Chapter Title : ആനിയുടെ പുതിയ ജോലി 5 [ടോണി]

അവർ തിരിച്ചും അങ്ങനെ ചെയ്യുമെന്ന്..' ആനി ഒരു കള്ളച്ചിരിയോടെ ചിന്തിച്ചു..

വർക്സ് പൂർത്തിയായതിൽ മാനേജർ രാജേഷും സന്തോഷവാനായിരുന്നു. ആനിയെയും ടീമിനെയും അയാൾ വിളിച്ച് അഭിനന്ദിക്കുകയും ചെയ്തു.

അന്നത്തെ മീറ്റിംഗ് കഴിഞ്ഞ് കോൺഫറൻസ് റൂമിൽ നിന്ന് പുറത്തിറങ്ങിയപ്പോൾ മൂവരും കൂടി ഓടി ആനിയുടെ ചുറ്റും എത്തി..

"വെരി ഗുഡ്‌, ബോയ്സ്! നൗ ഐയാം പ്രൌട് ഓഫ് യൂ ത്രീ.." ആനി മൂന്നുപേരോടുമായി പുഞ്ചിരിച്ചുകൊണ്ട് പറഞ്ഞു.

"താങ്ക്സ് ആനി മാഡം.. ഇനി ഞങ്ങളോട് പ്രോമിസ് ചെയ്തപോലെ ആ ഹഗ് താ.. രണ്ടു ദിവസം ഇവിടെ പട്ടിയെപ്പോലെ കിടന്ന് പണിയെടുത്തതാ ഞങ്ങൾ.." ടോണി ഒരു യാചനാഭാവത്തിൽ പറഞ്ഞു.

'ഇവന്മാർ ഇത്ര കഠിനാധ്വാനം ചെയ്തതിൽ അതിശയിക്കാനില്ല.. ഇപ്പോഴും മനസ്സിൽ ഇത് തന്നെയല്ലേ.. കുരങ്ങന്മാർ..' ആനി ഒരു നെടുവീർപ്പിട്ടു..

"ഹ്മ്മ്.. എന്തായാലും നൈസ് വർക്ക്‌. പക്ഷെ ഇപ്പൊ തന്നെ നിങ്ങളെ ഹഗ് ചെയ്യണമെന്നുണ്ടോ.. പിന്നെ പോരേ?" ആനി ഒരു കുസൃതി ചിരിയോടെ ചോദിച്ചു.

"പ്ലീസ് ആനിച്ചേച്ചീ.. ഞങ്ങൾക്ക് വാക്ക് തന്നതല്ലേ.." റെമോ പതിവിലും വിപരീതമായി മുന്നോട്ട് കയറിക്കൊണ്ട് പറഞ്ഞു.

"ഓഹോ.. ഹഗ് കിട്ടുമെന്നായപ്പോൾ മാഡം മാറി വീണ്ടും ചേച്ചിയായോ ഞാൻ?" ആനി റെമോയെ നോക്കി ഒരു കണ്ണിറുക്കിക്കൊണ്ട് ചോദിച്ചു.

"ഇവിടിപ്പൊ നമ്മളല്ലാതെ വേറെ ആരും അടുത്തില്ലല്ലോ. വേഗം ഹഗ് താ ചേച്ചീ.." ടോണി വീണ്ടും കെഞ്ചി..

"എന്നാലും ഇവിടേക്ക് ആർക്കും എപ്പൊ വേണേലും കയറി വരാം. അതുകൊണ്ട് എനിക്കൊരു ടെൻഷൻ.. ഒന്നുമില്ലേലും ഞാൻ നിങ്ങളുടെ സീനിയർ അല്ലേ.." ആനി മടിയോടെ പറഞ്ഞു.

"നമ്മൾടെ ക്യാബിനിനുള്ളിൽ എന്താണ് സംഭവിക്കുന്നതെന്ന് അവരെങ്ങനെ അറിയാനാ ചേച്ചീ.. പ്ലീസ്.." രമേഷും വിട്ടുകൊടുത്തില്ല.

അവരുടെ റൂമിനുള്ളിലേക്ക് പുറത്ത് നിന്ന് ആർക്കും കാണാൻ കഴിയില്ലെന്നത് ശരിയാണ്. മങ്ങിയ ഒരു ഗ്ലാസ്‌ ഡോർ ആയിരുന്നു അവിടെ ഉണ്ടായിരുന്നത്. പക്ഷേ അപ്പോഴും അതിനടുത്തുകൂടി നടന്നു പോകുന്ന ആരെങ്കിലും ചിലപ്പോ ശബ്ദം കേട്ട് അങ്ങോട്ട് നോക്കിയേക്കാമെന്ന് ആനിയ്ക്ക് ഭയമുണ്ടായിരുന്നു.

എന്തായാലും മൂന്നു പേരും താൻ ഡിമാൻഡ് ചെയ്ത പോലെ എല്ലാ ജോലികളും പൂർത്തിയാക്കിയതാണ്. അതിനുള്ള പ്രതിഫലവും താൻ തന്നെയാണ് വാഗ്ദാനം ചെയ്തത്. ഇനിയിപ്പോ അതങ്ങു കൊടുത്തേക്കാമെന്ന് ആനിയ്ക്ക് തോന്നി.