അച്ചായൻ പറഞ്ഞ കഥ വിധിയുടെ വിളയാട്ടം 8 [ഏകൻ]

വേറെ ഏതെങ്കിലും ഡോക്ടറെ കാണാം. "

ഉണ്ണി തിരിഞ്ഞു നടക്കാൻ നോക്കി.

"ഒരു നിമിഷം ഒന്ന് നിന്നെ. നിങ്ങൾ കാര്യമായി തന്നെ പറയുന്നതാണോ. കൂടിയാൽ നാനൂർ രൂപ കൊടുത്താൽ ഡോക്ടറെ കാണാം എന്നിരിക്കെ. നിങ്ങൾ എനിക്കെന്തിനാ ഇത്രയും വലിയൊരു തുക തരുന്നത് ?" സിസ്റ്റർ ചോദിച്ചു.

"സിസ്റ്ററെ. നമ്മൾ ചില സമയം ചില കാര്യങ്ങൾ തീരുമാനിക്കും. അങ്ങനെ തീരുമാനിച്ചാൽ ആ

തീരുമാനങ്ങൾ അത് അപ്പോൾ നടപ്പിലാക്കണം. അതുകൊണ്ടാണ് ഞങ്ങൾ യാത്രയ്ക്കിടെ ഇവിടെ വന്നത്. ഇത്രയും സമയം ക്യു നിൽക്കാൻ ഞങ്ങൾക്ക് സമയം ഇല്ല. അതാണ് സിസ്റ്ററോട് സഹായം ചോദിച്ചത്. സിസ്റ്റർക്ക് കഴിയില്ല എന്ന് പറഞ്ഞത് കൊണ്ട്. ഞങ്ങൾ വേറെ വഴിനോക്കിക്കോളാം. ഏതായാലും സിസ്റ്റർ വേറെ വഴി നോക്കണ്ട. ആരുടേയും കൈയും കാലും പിടിക്കാനും നിൽക്കേണ്ട. ഇന്നാ ഇത് വെച്ചോ. ഇതിൽ എന്റെ നമ്പറും ഉണ്ട്. ഇതുപോലെ എന്തെങ്കിലും സഹായം വേണമെങ്കിൽ വിളിച്ചാൽ മതി. "

ഉണ്ണി പേഴ്സിൽ നിന്നും അയ്യായിരം രൂപ എടുത്തു കൂടെ വിസിറ്റിംഗ് കാർഡും എടുത്തു അമ്മൂസിന്റെ കൈയിൽ കൊടുത്തിട്ട് പറഞ്ഞു.

"ഇത് സിസ്റ്റർക്ക് കൊടുത്തിട്ട് വാ."

"സോറി സാർ... സോറി, ഞാൻ... എന്റെ... സാർ ഞാൻ ഒരു വല്ലാത്ത അവസ്ഥയിൽ ആയിരുന്നു. അതാ ഞാൻ..... ഞാൻ ഇപ്പോൾ വരാം."

സിസ്റ്റർ എവിടെയോ പോയിട്ട് പെട്ടന്ന് വന്നു. എന്നിട്ട് ഉണ്ണിയേയും അമ്മൂസിനേയും കൂട്ടി ഡോക്ടറുടെ റൂമിലേക്ക് കയറി. എന്നിട്ട് പറഞ്ഞു.

"സാർ ഇവിടെ ഇരുന്നോളു ഡോക്ടർ ഇപ്പോൾ വരും. പിന്നെ സാർ എനിക്ക് തരാൻ നോക്കിയ പണം എനിക്ക് ഇപ്പോൾ വാങ്ങാൻ കഴിയില്ല . സാറിന്റെ കാർഡ് മാത്രം എനിക്ക് തന്നാൽ മതി ഞാൻ വിളിച്ചോളാം . അപ്പോൾ എന്റെ അക്കൗണ്ടിൽ ഇട്ടു തന്നാൽ മതി. അത്രയും ഗതികെട്ട അവസ്ഥയിൽ ആയത് കൊണ്ടാണ്‌. "

"അപ്പോൾ സിസ്റ്ററുടെ പേര് പറഞ്ഞില്ല. "

"സിനി ".

"എന്നാ ഇനി . സിനി എന്ന് വിളിച്ചാൽ മതിയല്ലോ? സിനിയുടെ നമ്പർ താ. ഇപ്പോൾ തന്നെ ഞാൻ പണം അയച്ചു തരാം."

സിനി നമ്പർ കൊടുത്തു. ഉണ്ണി അയ്യായിരത്തിനു പകരം പതിനായിരം അയച്ചു കൊടുത്തു.. സിനിയുടെ കണ്ണ് നിറഞ്ഞു.

കുറച്ചു കഴിഞ്ഞു ഡോക്ടർ വന്നു.

"എന്താണ് .. പറഞ്ഞോളൂ. " ഡോക്ടർ പറഞ്ഞു.

"ഡോക്ടർ എന്റെ പേര് ഉണ്ണി. ഇത് എന്റെ ഭാര്യ അമ്മു. ഞങ്ങൾക്ക് ഒരു കുഞ്ഞിനെ വേണം." ഉണ്ണി പറഞ്ഞു.

"അതിനെന്താ അത് നല്ല കാര്യം അല്ലെ!?" ഡോക്ടർ പറഞ്ഞു.

"അതല്ല ഡോക്ടർ. ഞങ്ങൾക്ക് ഒരു മോളുണ്ട്. അവളുടെ കല്യാണം കഴിഞ്ഞു പോയി . ഇപ്പോൾ നമ്മൾ രണ്ടാളും തനിച്ചായി. അപ്പോൾ ഒരു ആഗ്രഹം ഒരു കുഞ്ഞ് വേണെന്ന്. എന്നാൽ ആദ്യ പ്രസവം കഴിഞ്ഞപ്പോഴേ നിർത്തിയായിരുന്നോ എന്നൊരു സംശയം. " ഉണ്ണി പറഞ്ഞു.

"അതിനാണോ ഇവിടെ വരെ വന്നത് .? നിങ്ങളുടെ ബെഡ്‌റൂം വരെ പോകേണ്ട കാര്യം അല്ലേ ഉള്ളൂ. അതിരിക്കട്ടെ!!! ഒരു കുഞ്ഞിന് വേണ്ടി ശ്രമിച്ചിരുന്നോ? ഡോക്ടർ ചോദിച്ചു.

"അതല്ല ഡോക്ടർ ഇനി ഈ