Chapter Title : ആനി ടീച്ചർ 10 [Amal Srk]

"

കുട്ടാപ്പി പറഞ്ഞു.

" നീ പറഞ്ഞത് ശരിയാടാ കുട്ടാപ്പി. ഇപ്പൊ തോന്നുവാ കല്യാണം കഴിക്കേണ്ടായിരുന്നുന്ന്.. "

പാപ്പി അലസതയോടെ പറഞ്ഞു.

" എനിക്ക് എല്ലാം മനസ്സിലായി ഇച്ചായാ ? " കുട്ടാപ്പി ഇളിച്ചുകൊണ്ട് പറഞ്ഞു.

അതുകേട്ട് പാപ്പിയൊന്നു ഞെട്ടി. കർത്താവെ ഇവന് എല്ലാം മനസ്സിലായോ..? പപ്പി ആശങ്കപ്പെട്ടു.

" നിനക്ക് എന്ത് മനസ്സിലായിന്നാ പറയുന്നേ..? "

" ആനി ടീച്ചറ് ഭരണം തുടങ്ങി അല്ലേ.. ?"

അത് കേട്ടപ്പോഴാണ് പാപ്പിക്ക് ആശ്വാസമായത്.

" നിനക്കെങ്ങനെ മനസ്സിലായി..? "

പാപ്പി ചോദിച്ചു.

" ഇതൊക്കെ എല്ലാവരുടെയും അവസ്ഥ ഇങ്ങനെയൊക്കെ തന്നെയാ ഇച്ചായാ… കെട്ട് കഴിഞ്ഞാൽ പിന്നെ ഭാര്യയുടെ ചൊൽപ്പടിക്ക് നിൽക്കേണ്ടി വരും… ? അല്ലേൽ ബെഡ്റൂമിൽ പോലും കേറ്റത്തില്ല " അവൻ ഇളിച്ചു കൊണ്ട് പറഞ്ഞു.

" നീ അധികം വാചകമടിക്കാണ്ട് നേരെ നോക്കി വണ്ടിയോടിക്ക്… "

വണ്ടി കുറേ ദൂരം കൂടി സഞ്ചരിച്ചു. യാത്രക്ക് ശേഷം ജീപ്പ് വീടിന്റെ മുൻപിൽ എത്തി.

" ജീപ്പ് ഞാൻ കൊണ്ടുപോണോ അതോ ഇവിടെ വെക്കണോ..? "

വണ്ടിയിൽ നിന്നും ഇറങ്ങി കുട്ടാപ്പി ചോദിച്ചു.

" ജീപ്പ് ഇവിടെ വച്ചിട്ട് നീ നടന്നു പൊയ്ക്കോ.. ? "

പാപ്പി പറഞ്ഞു.

" ഇച്ചായാ… ? "

അവൻ ദേഷ്യത്തോടെ നോക്കി.

" ചാവി തന്നിട്ട് വേഗം വീട്ടി പോവാൻ നോക്കടാ.. "

പാപ്പി കുട്ടാപ്പിന്റെ കൈയ്യിന്ന് ചാവി വാങ്ങി അവനെ പറഞ്ഞുവിട്ടു.

പുറത്ത് മത്തായി കാത്തുനിൽപ്പുണ്ടായിരുന്നു. പാപ്പിയെ കണ്ടയുടനെ ഒരുമാതിരി ആക്കി ചിരിച്ചു.

" എന്താ കിളിക്കുന്നെ..? ഇവിടെ ആരെങ്കിലും തുണിയുടുക്കാതെ നിൽക്കുന്നുണ്ടോ..? "

പാപ്പി ചോദിച്ചു.

" ഏയ്.. ഒന്നുല്ലാ… ? "

മത്തായി വീണ്ടും ഇളിച്ചു.

" ദേ അപ്പച്ചാ… എന്റെ കൈയ്യീന്ന് മെടുക്കും… "

പാപ്പി അപ്പന് നേരെ കൈയോങ്ങിക്കൊണ്ട് പറഞ്ഞു.

" നിന്റെ കയ്യിന്ന് മേടിച്ചൊരുത്തി ആകാതിരിപ്പുണ്ട്.. ചെല്ല്… "

മത്തായി പറഞ്ഞു.

" എന്ത്..? "

പറഞ്ഞതൊന്നും മനസ്സിലാകാതെ പാപ്പി ചോദിച്ചു.

" നീ അകത്തേയ്ക്ക് ചെല്ല് കാര്യങ്ങളൊക്കെ വഴിയെ മനസ്സിലായിക്കൊള്ളും… ? "