Chapter Title : 💞ആയിരം കണ്ണുമായി 3 [Fang leng]

: അഖിൽ

അവൻ ചമ്മൽ മറച്ചു വച്ച് പറഞ്ഞു

അഞ്ചു : ആ ഫോം ഇങ്ങ് എടുത്തെ

അഖിൽ വേഗം തന്നെ ഫോം കയ്യിലേക്ക് എടുത്തു

അഖിൽ : ഇതാ ചേ... ഓഹ്... മിസ്സ്‌

അഞ്ചു ഫോം കയ്യിലേക്ക് വാങ്ങി

അഞ്ചു : ശ്രുതി അവിടെ തന്റെ അടുത്തുള്ള സിസ്റ്റം ഒഴിവല്ലേ

അഞ്ചു മിസ്സ്‌ പുറകിലിരിക്കുന്ന ശ്രുതിയോടാ യി വിളിച്ചു ചോദിച്ചു അപ്പോഴാണ് അഖിൽ പിന്നിലിരിക്കുന്ന ശ്രുതിയെ ശ്രദ്ധിച്ചത്

ശ്രുതി : അതെ മിസ്സ്‌ പക്ഷെ ഇത് സിനിയുടെയാ

അഞ്ചു : സിമി ഇനി വരുമെന്ന് തോന്നുന്നില്ല അഖിൽ അവിടെ ചെന്നിരുന്നോ

ഇത് കേട്ട ശ്രുതി തലയിൽ കൈ വച്ചു

ശ്രുതി : ( ഈ നാശം എപ്പോഴും കറങ്ങി തിരിഞ്ഞു എന്റെ അടുത്തേക്ക് തന്നെയാണല്ലോ വരുന്നെ )

അഖിൽ പതിയെ പിന്നിലെ സിസ്റ്റം ടേബിളിന് മുന്നിൽ ചെന്നിരുന്നു ശേഷം തൊട്ടപ്പുറത്തായി ഇരിക്കുന്ന ശ്രുതിയെ ഒന്ന് നോക്കി

അഖിൽ : ഓഹ് മാഡം ഇവിടെ ഇരിപ്പുണ്ടായിരുന്നോ

ശ്രുതി : മിണ്ടാതിരിക്കാൻ നോക്ക് ക്ലാസ്സിൽ സംസാരിക്കാൻ പാടില്ല

അഖിൽ : ഓഹ് ഉത്തരവ്

പെട്ടെന്ന് തന്നെ അഞ്ചു മിസ്സ്‌ കുട്ടികളോട് സംസാരിക്കാൻ തുടങ്ങി

അഞ്ചു : ഇന്ന് കുറച്ച് പുതിയ കുട്ടികൾ കൂടി ജോയിൻ ചെയ്തിട്ടുണ്ടല്ലോ അവർക്ക് വേണ്ടി അസാപ്പിനെ കുറിച്ച് ഒരു ചെറിയ ഐഡിയ തരാം.. അസാപ്പ് എന്നാൽ നിങ്ങൾ കോളേജ് കഴിഞ്ഞു പോകുമ്പോൾ നിങ്ങളിൽ കുറച്ച് അഡീഷണൽ സ്കിൽസ് കൂടി ഉണ്ടാക്കുവാനായി തുടങ്ങിയ ഒരു കോഴ്സ് ആണ്... ഐ ടി യായിരിക്കും നമ്മുടെ പ്രധാന വിഷയം