Chapter Title : ആനി ടീച്ചർ 3 [Amal Srk]

തുടർന്നു.

പതിവ് പോലെ വൈകുന്നേരം വിധു ആനി ടീച്ചറുടെ വീട്ടിൽ ട്യൂഷന് ചെന്നു. ടീച്ചറുടെ മുഖത്ത് ഗൗരവ ഭാവമാണ്. പേടിച്ചരണ്ട മുയൽ കുട്ടിയെ പോലെ അവൻ അടുത്തിരുന്നു. ക്ലാസ്സെടുക്കുവാൻ തുടങ്ങി. ആനി ചോദിക്കുമ്പോഴല്ലാതെ കമാന്നൊരക്ഷരം അവന്റെ വായീന്ന് പുറത്ത് വന്നില്ല. ആനിയുടെ മുഖത്ത് നോക്കാൻ തന്നെ അവന് ദൈര്യം വന്നില്ല.

പിന്നീടുള്ള രണ്ട്, മൂന്ന് ദിവസങ്ങളിലും ഇതേ അവസ്ഥതന്നെ തുടർന്നു.

" രണ്ട്, മൂന്ന് ദിവസ്സമായിട്ട് ഞാൻ ശ്രദ്ധിക്കുന്നു, നീ വളരെ മൂഡ് ഔട്ട് ആണല്ലോ ? ഞാൻ നിന്നെ തല്ലിയത് കൊണ്ടാണോ ? "

ആനി ചോദിച്ചു.

അവൻ മറുപടിയൊന്നും പറഞ്ഞില്ല.

" പറയെടാ "

അവൾ വീണ്ടും ചോദിച്ചു.

" അതുകൊണ്ടല്ല. ആ തല്ല് എനിക്ക് കിട്ടേണ്ടത് തന്നെയാ. ഒരു വിദ്യാർത്ഥിയും അധ്യാപികയോട് ചെയ്യാൻ പാടില്ലാത്ത കാര്യാ ഞാൻ ചെയ്തത്. "

അവൻ വിഷമത്തോടെ പറഞ്ഞു.

" അതൊക്കെ കഴിഞ്ഞ കാര്യങ്ങളാണ്. നിന്റെ തെറ്റ് നീ മനസ്സിലാക്കിയില്ലേ അത് മതി. "

ആനി അവനെ സമാധാനിപ്പിച്ചു.

പക്ഷെ അവൾ എന്തൊക്കെ പറഞ്ഞിട്ടും അവന്റെ വിഷമം വിട്ട് പോയില്ല. നിവർത്തിയില്ലാതെ ട്യൂഷൻ പാതിയിൽ അവസാനിപ്പിച്ചു. വിഷമത്തോടെ പുസ്തകങ്ങളുമായി അവൻ വീട്ടിലേക്ക് മടങ്ങി.

" എന്താടാ ഇന്ന് ട്യൂഷൻ നേരത്തേ കഴിഞ്ഞോ ?"

അമ്മ വനജ ചോദിച്ചു.

"മം"

ഒന്ന് മൂളിയ ശേഷം അവൻ മുറിയിലേക്ക് ചെന്നു.

സമയം ഒമ്പത് കഴിഞ്ഞു. വിധുവെ ചോറുണ്ണാൻ കാണാത്തത് കൊണ്ട് വനജ അവന്റെ മുറിയിലേക്ക് ചെന്നു.

കിടക്കയ്യിൽ ഉറങ്ങുകയാണ് അവൻ.

" നിനക്കിന്ന് ചോറ് വേണ്ടേ  ? "

വനജ ചോദിച്ചു.

" വിശപ്പില്ല. "

അവൻ പതിഞ്ഞ ശബ്ദത്തിൽ പറഞ്ഞു.

" അതെന്താ വിശപ്പില്ലാത്തെ ?"

" എനിക്ക് വല്ലാത്ത ക്ഷീണം ചോറ് വേണ്ട. അമ്മ ശല്യം ചെയ്യാതെ ഒന്ന് പോയെ "

അമ്മയെ ഒഴിവാക്കാൻ പറഞ്ഞു.

ദേഷ്യത്തോടെ പിറുപിറുത്ത് കൊണ്ട് വനജ തിരികെ പോയി.

പിറ്റേ ദിവസം വൈകുന്നേരം.

ട്യൂഷന് പോകേണ്ട സമയത്ത് ചടഞ്ഞ് കൂടി കിടക്കുകയാണ് വിധു.

" നീ ഇന്ന് ടൂഷന് പോകുന്നില്ലേ ? "