Chapter Title : ആനി ടീച്ചർ 7 [Amal Srk]

നടന്നകലുന്ന ആനിയെ നോക്കികൊണ്ട് പറഞ്ഞു.

" ആഹാ.. എത്ര നല്ല നടക്കാത്ത സ്വപ്നം.. "

കുട്ടാപ്പി കളിയാക്കികൊണ്ട് പറഞ്ഞു.

ആനി ടീച്ചർ പറഞ്ഞ പ്രകാരം പഠിച്ചതൊക്കെ പറഞ്ഞു കേൾപ്പിക്കാതെ എനിയൊരു കളി പോയിട്ട് ഒന്ന് കാണാൻ പോലും പറ്റുമെന്ന് തോന്നുന്നില്ല. പുസ്തകവും തുറന്ന് പിടിച്ച് വിധു പഠിക്കാൻ തുടങ്ങി. സമയം 7:30 കഴിഞ്ഞിട്ടും ട്യൂഷന് പോകുന്നത് കാണാതായതോടെ അമ്മ കാര്യം തിരക്കാനായി മുറിയിലേക്ക് വന്നു.

" എന്താടാ.. ഇന്ന് നീ ട്യൂഷന് പോകുന്നില്ലേ ? "

അമ്മ ചോദിച്ചു.

" ഇല്ല "

" എന്തെ ? "

" എനി കുറച്ച് ദിവസം എന്നോട് വീട്ടിൽ ഇരുന്ന് പഠിക്കാൻ പറഞ്ഞു. ടീച്ചർക്ക് തിരക്കാണ് പോലും.. "

" എന്ത് തിരക്ക്..? ഞാൻ ഒന്ന് ചോദിക്കട്ടെ.. "

അമ്മ പറഞ്ഞു.

" അതിന്റെയൊന്നും ആവിശ്യം ഇല്ല അമ്മാ… ടീച്ചറുടെ തിരക്ക് കഴിയട്ടെ, അത് വരെ വീട്ടിൽ ഇരുന്ന് പഠിക്കാലൊ… "

വിധു അമ്മയെ പറഞ്ഞ് സമാധാനിപ്പിക്കാൻ ശ്രമിച്ചു.

" വീട്ടിൽ ഇരുന്നാൽ നീ ഒരു വക പഠിക്കില്ലെന്ന് എനിക്ക് അറിയാലോ.. "

അമ്മ കളിയാക്കികൊണ്ട് പറഞ്ഞു.

" ഞാൻ പഠിക്കും അമ്മാ… ഇതുവരെ പഠിപ്പിച്ചതൊക്കെ കൃത്യമായി മനഃപാഠ മാക്കിയ ശേഷമേ ഞാൻ എനി ടീച്ചറുടെ അടുത്തേക്കുള്ളു "

വിധു ധൃടമായി പറഞ്ഞു.

" ഉവ്വ് നിന്റെ പഠിത്തം ഞാൻ ഒരുപാട് കണ്ടതല്ലേ… ഇത്തവണ നിന്നെ പഠിപ്പിച്ചു പാസ് ആക്കുമെന്ന് ആനി എനിക്ക് വാക്ക് തന്നതാ… അതാണ് എന്റെ ഏക സമാധാനം. "

അതും പറഞ്ഞ് അമ്മ വനജ മുറിവിട്ട് പോയി.

ശെനിയാഴ്ച്ച ദിവസം.

ഇന്നല്ലെ സോഫി ടീച്ചർ വീട്ടിലേക്ക് വരാൻ പറഞ്ഞത്, പെട്ടന്നാണ് അവന്നത് ഓർമ്മ വന്നത്. ഉടനെ തന്നെ കാണാൻ കുഴപ്പമില്ലാത്ത ഒരു ടീ ഷർട്ടും, പാന്റും ധരിച്ചു. മുടിയൊക്കെ ചീകി മിനുക്കി സോഫി ടീച്ചറുടെ വീട്ടിലേക്ക് ചെന്നു. വലിയ നല്ല ഒന്നാന്തരം വീട്. മുൻവശത്തെ കതക് അടച്ചിട്ടിരിക്കുകയാണ്. വിധു കോളിങ് ബെൽ അടിച്ച് കാത്തിരുന്നു. അതികം താമസിയാതെ ടീച്ചർ വന്ന് വാതിൽ തുറന്നു. ഒരു നീല