Chapter Title : ആട്ടം [Mausam Khan Moorthy]

ഇത്തരത്തിൽ കണക്കുകൾ ശരിയാക്കാൻ ഞാൻ അവരുടെ ഓഫീസിൽ ഫയലുകളടങ്ങിയ ലാപ്ടോപുമായി ചെല്ലും. ആ ചെല്ലലുകളാണ് എന്നെ ചാന്ദ്നിയുമായി പരിചയത്തിലാക്കിയത്.അവളാ ഓഫീസിൽ ബാംഗ്ലൂരിൽ നിന്നും സ്ഥലം മാറി വന്നതാണ്.അത് മുതൽ നിരവധി മാസങ്ങൾ ഞങ്ങൾ ഒരുമിച്ചിരുന്ന് കണക്കുകൾ നോക്കി,ടാലി ചെയ്തെടുത്തു.

ശമ്പളം കൂട്ടിക്കിട്ടുന്നില്ല എന്ന് പരിഭവിച്ച് ചാന്ദ്നി 'സ്വീറ്റ് ഡ്രീംസ്'വിടുന്നതിന് ഒരു മാസം മുമ്പ്,ഒരു മുപ്പതാം തീയതി പതിവുപോലെ ഞങ്ങൾ കണക്ക് നോക്കാനിരുന്നു.അതൊരു ശനിയാഴ്ചയായിരുന്നു.കോർപറേറ്റ് രംഗത്തെ ഓഫീസുകളിൽ ശനിയാഴ്ച്ച ഒരു ഹോളിഡേ മൂഡായിരിക്കും.പലരും എത്തിയിട്ടുതന്നെ ഉണ്ടാവില്ല.വന്നവരാകട്ടെ ഉച്ചതിരിഞ്ഞ് നേരത്തേ പോവുകയും ചെയ്യും.യൂണിഫോമെല്ലാം ഒഴിവാക്കി കാഷ്വൽ ഡ്രെസ്സിലായിരിക്കും അവർ ഓഫീസിലെത്തിയിട്ടുണ്ടാവുക.'സ്വീറ്റ് ഡ്രീംസി'ലെയും സ്ഥിതി വ്യത്യസ്തമായിരുന്നില്ല.കാബിനുകളെല്ലാം ശൂന്യമായിരുന്നു.ഇരിപ്പിടങ്ങൾ ഒഴിഞ്ഞു കിടന്നു.ഏതാനും പേരെ അവശേഷിച്ചിരുന്നുള്ളൂ.വൈകീട്ട് നാലോടെയാണ് ഞാനവിടെ ചെന്നത്.ഞാൻ ചെന്ന് കുറച്ചു കഴിഞ്ഞപ്പോഴേക്കും അവരും പോയി.ആ വലിയ ഓഫീസിൽ ഞാനും ചാന്ദ്നിയും മാത്രമായി.പുറത്ത് സെക്യൂരിറ്റിക്കാരുണ്ടായിരുന്നു.അവർ ഞങ്ങൾക്ക് കോഫിയും ബിസ്കറ്റുമൊക്കെ കൊണ്ട് വന്നു തന്നു.

രാത്രി ഒരു എട്ടോടെ ഞങ്ങൾ കണക്കുകൾ തയാറാക്കിക്കഴിഞ്ഞു.ഞങ്ങൾ ആശ്വാസത്തോടെ മൂരി നിവർന്ന് എഴുന്നേറ്റു.

"എടാ ഞാനൊന്ന് വാഷ് റൂമിൽ പോയിട്ട് വരാം.നീ വെയ്റ്റ് ചെയ്യ്."-ഇതും പറഞ്ഞ് അവൾ തിരക്കിട്ട് മുകളിലെ നിലയിലേക്ക് പോയി.മൂന്നു നിലയുള്ള ആ കെട്ടിടത്തിന്റെ രണ്ടാമത്തെ നിലയിലായിരുന്നു അക്കൗണ്ട്സ് സെക്ഷനും ,മാർക്കറ്റിങ് വിങും.മൂന്നാം നിലയിലായിരുന്നു വാഷ്‌റൂമുകളും മെസും.

ഞാൻ ലാപ്ടോപ്പ് ബാഗിൽ വെച്ച് 'ഷാമിയാന' റെസ്റ്റോറന്റിൽ വിളിച്ച് രണ്ട് സീറ്റ് ബുക്ക് ചെയ്തു.കണക്കുകൾ നോക്കി തീർന്നാൽ 'ഷാമിയാന'യിൽ പോയി ബിരിയാണി കഴിക്കുക എന്നത് ഞങ്ങളുടെ ഒരു പതിവായിരുന്നു.ഞാനവിടെ വിളിച്ച് ഫോൺ വെച്ചതും അവൾ മടങ്ങിയെത്തി.എന്നാൽ ആ കാഴ്ച കണ്ട് എൻറെ കണ്ണുകൾ മഞ്ഞളിച്ചു....

അവൾ അടിമുടി