ആരതി കല്യാണം 11 [അഭിമന്യു]

കണ്ണിരു നിറഞ്ഞു വരുന്നത് ഞാൻ കൃത്യമായി കണ്ടു...! ഇത്രേം നേരം ഞാനീ കാണിച്ച ഷോ മുഴുവനും ഇതിന് വേണ്ടിയായിരുന്നു...! എന്റെ മുന്നിലവൾ വിങ്ങി പൊട്ടുമ്പോ ഒരു വിജയിയെപോലെ എല്ലാവരേം നോക്കി വെളുക്കനെ ചിരിച്ചു...!

"" ആഹ് പിന്നെ ഡോക്ടറെ...! "" പ്രധാനപ്പെട്ടൊരു കാര്യം ഞാൻ വിട്ടുപോയിരുന്നു...! അത് പറയാനെന്ന മട്ടിൽ ഇതെല്ലാം നോക്കിനിന്ന ശ്രുതിയുടെ അടുത്തേക്ക് ചെന്നു...!

"" പണ്ട് ഡോക്ടർടെ തന്ത അറ്റാക്കും വന്ന് നെഞ്ചും പൊത്തി വീണപ്പോ ഹോസ്പിറ്റലിൽ കൊണ്ടോയത് ഞാനും പിന്നെ നാട്ടിലെ രണ്ടുമൂന്ന് പിള്ളാരും കൂടിട്ടാ...! അതിന്റെ നന്നിയെങ്കിലും കാണിക്കായിരുന്നു...! "" ഈ ശ്രുതിടെ തന്തക്ക് സ്വന്തായിട്ട് കുറെ മരമില്ലോക്കെയുണ്ട്...! അതുകൊണ്ട് നാട്ടുകാരെല്ലാരും അയാളെ മരപ്പട്ടി ഗണേശൻ ന്നാണ് വിളിക്കാറ്...! പോരാത്തേന് അങ്ങേര് ആരതിടെ അച്ചാച്ചന്റെ ചേട്ടന്റെയോ അനിയന്റെയോ അങ്ങനാർടോ മോനുംകൂടിയാണ്...!

പണ്ടൊരു ദിവസം കൂട്ടുകാരന്റെ കൂടെ അവള്ടെ തന്തേടെ മില്ലിൽ പോയപ്പോ ഒരു ആൾക്കൂട്ടം...! അടുത്ത് ചെന്ന് നോക്കുമ്പഴാണ് നെഞ്ചും പൊത്തി കിടക്കുന്ന ഇവൾടെ തന്തയെ കാണുന്നത്...! പിന്നെ അങ്ങേരേം വാരി ഹോസ്പിറ്റലിലേക്ക് ഒരു പോക്കായിരുന്നു...! പക്ഷെ ഇപ്പൊ വേണ്ടായിരുന്നൂന്ന് തോന്നണു...!

എന്തായാലും ഞാൻ ശ്രുതിയെ കൊള്ളിച്ഛ് പറഞ്ഞത് അവൾക്ക് കൊള്ളണ്ടപോലെ കൊണ്ടു...! കാരണം അവള്ടെ കണ്ണും നിറഞ്ഞു വരുന്നുണ്ട്...! മതി...! ഇത്രേം മതി...! ഞാൻ കൃതാർത്താനായി...!

ഇനിയും എന്തൊക്കെയോ പറയണംന്ന് ഞാൻ വിചാരിച്ചതാ...! പക്ഷെ മറന്നുപോയി...! ആ സ്ഥിതിക്ക് പിന്നവടെ നിന്നിട്ട് കാര്യല്ലല്ലോ...! അതോണ്ട് ആ റൂമിൽ നിന്ന എല്ലാവരേം നോക്കി തൊണ്ണൂറെ തൊണ്ണുറ്റിപത്തിലൊരു ചിരിയും ചിരിച്ച് ഞാൻ ഡോറു ലക്ഷ്യമാക്കി നീങ്ങി...! അപ്പഴും തേങ്ങിക്കൊണ്ടിരിക്കുന്ന ആരതിയെ നോക്കാനും ഞാൻ മറന്നില്ല...!

പോണേനു മുന്നേ അണ്ടി പോയ അണ്ണാന്റെ ആ അണ്ടിയെടുത്ത് വായെലിട്ട് നിക്കണ ആദർശിനെ പുച്ഛത്തോടെ ഒന്ന് നോക്കി ഞാൻ വാതില് തുറന്നു...!

ഒരു കാര്യോം കൂടി പറഞ്ഞിട്ട് പോവാം...!

"" പിന്നെ ആ പെണ്ണിനെ ചികിൽസിക്കാൻ കാശ് വല്ലോം വേണെങ്കി പറഞ്ഞ മതി...! "" കൈയില് അഞ്ചിന്റെ പൈസ ഇല്ലെങ്കിലും അഹങ്കാരത്തിനൊരു കുറവും ഇല്ലാത്ത ഞാൻ വലിയ ആളെപ്പോലെ പറഞ്ഞ് ഇറങ്ങി നടന്നതും,

"" അളിയ നിക്കട...! ഞാൻ പറയണതൊന്ന് കേക്ക്...! "" ആദർശ് കെഞ്ചി പറഞ്ഞെങ്കിലും ഞാൻ കേട്ട ഭാവം നടിച്ചില്ല...! എന്നാൽ ഞാനിറങ്ങിയ പിന്നാലെ അവനും ഇറങ്ങിയിരുന്നു...! ശേഷം നടന്നു നീങ്ങിക്കൊണ്ടിരുന്ന എന്റെ മുന്നിലേക്ക് കേറി നിന്നു...!

"" എടാ എനിക്കൊന്നും അറിയില്ലാർന്നട...! വണ്ടിയൊടിച്ചോണ്ടിരിക്കുമ്പോ കല്യാണിടെ വായേന്ന് ചോരവരുന്നൂന്നും പിന്നെ ഐ സി യൂ വില് കേറ്റി അവര് ct സ്കാനിങ് ചെയ്യാണൊന്നുമൊക്കെ പറഞ്ഞപ്പോ ഞാൻ എല്ലാം വിശ്വസിച്ച് പോയി...! "" ഒരു നിരപരാതിയെ പോലെ അവനെന്റെ മുന്നിൽ കെഞ്ചിയപ്പോ എനിക്കും അതിലെന്തോ ശെരിയുണ്ടെന്ന് തോന്നി...! ആ തന്തയില്ലാത്തവള് ഇവനേ ഇറക്കി കളിച്ചതാവും...! എന്നാലും അവൻ പറഞ്ഞത് കെട്ട് നീട്ടിയൊന്ന് മൂളിയതല്ലാതെ ഞാനൊന്നും പറഞ്ഞില്ല...! ശേഷം പുറത്തോട്ട് ലക്ഷ്യം വച്ച് നടന്നു...!

ആരതിടെ പ്ലാൻ പൊളിച്ചെടുത്ത സന്തോഷത്തിലായിരുന്നു ഞാൻ...! എന്നാലും അവള് എന്നെ അത്രേം വലിയൊരു പൊട്ടനായിട്ടാണോ കണ്ടേ...? ഈ ശ്രുതീന്ന് പറയണ