Chapter Title : ആനി ടീച്ചർ 11 [Amal Srk]

തിളങ്ങി. വിധുവിനും അത്പോലെ തന്നെ. ഇരുവരുടെയും നോട്ടം ശ്രദ്ധയിൽ പെട്ട പാപ്പി അവനെ നോക്കി കണ്ണ് കൂർപ്പിച്ചു. അതോടെ വിധു നോട്ടം മാറ്റി.

" നീ ഇത്രയും നേരം എവിടെയായിരുന്നു ? ഇവര് വന്നിട്ട് എത്രനേരമായിന് അറിയോ ? "

വനജ ചോദിച്ചു.

മറുപടിയൊന്നും പറയാതെ അവൻ തല താഴ്ത്തി.

" ഇവനിപ്പോ പഠിപ്പൊക്കെയുണ്ടോ ? "

ആനി വനജയോട് ചോദിച്ചു.

" നിന്റെ കെട്ട്  കഴിഞ്ഞേ പിന്നെ മുഴുവൻ നേരവും ഇവൻ മുറിക്കകത്ത് തന്നെയാ. ചോദിച്ചാൽ പറയും  പഠിക്കുവാണെന്ന്. റിസൾട്ട് വരുമ്പോ അറിയാം ഇവന്റെ പഠിപ്പിന്റെ ഗുണം."

വനജ മകനെ കളിയാക്കികൊണ്ട് പറഞ്ഞു.

ആളുകളുടെ മുൻപിൽ വച്ച് കളിയാക്കിയത് അവന് തീരെ പിടിച്ചില്ല.

" വനജ ചേച്ചി ഞാൻ ഇവിടെ വന്നത് നിങ്ങളയൊക്കെ കാണാൻ വേണ്ടി മാത്രമല്ല വേറൊരു കാര്യം കൂടി പറയാനാ "

ആനി പുഞ്ചിരിച്ചുകൊണ്ട് പറഞ്ഞു.

" എന്ത് കാര്യം ? "

വനജ ചോദിച്ചു.

" വിധുവിന് ബുദ്ധിമുട്ടില്ലെങ്കിൽ ഇച്ചായന്റെ വീട്ടില് വന്നാ ഞാൻ ട്യൂഷൻ എടുത്ത് കൊടുക്കാം."

ആനി പറഞ്ഞു.

ആനി പറഞ്ഞത് കേട്ട് വിധു അത്ഭുതപ്പെട്ടു. ടീച്ചർക്ക് തന്നോടുള്ള വെറുപ്പൊക്കെ മാറിയോ ? അവനാകെ സംശയത്തിലായി.

" അവന് ഒരു ബുദ്ധിമുട്ടും ഇല്ല. ഇവിടുന്ന് പത്ത് മിനുട്ട് നടക്കേണ്ട ദൂരമല്ലേ ഉള്ളു പാപ്പിടെ വീട്ടിലേക്ക്. ആനി സമയം പറഞ്ഞാൽ മതി ഞാൻ അവനെ പറഞ്ഞു വിട്ടോളാം. "

വനജ പറഞ്ഞു.

" എല്ലാ ദിവസവും രാവിലെ പത്ത് മണിയാവുമ്പോ എത്തിയാൽ മതി."

ആനി പറഞ്ഞു.

" ടീച്ചർക്ക് സ്കൂളിൽ പോകണ്ടേ ? "

വിധു പതിഞ്ഞ ശബ്ദത്തിൽ ചോദിച്ചു.

" ആനി പ്രേഗ്നെന്റാ. അതുകൊണ്ട് ഒരു വർഷത്തേയ്ക്ക് ലോങ്ങ് ലീവ് എടുത്തിട്ടാ ഉള്ളെ "

വനജ കാര്യം പറഞ്ഞു.

അത് കേട്ട് വിധുവിന്റെ നെഞ്ച് പിടഞ്ഞു. ഇത്ര പെട്ടന്ന് ഗർഭം ധരിച്ചത് എന്നോടുള്ള ദെയ്‌ശ്യം കൊണ്ടാവോ ? അവൻ സംശയിച്ചു. പക്ഷെ വിധു ഇതൊക്കെ അറിഞ്ഞപ്പോഴും ആനിയുടെ മുഖത്ത് ഒരു ഭാവ വ്യത്യാസവും ഉണ്ടായില്ല, അവളിപ്പോഴും ചിരിച്ചുകൊണ്ടിരിക്കുകയാണ്

" ആനി