടകമായി. "

" പിന്നീട് നിങ്ങൾടെ ഇടയിൽ എന്ത് പ്രശ്നാ ഉണ്ടായെ..? " പാപ്പി സംശയത്തോടെ ചോദിച്ചു.

" ആ പ്രശ്നത്തിന് കാരണം ഞാൻ തന്നെയാ.