Chapter Title : അച്ചുവിൻ്റെ രാജകുമാരൻ 5 [Mikhael]

ഒന്ന് മിണ്ടാതിരുന്നെ നല്ലൊരു ദിവസം ആയിട്ട് എന്തിനാ സാറിനെ വെറുതെ വിഷമിപ്പിക്കുന്നെ
അമ്മു : അമ്മേ ദേ കറിയെല്ലാം റെഡി ആയിട്ടുണ്ട്
ശാരദ : എന്നാ നമുക്ക് കഴിക്കാം അച്ചു മോന് കൈ കഴുകാൻ വെള്ളം എടുത്ത് കൊടുക്ക്
അച്ചു : ആ ചേച്ചി
സാറ് വാ
അജു : അച്ചു എടോ തനിക്ക് ഈ സാർ വിളി ഒന്ന് നിർത്തിക്കൂടെ
അമ്മു : അത് ഞാൻ എങ്ങനെയാ സാറിനെ
അജു : എടോ തന്നോട് എൻ്റെ പേര് വിളിക്കാനൊന്നും അല്ലല്ലോ ഞാൻ പറയുന്നേ സാർ എന്ന വിളി മാറ്റി അമ്മു വിളിക്കുംപോലെ അർജ്ജുവേട്ടാന്നോ അങ്ങനെ വല്ലതും വിളിച്ചൂടെ ഈ സാർ വിളി എന്തോ ഒരു അകൽച്ച ഫീൽ ചെയ്യുന്നു
അച്ചു : ഞാൻ ശ്രമിക്കാം ഇപ്പൊ സാറ് കൈ കഴുക്
( അങ്ങനെ അവർ അജുവിന് നല്ല ചോറും കോഴിക്കറിയും പപ്പടവും ഉപ്പേരിയും എല്ലാം കൂട്ടി ഉച്ച ഭക്ഷണം കൊടുത്തു കൂടെ സച്ചുവും കഴിച്ചു.
അജുവും സച്ചുവും കഴിച്ച് കഴിഞ്ഞ് ആണ് അച്ചുവും അമ്മുവും ശാരദയും കഴിച്ചത് അത് വരെ അജു സച്ചുവിനോട് ഓരോന്ന് സംസാരിച്ചിരുന്നു സച്ചു വീണതിനെ കുറിച്ചും ചോദിച്ചു അച്ചുവിനോടും അമ്മുവിനോടും പറഞ്ഞ അതേ മറുപടി ആണ് സച്ചു അജുവിനോടും പറഞ്ഞത് അങ്ങനെ സംസാരിച്ചു നേരം പോയത് അറിഞ്ഞില്ല എല്ലാവരും കഴിക്കൽ കഴിഞ്ഞ് അജുവിനോട് സംസാരിച്ചു കൊണ്ടിരുന്നു
ആ സമയം അച്ചു ഒരു പാത്രത്തിൽ ചോറും കറികളും ആയി അവളുടെ വീട്ടിലേയ്ക്ക് പോയി അത് കണ്ട അജു )
അജു : അല്ല ചേച്ചി അച്ചു എങ്ങോട്ടാ ഈ പോകുന്നെ
ശാരദ : അതിൻ്റെ കാര്യം വലിയ കഷ്ടമാ മോനേ ആകെയുള്ളത് ഇവനും പിന്നെ പേരിനു ഒരു അച്ഛനും ആണ് അയാള് ഏതു നേരത്തും മൂക്ക് മുട്ടെ കുടിച്ചു വെളിവില്ലാതെയാണ് നടപ്പ്
ഈ കുട്ടി എന്ത് ചെയ്യാനാ
അജു : അപ്പോ അവരുടെ പഠനം എങ്ങനെയാ
അമ്മു : ഏട്ടാ അത് അച്ചുവിൻ്റെ കോളേജ് പഠനം ആരോ സ്പോൺസർ ചെയ്തിരിക്കാ അത് ആരാണെന്ന് ആർക്കുമറിയില്ല