Chapter Title : ആരതി കല്യാണം 12 [അഭിമന്യു]

വന്നേനെ അവിടെനിന്നും പുറത്തേക്ക് കൊണ്ടുപോവുന്നത്...!

വഴിയിലെ തടസങ്ങളെ വെട്ടിമാറ്റുന്നത്കണക്കെ അവന്മാരെല്ലാവരേം തട്ടിമാറ്റി എന്നേംകൊണ്ട് മുന്നോട്ട് നടന്നു...!

അവിടുന്ന് ഞങ്ങള് നേരെ ചെന്നത് യദുവിന്റെ വീട്ടിലേക്കായിരുന്നു...! എന്നെ സമാധാനിപ്പിക്കാൻ അവര് കൊറേ മെനകെട്ടെങ്കിലും അതിലുവലിയ കാര്യമുണ്ടായില്ല...! കാരണം എന്റെയുള്ളിൽ ആരതിയോട് കെഞ്ചുന്ന അമ്മയുടെ രൂപം മാത്രമായിരുന്നു...!

അധികം താമസിക്കാതെ ഓഫീസിനുള്ളിൽ നടന്നതെല്ലാം ഞാൻ അവന്മാരോട് പറഞ്ഞു...! പ്രേത്യേകിച്ച് ആ വീഡിയോയുടെ കാര്യം...!

"" അതിന് നമ്മള് അവള്ടെ വീട്ടിക്കേറിയത് ഏകദെശൊരു ഒന്നരയോക്കാവുമ്പഴല്ലേ...? "" വലിയ കാര്യായി ചിന്തിച്ച ശേഷം അജയ്യ് അവന് തോന്നിയത് ചോദിച്ചതിന്,

"" പൊന്നൂമൈരേ ആരാണാ ഹെൽമെറ്റിട്ടവൻന്ന് ചോയ്ക്കാണെന് പകരം നീയിതാണോ ചോയ്ക്കണേ...? "" അജയ്യേ പതിവുപോലെ യദുവൊന്ന് കൊട്ടി...!

"" ഇതവര് പ്ലാൻ ചെയ്തത് തന്നെയാണ്...! അല്ലാതെ നിന്നെ സ്റ്റാഫ്റൂമിൽക്ക് വിളിക്കണെന്നു മുന്നേ വീട്ടിലേക്ക് വിളിച്ച് പറയാൻ നിക്കോ...? "" ഹരിയുടെ അതെ ചോദ്യം തന്നെയാണെനിക്കും ചോദിക്കാനുണ്ടായിരുന്നത്...! ശേഷം അവൻ തുടർന്നു,

"" അറിയിക്കണ്ടതൊക്കെ അവര് ഇന്നലെ അല്ലങ്കി ഇന്ന് രാവിലെ നേരത്തെ തന്നെ അറിയിച്ചട്ടുണ്ടാവണം...! എല്ലാങ്കൂട്ടി നോക്കുമ്പോ അങ്ങനെത്തന്നെയാണെനിക്ക് തോന്നണേ...! ""

"" നീ ടെൻഷനാവണ്ട...! ഇത് ചെയ്തതേത് നായിന്റെമോനാണേലും അവനെ നമ്മള് പൊക്കിയിരിക്കും...! "" തളർന്നിരുന്നിരുന്ന എന്റെ തോളിൽ കൈവച്ച് യദു അത് പറഞ്ഞപ്പോ മനസ്സിൽ ചെറിയൊരാശ്വാസം എനിക്ക് തോന്നാതിരുന്നില്ല...!

അന്ന് അവിടന്ന് വീട്ടിപോവുമ്പോ അമ്മയേം ചേച്ചിയേം എങ്ങനെ ഫെയ്സുചെയ്യും എന്നാലോയ്ച്ഛ് എനിക്കൊരു സമാധാനോം ഇല്ലായിരുന്നു...! എല്ലാമറിഞ്ഞാൽ അച്ഛനെങ്ങനെ പ്രതികരിക്കും...? അറിയില്ല...!

വീട്ടിലെത്തുമ്പോ ഞാൻ മനസ്സിൽ വിചാരിച്ചത് പോലെത്തന്നെയായിരുന്നു കാര്യങ്ങൾ...! ഞാൻ എത്തുന്നതുവരെ വീട്ടിലുണ്ടായിരുന്ന ചേച്ചി ഇറങ്ങാൻ നിന്നതും അമ്മ,

"" നീ പോവല്ലേ...! എനിക്ക് ഇവന്റുടെ ഒറ്റക്ക് നിക്കാൻ പേടിയാ...! "" ന്ന് പറഞ്ഞത് കെട്ട് ആ നിമിഷം ഞാൻ അനുഭവിച്ചൊരു അവസ്ഥയുണ്ട്...! എന്നെ പച്ചക്ക് പെട്രോളോഴിച്ഛ് കത്തിച്ചാപോലും ഇത്രേം വേദനയുണ്ടാവില്ല...! അതിനുപുറമേ നെഞ്ചിലാരോ കല്ല് കേറ്റിവച്ചപ്പോലുള്ളൊരു കനവും...!

അന്ന് ശെരിക്കും നടന്നതുപോലും അവരോട് പറയാൻപറ്റാത്തൊരവസ്ഥയായിരുന്നു എനിക്ക്...!

അന്ന് രാത്രി ഭക്ഷണൊന്നും കഴിക്കാതെ കേറി കിടന്നു...! എന്തേലും കഴിക്കണത് അലോയ്ക്കുമ്പോതന്നെ ശർദ്ധിക്കാൻ വരുന്നത് പോലെ...! ഇങ്ങനൊരു അനുഭവം ഇതാദ്യായിട്ടാണ്...!

പിറ്റേന്ന് കോളേജിൽ