Chapter Title : ആട്ടും തോലിട്ട ചെന്നായ 3 [Caraxes]

കഴിഞ്ഞ ദിവസം അയല്പക്കത്തെ വീട്ടിൽ കള്ളൻ കയറി എന്ന് കേട്ടതിനു ശേഷം.”

“ഓഹ്, അതിനെന്താ? ആന്റി പറഞ്ഞാൽ പിന്നെ ഞാൻ നിൽക്കാതിരിക്കുമോ… ഇന്ന് രാത്രി ഫുൾ ഞാൻ ഇവിടെ കാണും”

ഉള്ളിൽ അടക്കാനാവാത്ത സന്തോഷം ഒതുക്കിപ്പിടിച്ചുകൊണ്ട്, പുറത്ത് വലിപ്പമില്ലാത്ത ഒരു പുഞ്ചിരിയോടെ ഞാൻ മറുപടി നൽകി.

അടുക്കളയിലെ പണികളൊക്കെ ഒതുക്കി ഞങ്ങൾ രണ്ടുപേരും ലിവിങ് റൂമിലേക്ക് നടക്കാൻ തുടങ്ങിയപ്പോഴാണ് എന്റെ ഉള്ളിൽ പെട്ടന്നൊരു കാര്യം ഓർമ്മ വന്നത്. ഉച്ചയ്ക്കത്തെ ആ കനത്ത ഉറക്കം കഴിഞ്ഞ് ഞാൻ ഉമ്മറത്ത് വന്ന് ഇരിക്കുമ്പോൾ ആന്റി മുകളിലെ ടെറസിന്റെ അഴയിൽ തുണി വിരിച്ചു കൊണ്ടിരിക്കുകയായിരുന്നു എന്നാണ് പറഞ്ഞിരുന്നത്. അയ്യോ! അപ്പൊ ആ തുണികളൊക്കെ??

“അയ്യോ ആന്റി…!”

ഞാൻ പെട്ടെന്ന് നിന്നു.

“എന്താടാ വിശാലേ?” ആന്റി ആശ്ചര്യത്തോടെ ചോദിച്ചു.

“നേരത്തെ, ഉച്ച സമയത്ത് വിരിച്ചിരുന്ന തുണികളൊക്കെ ടെറസിൽ നിന്നും എടുത്തായിരുന്നോ?”

“അയ്യോ! ഇല്ല! എന്റെ ദൈവമേ… ഞാൻ ആ കാര്യം മറന്നുപോയി. കിച്ചുവിന്റെയും എന്റെയും ഒക്കെ നല്ല തുണികൾ അതിലുണ്ട്. ഈശ്വരാ… ഇപ്പൊ അതെല്ലാം നനഞ്ഞു കുതിർന്നു കാണുമല്ലോ.”

ആന്റി നെറ്റിയിൽ കൈവെച്ചുകൊണ്ട് പരിഭ്രാന്തിയോടെ പറഞ്ഞു.

“ആന്റി പേടിക്കേണ്ട, നമുക്ക് ഇവിടെ നിന്ന് സമയം കളയാതെ വേഗം പോയി അതൊക്കെ ചെന്നെടുക്കാം.”

ഞാൻ അവരെ ആശ്വസിപ്പിച്ചു.

ഞങ്ങൾ രണ്ടുപേരും വേഗം സ്റ്റെപ്പുകൾ കയറി മുകളിലെ ടെറസിലേക്ക് ഓടി. ടെറസിന്റെ വാതിൽ തുറന്നതും കനത്ത മഴയുടെ തണുത്ത കാറ്റ് ഞങ്ങളുടെ മുഖത്തേക്ക് അടിച്ചുകയറി. പുറത്ത് നല്ല ശക്തിയിലാണ് മഴ പെയ്യുന്നത്.

അഴയിൽ കിടക്കുന്ന തുണികളിലേക്ക് നോക്കിയപ്പോൾ അതാകെ നനഞ്ഞു ഒരുപരിവം ആയിക്കഴിഞ്ഞിരുന്നു.

“വിശാലേ… നല്ല