Chapter Title : അബദ്ധം 4 [PG]

പുഞ്ചിരി നൽകിക്കൊണ്ട് തിരിഞ്ഞ് ഗ്ലാഡിസിനെ നോക്കി

“എനിക്ക് ഇവനോട് കുറച്ച് കാര്യങ്ങൾ സംസാരിക്കാൻ ഉണ്ട്. കുറച്ച് നേരത്തേക്ക് നീ പുറത്ത് നിൽക്ക്..“

ഒന്നും പറയാതെ അനുസരണയോടെ ഗ്ലാഡിസ് വാതിൽ ചാരി പുറത്തേക്ക് പോയി.

അയാൾ കുറച്ച് കൂടി അടുത്തേക്ക് ചേർന്നിരുന്ന ശേഷം തിരിഞ്ഞ് ഗ്ലാഡിസ് മുറിയിൽ നിന്ന് പുറത്തേക്ക് പോയെന്ന് ഉറപ്പ് വരുത്തിയ ശേഷം പതിഞ്ഞ സ്വരത്തിൽ പറഞ്ഞു

“ഞാൻ പറയുന്നത് പോലെ കേട്ടാൽ നിനക്ക് ഇവിടുന്ന് രക്ഷപ്പെടാൻ പറ്റും..“

അയാൾ പറഞ്ഞത് എനിക്ക് ആദ്യം തീരെ വിശ്വസിക്കാനായില്ല. പക്ഷേ അയാൾ അടുത്തിരുന്ന് ഓരോ കാര്യങ്ങളായി പറഞ്ഞ് തുടങ്ങിയപ്പോൾ എനിക്ക് ഉറപ്പായി ഇവിടുന്ന് ആർക്കെങ്കിലും എന്നെ രക്ഷിക്കാൻ കഴിയും എങ്കിൽ അത് ഈ സ്വാമിജിക്ക് മാത്രമാണ്.

“എനിക്ക് ഇവിടുന്ന് രക്ഷപ്പെടണം തിരികെ വീട്ടിലെത്തണം.സ്വാമിജി പറ ഞാൻ എന്താ ചെയ്യേണ്ടത്.“

“ഞാൻ എന്ത് പറഞ്ഞാലും ഇവിടെ ആരും എതിർത്ത് പറയാറില്ല. കവടി നിരത്തി ഞാൻ പറയുന്നത് അച്ചാട്ടായി നടക്കും എന്ന വിശ്വാസം ഇവർക്കുണ്ട് . പോരാത്തതിന് ബഹുലേയൻ എന്റെ ഒരു അനന്തരവനാണ് അതുകൊണ്ട് ഞാൻ പറയുന്നത് അവൻ കേൾക്കാതിരിക്കില്ല. ഞാൻ ഇപ്പോൾ ഇവിടെ വന്നതിന് കാരണം എന്താണെന്ന് അറിയോ നിങ്ങളുടെ ശാന്തി മുഹൂർത്തം തീരുമാനിക്കാൻ.. “

എനിക്ക് സ്വാമിജിയുടെ മുഖത്തേക്ക് നോക്കാൻ തന്നെ ലജ്ജ തോന്നി ഇവിടെ എന്താ നടന്നത് എന്താ നടക്കാൻ പോകുന്നത് എല്ലാം അയാൾക്ക് അറിയാം .

“പേടിക്കണ്ട ഇവിടെ നടന്നത് ഒന്നും ആരും അറിയാൻ പോകുന്നില്ല നിനക്ക് നിന്റെ പഴയ ജീവിതം തിരികെ കിട്ടും. നടന്നതൊക്കെ ഒരു ദുസ്വപ്നമായി കണ്ട് മറന്ന് കളഞ്ഞാൽ മതി.