Chapter Title : ആരതി 14 [സാത്താൻ]

സൂസൻ ആണ് വിളിച്ചത് അവൾ നല്ലതുപോലെ ഭയപ്പെട്ടതുപോലെ. തിരിച്ചു വിളിച്ചിട്ട് ഒട്ട് കിട്ടുന്നതുമില്ല.

താൻ ഫോണിൽ കേട്ടത് മുഴുവനും പറഞ്ഞില്ല എങ്കിലും അവൻ അവളെ ഏകദേശം കാര്യങ്ങൾ ധരിപ്പിച്ചിരുന്നു.

ആരതി : നീ ടെൻഷൻ ആവണ്ട കുഴപ്പമൊന്നും സംഭവിക്കില്ല. നീ വണ്ടി വേഗം വീട്ടിലേക്ക് വിട്.

അവളുടെ ഉള്ളിലും ഭയം നിഴലിക്കുന്നുണ്ടായിരുന്നു എങ്കിലും അത് പുറമെ കാണിക്കാതെ തന്നെ അവൾ അവനോടായി പറഞ്ഞു.

വീട്ടിലേക്ക് വണ്ടി പായിക്കുന്നതിനിടയിൽ തന്നെ അവൻ സൂസനെ പലതവണ വിളിച്ചു നോക്കിയിരുന്നു എങ്കിലും ഫോൺ കണക്ട് ആവുന്നുണ്ടായിരുന്നില്ല. അത് അവന്റെ ഭയത്തെ ഒന്നുകൂടി കൂട്ടി.

ഏകദേശം 3 മണിക്കൂർ സമയമെടുത്താണ് ഇരുവരും വീട്ടിലേക്ക് എത്തിയത്. മതിലിന്റെ ഉള്ളിലേക്ക് വണ്ടി കയറിയ ഉടനെ തന്നെ തന്റെ ഉള്ളിൽ നിറഞ്ഞു നിൽക്കുന്ന ഭയത്തോട് കൂടെ തന്നെ അവൻ വണ്ടിയിൽ നിന്നും ചാടി ഇറങ്ങി വീടിന്റെ അകത്തേക്ക് ഓടി.

"പൊന്നൂ...... പൊന്നൂ..... "

അവൻ ആ വീടിനകത്തു മുഴുവനും ഉച്ചത്തിൽ അവളെ വിളിച്ചുകൊണ്ടു നടന്നു.

ആരതിയും അകത്തേക്ക് വന്നശേഷം സൂസനെയും ആമി മോളെയും വിളിക്കാൻ തുടങ്ങി പക്ഷെ അവർ രണ്ടാളുടെയും പൊടിപോലും ആ വീട്ടിൽ അവശേഴിച്ചിരുന്നില്ല.

പൊട്ടി തകർന്ന നിലയിൽ സൂസന്റെ ഫോൺ അർജുന് അവരുടെ മുറിക്കകത് നിന്നും ലഭിച്ചിരുന്നു പക്ഷെ അപ്പോഴും അവർക്ക് എന്താണ് സംഭവിച്ചത് എന്ന് മാത്രം അവന് ഒരു എത്തും പിടിയും കിട്ടുന്നുണ്ടായിരുന്നില്ല.

"ആ........... അജൂ.........."

ആകെ തകർന്ന് നിന്നിരുന്ന അർജുൻ തിരികെ സ്വബോധത്തിലേക്ക് എത്തിയത് ആരതിയുടെ ഭയന്നുള്ള നിലവിളി കെട്ടിട്ടായിരുന്നു.

അവൻ ഉടനെ തന്നെ ആ ശബ്ദം കേട്ട ഭാഗത്തേക്ക്‌ ഓടി....

അവൻ നേരെ ചെന്നത് കുട്ടികളുടെ മുറിയിലേക്കായിരുന്നു.

ആ മുറിക്കകത്തെത്തിയ അർജുൻ കാണുന്നത് എന്തോ കണ്ട് ഭയന്നതുപോലെ കണ്ണുകൾ രണ്ടും കൈകൾ കൊണ്ട് മറച്ചുകൊണ്ട് നിലത്തിരിക്കുന്ന ആരതിയെ ആയിരുന്നു.

"ആതി..... എന്താ... എന്തുപറ്റി? "

അവളുടെ ഇരുപ്പ് കണ്ട് എന്തോ പന്തികേട് ഉണ്ടെന്ന് മനസ്സിലായ അവൻ അവളോടായി ചോദിച്ചു.

ഭയന്ന് വിറച്ചിരുന്ന അവൾ അവന്റെ ശബ്ദം കേട്ട ഉടനെ തന്നെ തന്റെ മുഖം പൊത്തി പിടിച്ചിരുന്ന കൈകൾ മാറ്റികൊണ്ട് അവളുടെ കൈ