Chapter Title : ആരോഹി [ ne-na ]

ചിരി വിടർന്നു.

"നീയും ഒരു കോഴി ആണല്ലോ.."

അവളത് പറഞ്ഞു തീർന്നതും എന്റെ വിരലുകൾ അവളുടെ ഇടുപ്പിൽ ആഴ്ന്നു.

അവൾ എന്റെ കൈയിൽ ഇരിക്കെ പിടിച്ചു.

"ഡാ.. നുള്ളാതെ, എനിക്ക് വേദനിക്കുന്നു."

ഞാൻ കൈ പിൻവലിച്ചപ്പോൾ അവൾ ഇടുപ്പ് തടവി കൊണ്ട് പറഞ്ഞു.

"അവിടത്തെ തൊലി പോയെന്ന തോന്നുന്നേ."

ഞാൻ ബെഞ്ചിലേക്ക് ചാരി ഇരുന്നു.

"ഡി.. നീ ഇതുവരെ ആരെയും പ്രണയിച്ചിട്ടില്ലേ?"

അവൾ എന്നെ ഒന്ന് നോക്കി.

"എന്താ ഇപ്പോൾ ഇങ്ങനെ ഒരു ചോദ്യം?"

"പ്രണയത്തെ കുറിച്ച് ഒരു സ്റ്റോറി നീ ഇതുവരെ പറഞ്ഞിട്ടില്ലല്ലോ. പ്രണയത്തിന്റെ മഞ്ഞു കണങ്ങൾ മനസ്സിൽ വീഴാത്തവരായി ആരും കാണില്ല എന്നാണല്ലോ പറയാറ്."

അവൾ എന്റെ തോളിലേക്ക് തല ചേർത്തിരുന്നു.

"ഒരുത്തനോട് ഇഷ്ടമൊക്കെ തോന്നിയിട്ടുണ്ട്. കോളേജിൽ പഠിക്കുമ്പോൾ ഒരുത്തൻ കുറെ കാലം പിറകെ നടന്നു. ഒരു പവൻ... ആദ്യമൊക്കെ ഒഴുവാക്കാൻ ശ്രമിച്ചു. പിടാതെ പിറകെ വന്നപ്പോൾ ഒരിഷ്ടം തോന്നി."

"എന്നിട്ട്?"

അവളുടെ മുഖത്ത് ഒരു നിസ്സംഗത പടർന്നു.

"എന്നിട്ടെന്താ.. കുറച്ച് നാൾ പ്രണയിച്ച് നടന്നപ്പോൾ അവനു ഞാൻ ഉമ്മ കൊടുക്കണം, എന്റെ സെക്സി ആയിട്ടുള്ള ഫോട്ടോസ് വേണം. ആദ്യമൊക്കെ പറ്റില്ല എന്ന് പറഞ്ഞ് ഒഴുവാക്കി. പിന്നെയും ചോദ്യങ്ങൾ കൂടി വന്നപ്പോൾ അവനെ തന്നെ ഒഴുവാക്കി."

എന്റെ കൈ അവളുടെ മുടിയുടെ ഒഴുകി.

"എനിക്ക് അവനിൽ നിന്നും കിട്ടിയതിനേക്കാൾ സുരക്ഷിതത്വവും സന്തോഷവും നിന്റെ സൗഹൃദത്തിൽ നിന്നും കിട്ടുന്നുണ്ടെടാ."

അവൾ പെട്ടെന്ന് എന്റെ തോളിൽ നിന്നും തല എടുത്തു മാറ്റി നിവർന്നിരുന്നു.

"നീ എന്താ നിന്റെ പ്രണയം ആ പെണ്ണിനോട് തുറന്ന് പറയാത്തത്?"

"സമയം ഉണ്ടല്ലോ.. പറയാം."

"നീ ഇങ്ങനെ സമയവും നോക്കി ഇരുന്നാൽ അവളെ വേറെ വല്ല ആൺപിള്ളേരും കെട്ടിക്കൊണ്ടു പോകും."

"ഇല്ല.. അവളെ വേറെ ആർക്കും ഞാൻ വിട്ടു കൊടുക്കില്ല."

അവളുടെ നോട്ടം എന്റെ കണ്ണുകളിൽ തറച്ചു.

"അത്രക്ക് സുന്ദരി ആണോ അവൾ.."

ഒരു പുഞ്ചിരിയോടെ ഞാൻ അതെ എന്ന അർഥത്തിൽ മൂളി.

അവൾ കുറച്ച് നേരം എന്തോ ഒന്ന് ആലോചിച്ചു. എന്നിട്ട് എന്നോട് ചോദിച്ചു.

"എന്നെ കാണാൻ എങ്ങനുണ്ട്?'

അത് കേട്ട ഞാൻ