Chapter Title : ആർദ്രയുടെ മൂന്നാർ യാത്ര 6 [Anurag]

കാറിന്റെ അടുത്തുണ്ട്.. ദേ.." അർജുൻ അവരെ ചൂണ്ടിക്കാണിച്ച് പല്ലവിയോട് പറഞ്ഞു.

"ഹാ വന്നോ.. എടാ.. ധീരജ് നമ്മുടെ  വഴിക്കാണ്.. നമുക്ക് ഇവരെ ഫോളോ ചെയ്യാം.. എന്നിട്ട് വ്യൂ പോയിന്റ്സ് ഒക്കെ കണ്ട് ആ വഴി വീട്ടിലേക്ക് പോകാം.." അനുരാഗ് അർജുനോട് പറഞ്ഞു. "നീ വണ്ടി എടുത്തോ.." അനുരാഗ് അർജുനോട് പറഞ്ഞു. അർജുൻ വണ്ടിയെടുക്കാൻ പോയി. ആർദ്ര ധീരജിനെ മോഹത്തോടെ നോക്കി, അതിൽ മയങ്ങി അവൻ അവിടെ സ്തംഭിച്ചു നിന്നു. "പോയി വണ്ടിയെടുക്കെടാ.. അടുത്ത സ്ഥലത്തുവെച്ചു കാണാലോ അവരെ.." പല്ലവി അവനെ തള്ളി വണ്ടിയിൽ കയറ്റി ആർദ്രയോട് അവിടെ വച്ച് കാണാം എന്ന് ആംഗ്യം കാണിച്ചു. ആർദ്രയും അനുരാഗും കാറിൽ കയറി.

"ചേട്ടാ.. ചേച്ചിക്ക് എന്തോ ചെറിയ ഇളക്കം ഉണ്ട് കേട്ടോ.." അർജുൻ അനുരാഗിനോട് പറഞ്ഞു. "എന്ത് ഇളക്കം.." അവൻ ചോദിച്ചു. "അല്ലാ.. പല്ലവി ചേച്ചിയും ധീരജേട്ടനും വന്നതിൽ പിന്നെ നമ്മളെ ഒന്നും വലിയ മൈൻഡ് ഇല്ല.." അവൻ പറഞ്ഞു. "നീ നേരെ നോക്കി വണ്ടി ഓടിക്ക്.. നല്ലത് കിട്ടും എന്റെ കയ്യിൽ നിന്ന്.." ആർദ്ര ദേഷ്യപ്പെട്ട് പറഞ്ഞു. "ടാ.. നല്ല പെൺപിള്ളേരെ കണ്ടാൽ നമ്മൾ നോക്കില്ലേ.. പിന്നെ ചേച്ചിക്കെന്താ നല്ലൊരു ആണിനെ നോക്കിയാൽ..." അനുരാഗ് പറഞ്ഞു.

"ഓഹോ.. അപ്പൊ ചേട്ടനും ചേച്ചിടെ സൈഡ് ആണോ.." കാർത്തിക് ചോദിച്ചു. "ഞാൻ എന്നും അവളുടെ സൈഡ് ആണ്.. അവള് കഴിഞ്ഞിട്ടേ എനിക്കാരും ഉള്ളൂ.. പിന്നെ അവൾ ആരെ വായ്നോക്കിയാലും.. എന്നെ കഴിഞ്ഞിട്ടേ അവൾക്കും ആരും ഉള്ളൂ.. നിനക്കൊക്കെ അങ്ങനെ ഒരു പെണ്ണിനെ കിട്ടട്ടെ അപ്പൊ മനസ്സിലാവും.." അനുരാഗ് പറഞ്ഞു. "കേട്ടല്ലോ.. സമാധാനമായോ ചെക്കന്മാരെ.." അവൾ അവരെ ശാസിച്ചു.. "സോറി ചേച്ചി അസൂയകൊണ്ട് പറഞ്ഞതാ.." അർജുൻ പറഞ്ഞു. "ഇന്നത്തെ ദിവസം കഴിഞ്ഞാൽ അവരെ കാണുമോ എന്ന് പോലും അറിയില്ല, അപ്പോഴാ നിനക്കൊക്കെ.." ആർദ്ര പരിഭവിച്ചു.

കുറച്ചുനേരം ആരും മിണ്ടിയില്ല. അതുകഴിഞ്ഞു അനുരാഗ് സംസാരിച്ചു തുടങ്ങി.. "നീ വിഷമിക്കേണ്ട.. ഒരു കാര്യം ചെയ്യാം, അവർ എത്ര ദിവസം മൂന്നാർ ഉണ്ടെന്ന് ചോദിക്കാം.. എന്നിട്ട് നമുക്ക് നാളെയോ മറ്റോ വീണ്ടും കാണാലോ.. നമ്മൾ എന്തായാലും രണ്ടുമൂന്ന്