Chapter Title : ആരോഹി [ ne-na ]

ബോക്സ് എടുത്തു അവളുടെ നേരെ നീട്ടി.

"നിനക്ക് ഞാൻ ഗിഫ്റ് വാങ്ങാതിരിക്കുമോടി കൊരങ്ങി."

ആരോഹിയുടെ മുഖം സന്തോഷം കൊണ്ട് നിറഞ്ഞു. അവൾ പെട്ടെന്ന് തന്നെ എന്റെ കൈയിൽ നിന്നും ബോക്സ് പിടിച്ച് വാങ്ങി തുറന്നു നോക്കി.

ഒരു ഡയമണ്ട് മോതിരം ആയിരുന്നു അതിൽ ഉണ്ടായിരുന്നത്. എനിക്ക് കിട്ടുന്ന സാലറിയിൽ പൈസ ഒന്നും വീട്ടിൽ കൊടുക്കേണ്ട ആവിശ്യം ഉണ്ടായിരുന്നില്ല. അതിനാൽ തന്നെ ഒരുവിധം സേവിങ്സ് എനിക്ക് ഉണ്ടായിരുന്നു. ആരോഹിക്ക് ആദ്യമായി ഒരു ഗിഫ്റ് കൊടുക്കുമ്പോൾ അത് ഇത്തിരി സ്പെഷ്യൽ ആയിരിക്കണം എന്ന് എനിക്കുണ്ടായിരുന്നു.

ഞാൻ ആരോഹിയുടെ മുഖത്തേക്ക് നോക്കി. അവളെ ഇത്രയും സന്തോഷവതിയായി ഞാൻ ഇതിനു മുൻപ് കണ്ടിട്ടില്ല.

ആരോഹി പെട്ടെന്ന് അവളുടെ വിരലിൽ കിടന്നിരുന്ന മോതിരം ഊരി ബാഗിലേക്ക് ഇട്ടു.

"ഏയ്.. നീ എന്തിനാ ആ മോതിരം ഊരി മാറ്റിയത്. ഞാൻ തന്നത് മറ്റേതെങ്കിലും വിരലിൽ ഇട്ടാൽ പോരായിരുന്നോ?"

"വേണ്ട.. എന്റെ കൈയിൽ ഇനി നീ തന്ന മോതിരം മാത്രം മതി. അത് ജീവിത കാലം മൊത്തം എന്റെ വിരലിൽ കാണും."

അവൾ ഡയമണ്ട് റിങ് എന്റെ നേരെ നീട്ടി.

"നീ തന്നെ ഇട്ട് താ."

ഒരു പുഞ്ചിരിയോടെ ഞാൻ അവളുടെ കൈയിൽ നിന്നും മോതിരം വാങ്ങി വിരലിലേക്ക് ഇട്ട് കൊടുത്തു.

അവൾ ബൈക്കിന്റെ പിന്നിലേക്ക് കയറി ഇരുന്നപ്പോൾ ഞാൻ പറഞ്ഞു.

"ആദ്യായിട്ടാണ് ഞാൻ ഒരാൾക്ക് ഇത്രയും വിലയുള്ള ഗിഫ്റ് കൊടുക്കുന്നത്."

"കുഴപ്പമില്ല..ഞാൻ ബാക്കി ഉള്ളവരെ പോലെ അല്ലല്ലോ നിനക്ക്.. ഇത്തിരി സ്പഷ്യൽ അല്ലെ ഞാൻ."

ആരോഹി എന്നിലേക്ക് അമർന്നിരുന്നു.

അന്ന് വൈകുന്നേരം മറൈൻ ഡ്രൈവിൽ കൂടി നടക്കുമ്പോൾ ആരോഹി ഒരു ചിരിയോടെ എന്നോട് ചോദിച്ചു.

"ഇന്ന് രേഷ്മ നിന്നെ കൊന്നില്ലന്നല്ലേ ഉള്ളു.. അല്ലെ?"

രാവിലെ ഓഫീസിൽ നടന്ന രംഗങ്ങൾ എന്റെ മനസിലേക്കെത്തി.

ആരോഹിയോട് എന്തോ സംസാരിക്കാനായി രേഷ്മ വന്നപ്പോഴാണ് അവളുടെ കൈയിൽ കിടക്കുന്ന ഡയമണ്ട് റിങ് കാണുന്നത്. അതിലേക്ക് നോക്കി കൊണ്ട് രേഷ്മ ചോദിച്ചു.

"ഇത് കൊള്ളാലോ. എന്ന് വാങ്ങി ഇത്?"

"ഇത് ഇന്ന് എനിക്ക് ബർത്ത് ഡേ ഗിഫ്റ് കിട്ടിയതാ."

"ബർത്ത് ഡേ ഗിഫ്റ് ഡയമണ്ട്