Chapter Title : 💞ആയിരം കണ്ണുമായി 2 [Fang leng]

ലക്ഷ്മി : നിനക്ക് എന്താ ശ്രുതി ഇത്രയൊന്നും ഉണ്ടായത് പോരെ... നീ കംപ്ലയിന്റ് കൊടുത്താൽ ഉടനെ അവനെ ഇവിടുന്ന് പുറത്താക്കും എന്ന് നിനക്ക് തോന്നുണ്ടോ

ശ്രുതി : ആക്കിയില്ലെങ്കിൽ ഞാൻ പോലീസിൽ കംപ്ലയിന്റ് ചെയ്യും...സ്റ്റിക്ക് ഒടിഞ്ഞത്കൊണ്ടാ നിന്നോട് ഒന്നു കൊണ്ടുപോകാൻ പറഞ്ഞെ നിനക്ക് പറ്റില്ലെങ്കിൽ സാരമില്ല ഞാൻ പൊക്കോളാം അല്പം വൈകും എന്നല്ലേ ഉള്ളു സാരമില്ല

ലക്ഷ്മി : അവിടെ ഇരിക്ക്‌ ശ്രുതി... പോലീസ് മണ്ണാങ്കട്ട അവരൊക്കെ കാശുള്ളവരുടെ കൂടെ നിക്കു വയ്യാത്ത അച്ഛനെയും കൊണ്ട് പോലീസ് സ്റ്റേഷനും മറ്റും കയറി ഇറങ്ങാനാണോ നിന്റെ ഉദ്ദേശം ഇനിയിപ്പോൾ അവനെതിരെ എന്തെങ്കിലും നടപടി ഉണ്ടായാൽ അതും മനസ്സിൽ വച്ച് അവൻ വീണ്ടും ഉപദ്രവിക്കും ഇപ്പോൾ തന്നെ കണ്ടില്ലേ.. അല്പം മനസാക്ഷി ഉണ്ടായിരുന്നെങ്കിൽ അവൻ നിന്നെ തള്ളിയിടുവായിരുന്നോ അങ്ങനെയുള്ളവൻ എന്തിനും മടിക്കില്ല...

ശ്രുതി : അപ്പോൾ ഒന്നും ചെയ്യാതിരിക്കണോ... അവൻ ചെയ്തത് നീയും കണ്ടതല്ലേ.. പറ്റാവുന്ന അത്രയും ഞാൻ എല്ലാം സഹിക്കുവല്ലേ...ഇവിടെയുള്ള എല്ലാവരും എന്നെ എങ്ങനെയാ വിളിക്കുന്നെ നൊണ്ടി ശ്രുതി അല്ലേ

ലക്ഷ്മി : ശ്രുതി നീ...

ശ്രുതി : എനിക്ക് അറിയാം..കുഞ്ഞുനാൾ മുതൽ ഞാൻ കേൾക്കുന്നതാ ഇത്... ചെറിയ ക്ലാസ്സിൽ കൂട്ടുകാർ മുഖത്തു നോക്കി വിളിക്കുമായിരുന്നു എന്തിന് പഠിപ്പിക്കുന്ന ടീച്ചർ വരെ പറയുന്നത് ഞാൻ കേട്ടിട്ടുണ്ട്... ക്ലാസ്സിൽ ഒരു നൊണ്ടികൊച്ചുണ്ടെന്ന്... കോളേജിലൊക്കെ ആയപ്പോൾ ആരും മുഖത്ത്‌ നോക്കി വിളിക്കില്ല പക്ഷെ എല്ലാവരും എനിക്കിട്ടേക്കുന്ന പേര് അതാണെന്ന് എനിക്ക് നന്നായി അറിയാം കേട്ടാലും ഞാൻ കേൾക്കാത്തത് പോലെ പോകുന്നതാ... ഇപ്പോൾ വന്നവൻ എന്റെ മുഖത്ത് നോക്കി വിളിച്ചു ഒന്നല്ല ഒരുപാട് തവണ hod യോട് പറഞ്ഞപ്പോൾ സാധരണ കാര്യമല്ലേ എന്ന് എനിക്കിത് അങ്ങനെയല്ല അത് കേൾക്കുമ്പോൾ നെഞ്ച് പൊട്ടുന്ന പോലെയാ തോന്നുന്നെ... ഇപ്പോൾ തന്നെ ഞാൻ എന്ത് ചെയ്തിട്ടാ ഞാൻ എന്റെ നോട്ടല്ലേ ചോദിച്ചേ അതിനാ അവൻ

ശ്രുതി പതിയെ കണ്ണു തുടച്ചു

ലക്ഷ്മി : കരയല്ലേ ശ്രുതി

ശ്രുതി : പറ്റുന്നില്ല ലക്ഷ്മി...എത്രയെന്ന് വച്ചാ

ലക്ഷ്മി : ദാ നോക്ക് ശ്രുതി നിന്റെ അച്ഛന് നീ മാത്രമേ ഉള്ളു അത്