Chapter Title : ആഫ്രിക്കൻ ടെറർ

എഴുന്നേൽക്കാൻ ശ്രമിക്കുകയായിരുന്നു. സ്ത്രീ വന്നു അവളെ പിടിച്ചു താങ്ങി പുറത്തേക്കു കൊണ്ടുപോയി. ബാത്ത്റൂമിൽ ചൂടുവെള്ളം ഉണ്ട് എന്ന് പറഞ്ഞു ആ സ്ത്രീ പുറത്തേക്കു പോയി. അഞ്ജലി കുറെ നേരം ജനലിൽ കൂടി പുറത്തേക്കു നോക്കി നിന്നു, അവളുടെ കണ്ണുകൾ കണ്ണീർ പൊഴിച്ചു.

അടുത്ത ദിവസം രാവിലെ പ്രായമുള്ള സ്ത്രീ വന്ന് അഞ്ജലിയോട് അവിടുന്നു പുറപ്പെടാൻ പറഞ്ഞു. ഒരു മിലിട്ടറി വാനിൽ ആയിരുന്നു യാത്ര. അഞ്ജലിയും ജനറലും വേറെ രണ്ടു പട്ടാളക്കാരും അതിൽ ഒരാളാണ് വണ്ടി ഓടിക്കുന്നത്. രണ്ടു മണിക്കൂറോളം യാത്രചെയ്തു ഗാംബിയയുടെ ഏതോ ഉൾപ്രദേശത്താണ് അവരിപ്പോൾ, മെയിൻ റോഡിൽ നിന്ന് തിരിഞ്ഞ് ഒരു ചെമ്മണ്‍ പാതയിലൂടെ കുറെ ചെന്നപ്പോൾ മിലിട്ടറി ക്യാമ്പ് എന്ന് തോന്നിക്കുന്ന സ്ഥലം കണ്ടു കുറച്ചു വണ്ടികളും മറ്റും കിടപ്പുണ്ട്. കെട്ടിടങ്ങളും ഉണ്ട്. ജനറലിന്റെ വണ്ടി കണ്ടപ്പോൾ പട്ടാളക്കാർ സല്യൂട്ട് ചെയ്യുന്നുണ്ട്.ക്യാമ്പിന് ഒത്ത നടുക്കായി കോട്ട പോലെ ഒരു വലീയ കെട്ടിടം കണ്ടു. വണ്ടി നിന്നു എല്ലാവരും ഇറങ്ങി പട്ടാളക്കാർ അഞ്ജലിയുടെ പെട്ടികളും എടുത്തു അകത്ത് അഞ്ചാറു നീഗ്രോകൾ ഉണ്ടായിരുന്നു, 3 സ്ത്രീകളും 3 പുരുഷന്മാരും. ജനറൽ അഞ്ജലിയോടായി പറഞ്ഞു ഇനി മുതൽ നീ ഇവിടെ ആണ് നില്ക്കേണ്ടത്, രക്ഷപെടാൻ ശ്രമിച്ചാൽ അവനെ ഞാൻ വെച്ചേക്കില്ല. രണ്ടു നീഗ്രോ പെണ്ണുങ്ങൾ വന്ന് അഞ്ജലിയെ അകത്തോട്ടു കൊണ്ടുപോയി ആ കെട്ടിടത്തിനു രണ്ടു നിലയും അടിയിൽ ഒരു നിലയും ആണ് ഉള്ളത്. അഞ്ജലിയെ അവർ അണ്ടർ ഗ്രൌണ്ടിലെക്കാണ് കൊണ്ടുപോയത്. പടികൾ ഇറങ്ങി ഒരു കോറിഡോറിലൂടെ കുറെ നടന്നു രണ്ടു ഡോർ പിന്നിട്ട് മൂനാമത്തെതിന്റെ മുന്നിലെത്തി. വലിയൊരു ഇരുമ്പ് വാതിൽ ആയിരുന്നു, അത് തുറന്ന് അഞ്ജലിയെ അകത്തേക്ക് കെയറ്റി. അകത്തു 4 സ്ത്രീകൾ ഉണ്ടായിരുന്നു എല്ലാവരും പെട്ടെന്ന് ചാടി എഴുന്നേറ്റു. ഒരാൾക്ക്‌ മലയാളി മുഖച്ഛായ, 2 പേര് വെളുത്ത വർഗ്ഗക്കാരാണ്, ഒരാൾക്ക് ജപ്പാൻകാരിയാണെന്ന് തോന്നും. ഒരു കട്ടിൽ കാണിച്ചിട്ട് അത് ഉപയോഗിച്ചോളാൻ നീഗ്രോ പെണ്ണ് പറഞ്ഞിട്ടു അവർ പുറത്തേക്കു പോയി.

വലിയൊരു ഹാളായിരുന്നു അത് മലയാളി ആണെന്ന് തോന്നിക്കുന്ന പെണ്ണ് അഞ്ജലിയുടെ അടുത്തേക്ക് വന്നു ചോദിച്ചു

മലയാളി ആണോ?

അതെ