അച്ചായൻ പറഞ്ഞ കഥ അർജുന്റെ റിയ കുട്ടി നിലാവ് പോലെ വന്നവൾ 3[ഏകൻ]

ഇല്ലേ?"

"ഞാൻ സങ്കടം കൊണ്ട് കരഞ്ഞതല്ല.. ഒരുപാട് നാൾ ഞാൻ സങ്കടം കൊണ്ട് കരഞ്ഞിട്ടുണ്ട് എന്നാൽ ഇത് സന്തോഷം കൊണ്ടാ എന്നെ ഇങ്ങനെയും സ്നേഹിക്കാൻ ഒരാളുണ്ടല്ലോ എന്ന സന്തോഷം .."

"മതി മതി എവിടെ വേണമെങ്കിലും പോയി കിടന്നോ! ഞാൻ ഒന്നും പറയുന്നില്ല. പോരെ?"

ഞാൻ സോഫയിൽ കിടന്നു ഉറങ്ങി.

അവിടെ ഹസ്സന്റെ വീട്ടിൽ.

ആലിയും ഫൈസിയും പോയ ശേഷം. ഹസ്സൻ അവിടെ കിടന്ന ബെഞ്ചിൽ ഇരുന്നു.

"എന്ത് പറ്റി. ജോലിക്ക് പോകാൻ ഇറങ്ങിയിട്ട്.. ഇവിടെ ഇരുന്നു പോയത്? " സുബൈദ ചോദിച്ചു.

"എടി ഇത്രയും പ്രായം ഉള്ള ആൾക്ക് ഞാൻ എങ്ങനെയാടി എന്റെ മോളെ കെട്ടിച്ചു കൊടുക്കുന്നെ?

"നിങ്ങൾ എന്നെ കെട്ടിയപ്പം എത്രയായിരുന്നു നിങ്ങൾക്ക് പ്രായം. നാപ്പതോ അതോ അമ്പതോ? അതോ അമ്പതും കഴിഞ്ഞോ? കൂടാതെ എട്ടു വയസുള്ള ഒരു കൊച്ചും.

എനിക്ക് അന്ന് വയസ്സ് വെറും പതിനെട്ടു മാത്രം. അന്ന് നിങ്ങൾക്ക് തോന്നിയില്ലല്ലോ വെറും പതിനെട്ടു വയസുള്ള പെണ്ണിനെയാണ് കെട്ടുന്നത് എന്ന്. എന്നിട്ടിപ്പോ സ്വന്തം മോളുടെ കാര്യം വരുമ്പോൾ.. എന്നോട്

നിങ്ങളെ കെട്ടാൻ എന്റെ വീട്ടുകാർ പറഞ്ഞു ഞാൻ അനുസരിച്ചു. അതുപോലെ തന്നെ ഇതും. അത്രയേ ഉള്ളൂ."

"അതുപോലെ ആണോടി ഇത്. അന്നെനിക്ക് വേറെ ഭാര്യ ഒന്നും ഇല്ല. ഞാൻ ഒന്നേ കെട്ടിയിട്ടും ഉള്ളൂ .. ഇത് അങ്ങേരുടെ നാലാമത്തെ ഭാര്യയായി.. "

"അങ്ങേരുടെ കൈയിൽ പൂത്ത പണം ഉണ്ട്.. നിങ്ങളുടെ കൈയിൽ എന്തുണ്ടായിരുന്നു... നരച്ചു ഓട്ടവീണ രണ്ടു ഷഡ്ഢിയോ?. പണം ഉള്ളവൻ ഒന്നോ രണ്ടോ മൂന്നോ കെട്ടും. അതിനിപ്പം എന്താ. "

"എന്നാലും ഞാൻ അവളുടെ ഉപ്പ അല്ലേടി... ഞാൻ എങ്ങനെയാ അറിഞ്ഞുകൊണ്ട് ഇതിനൊക്കെ കൂട്ട്നിൽക്കുന്നേ... എങ്ങനെ ആടി ഞാൻ അവളെ പിടിച്ചു അയാൾക്ക് കൊടുക്കുന്നെ..? "

"നിങ്ങള് കൂട്ട് നിൽക്കേണ്ട.. നിങ്ങൾ ഒന്നും അറിഞ്ഞിട്ടും ഇല്ല കണ്ടിട്ടും ഇല്ല എന്ന് കരുതിയാൽ മതി. നിക്കാഹിനു രണ്ടോ മൂന്നോ ദിവസം മുൻപ് മാത്രം ഓളെ ഇങ്ങോട്ട് ഒന്ന് കൊണ്ടുവന്നാൽ മാത്രം മതി ബാക്കി ഞാൻ ഏറ്റു. ഇപ്പോഴേ കൊണ്ട് വന്നാൽ എല്ലാം അറിയുന്ന ഓള് പിന്നെ ഈ നിക്കാഹിനു സമ്മതിച്ചെന്ന് വരില്ല. ഈ നിക്കാഹ് കഴിഞ്ഞാൽ നിങ്ങൾക്ക് ഇങ്ങനെ കഷ്ട്ടപെടേണ്ടി വരില്ല . അതിരിക്കട്ടെ!!! നിങ്ങള് ഓളെ എവിടെയാ കൊണ്ടാക്കിയെ?.. ആരാ അവളുടെ കൂടെ കണ്ട ആള്. "

ഹസ്സൻ ഒന്നും മിണ്ടിയില്ല. ഹസ്സനു എന്ത് ചെയ്യണം എന്ന് മനസ്സിലാവാതെ അവിടെ തന്നെ ഇരുന്നു. സുബൈദ ഹസ്സന്റെ ചെവിയിൽ തലയണ മന്ത്രം ഓതികൊണ്ടേയിരുന്നു.

"ഉമ്മാ എനിക്ക് സ്കൂളിൽ പോകാൻ സമയം ആയി." സുഹാന എന്ന അഞ്ചാം ക്ലാസുകാരി ആണ് സുബൈദയെ വിളിച്ചത്.

സുബൈദ എഴുനേറ്റ് പോയി സുഹാനയെ ഒരുക്കി സ്കൂളിൽ അയച്ചു. അപ്പോഴും ഒന്നും മിണ്ടാതെ ഹസ്സൻ അവിടെ തന്നെ ഇരുന്നു. സുഹാന സ്കൂളിൽ പോയ ശേഷം സുബൈദ വന്നു ഹസ്സനോട് പറഞ്ഞു.

"ഇക്ക ഇങ്ങ് വന്നേ... ഞാൻ പറയട്ടെ " സുബൈദ ഹസ്സന്റെ കൈപിടിച്ച് അകത്തേക്ക് പോയി. വാതിൽ അടച്ചു കുട്ടിയിട്ടു.