Chapter Title : 💞ആയിരം കണ്ണുമായി 3 [Fang leng]

നിങ്ങൾ കോളേജ് കഴിഞ്ഞു പോകുമ്പോൾ നിങ്ങളിൽ കുറച്ച് അഡീഷണൽ സ്കിൽസ് കൂടി ഉണ്ടാക്കുവാനായി തുടങ്ങിയ ഒരു കോഴ്സ് ആണ്... ഐ ടി യായിരിക്കും നമ്മുടെ പ്രധാന വിഷയം ഒപ്പം സ്പോക്കൻ ഇംഗ്ലീഷും മൈൻഡ് ഡെവൊലൊപ്പ് മെന്റുമെല്ലാം നമ്മൾ പഠിക്കും അപ്പോൾ എല്ലാവരും സിസ്റ്റം ഓൺ ചെയ്തെ

കുട്ടികൾ എല്ലാവരും സിസ്റ്റം ഓൺ ചെയ്തു ടീച്ചർ പതിയെ ക്ലാസ്സ്‌ ആരംഭിച്ചു

"അപ്പോൾ ഞാൻ ഒരു തവണ ചെയ്തു കാണിക്കാം നോക്കിയിരുന്നോ അതുകഴിഞ്ഞു നിങ്ങളും ചെയ്യുക... കംപ്ലീറ്റ് ആക്കിയിട്ട് അതിന്റെ പ്രിന്റ് എടുത്ത് വെക്കുക അവസാനം റെക്കോർടിൽ ഒട്ടിക്കേണ്ടതാണ് "

മിസ്സ്‌ പതിയെ വർക്ക്‌ ചെയ്യാൻ തുടങ്ങി മുന്നിലെ വലിയ സ്‌ക്രീൻ കുട്ടികൾ എല്ലാം അത് നോക്കിയിരുന്നു ഒരാൾ ഒഴിച്ച് :- അഖിൽ അപ്പോൾ സിസ്റ്റത്തിൽ മറ്റെന്തൊക്കെയോ നോക്കുകയായിരുന്നു

അഖിൽ : ഇവിടെ വൈഫൈ ഒന്നുമില്ലെ... ഗെയിം എന്തെങ്കിലും കാണുവോ...ഓഹ് ഇവിടെ കിടപ്പുണ്ടല്ലോ... കാർ റേസിംഗോ... ഇതെങ്കിൽ ഇത് സമയം പോകുമല്ലോ

അഖിൽ പതിയെ വോളിയം മ്യൂട്ട് ചെയ്ത് ഗെയിം കളിക്കാൻ തുടങ്ങി അഖിലിന്റെ ഈ പ്രവർത്തികൾ ശ്രുതി ശ്രദ്ധിക്കുന്നുണ്ടായിരുന്നു

ശ്രുതി : അത് ഓഫാക്കിയിട്ട് ക്ലാസ്സിൽ ശ്രദ്ധിക്കടോ

അഖിൽ : നീ നിന്റെ പണി നോക്ക് കപ്പലണ്ടി

ശ്രുതി : കപ്പലണ്ടിയോ...

അഖിൽ : നൊണ്ടി നിനക്ക് ഇഷ്‌ടമല്ലോല്ലോ അതുകൊണ്ടാ... കപ്പലണ്ടി അതാകുമ്പോൾ വിളിക്കാനും എളുപ്പമുണ്ട്

ശ്രുതി : എന്നെ നീ ഒന്നും വിളിക്കണ്ട മര്യാദക്ക്‌ ഓഫാക്കിക്കെ സിസ്റ്റം കേടാകും... പിന്നെ എന്റെ ശ്രദ്ധിയും പോകുവാ

അഖിൽ : നീ ഇങ്ങോട്ട് നോക്കാതിരുന്നാൽ മതി

ശ്രുതി : ഇഷ്‌ടമില്ലെങ്കിലും ഓരോയെണ്ണം കെട്ടി എടുത്തോളും

അഖിൽ : എന്താടി... എന്താ

ശ്രുതി : ഒന്നുമില്ല

അഞ്ചു : അപ്പോൾ ശെരി എല്ലാവരും ചെയ്തു തുടങ്ങിക്കേ

ശ്രുതി വേഗം തന്നെ വർക്ക്‌ ചെയ്തു തുടങ്ങി

അല്പസമയത്തിനു ശേഷം

ശ്രുതി : ഇത് കഴിഞ്ഞിട്ട് മിസ്സ്‌ എന്താ ചെയ്തത്...ആ മാരണം കാരണം ശ്രദ്ധയും പോയല്ലോ...

അപ്പോഴേക്കും അഞ്ചു ഓരോരോ കുട്ടികളുടെ അടുത്തേക്ക് എത്തി അവർ ചെയ്യുന്നത് നോക്കാൻ തുടങ്ങി പതിയെ അഞ്ചു അഖിലിന് എതിരെ