Chapter Title : 💞ആയിരം കണ്ണുമായി 9 [Fang leng]

തുടങ്ങി

കുറച്ച് മണിക്കൂറുകൾക്ക്‌ ശേഷം ശ്രുയുടെ അച്ഛൻ കച്ചവടത്തിന് ശേഷം തിരികെയെത്തി

ശ്രുതി : ഇന്ന് നേരത്തെയാണല്ലോ

അച്ഛൻ : വലിയ ആളൊന്നും ഇല്ല അതുകൊണ്ട് നേരത്തെ പൂട്ടി... നീ കഴിച്ചോ

ശ്രുതി : ഇല്ല

അച്ഛൻ : എന്നാൽ വാ കഴിക്കാം

അല്പനേരത്തിനുള്ളിൽ അവർ കഴിക്കാൻ തുടങ്ങി

അച്ഛൻ : രണ്ട് ദിവസമായി നിന്റെ കൂടെ കടയിൽ ഒരു പയ്യൻ വന്നിരിക്കുന്നുണ്ട് എന്ന് ഒന്ന് രണ്ട് പേർ പറയുന്നത് കേട്ടു...

ശ്രുതി : ഓഹ്... അത് അഖിലാ അച്ഛാ ടീച്ചറിന്റെ മകൻ... അതിനിടയിൽ ഇത് ആരാ അച്ഛനോട് വന്നു പറഞ്ഞെ

അച്ഛൻ : അഖിൽ... അവന്റെ കൂടെയല്ലേ അന്ന് നീ പുറത്ത് പോയെ

ശ്രുതി : അതെ... അവൻ നല്ല ആളാ അച്ഛാ ഞാൻ പറഞ്ഞിട്ടുണ്ടല്ലോ

അച്ഛൻ : നല്ലതാണോ അല്ലെ എന്നൊന്നും ഞാൻ ചോദിച്ചില്ലല്ലോ മോളെ... നല്ലതല്ലെങ്കിൽ മോള് കൂട്ടുകൂടില്ല എന്ന് അച്ഛന് അറിയാം..

ശ്രുതി : ആളുകളൊക്കെ അച്ഛനോട് ഓരോന്നൊക്കെ പറഞ്ഞു തന്നുകാണും അല്ലെ

അച്ഛൻ : ഹേയ് എന്ത് പറയാൻ.. നിങ്ങള് ഫ്രണ്ട്‌സ് ആണെന്ന് അച്ഛന് അറിയാം... അങ്ങനെ തന്നെയല്ലേ അതോ മോൾക്ക് വേറെ എന്തെങ്കിലും ഇഷ്ടം ഉണ്ടോ

ശ്രുതി ഉത്തരം ഒന്നും പറഞ്ഞില്ല

അച്ഛൻ : കഴിഞ്ഞ തവണ ചോദിച്ചപ്പോൾ പെട്ടെന്ന് ഉത്തരം പറഞ്ഞല്ലോ... ഇപ്പോൾ എന്ത് പറ്റി

ശ്രുതി : എനിക്ക് ഇഷ്ടം ഉണ്ടെങ്കിൽ അച്ഛന് വിഷമമാകുമോ...

ഇത് കേട്ട് അയാൾ പതിയെ ചിരിച്ചു

ശ്രുതി : ചിരിക്കല്ല അച്ഛാ

അച്ഛൻ : ചിരിക്കാതെ പിന്നെ... വിഷമം ആക്കൊന്ന്...